د افغانستان د سوداګرۍ او پانګونې اتاق د کاري چارو د ښه والي او سوداګرو او پانګوالو ته د غوره خدمتونو وړاندې کولو په موخه، د مدیره پلاوي د ۲۷مې غونډې د پریکړو د تعقیب او د امام ابو حنیفه (رح) د درېیم ملي او نړیوال نندارتون د ښه ترسره کولو په اړه د ښاغلي میرزمان پوپل د عامل پلاوي مالي او اداري مرستیال سرپرست، مالي مفتش او د اتاق د بېلابېلو دیپارتمنتونو مسؤلینو په ګډون د راپور ورکولو غونډه جوړه کړه.

په دې غونډه کې، د اتاق بېلابېلو دیپارتمنټونو مسؤلینو د خپلو اړوندو برخو کاري راپورونه چې په تېرو څو ورځو کې ترسره شوي او همدارنګه د راتلونکو دوو اونیو لپاره کاري پلانونه یې غونډې ته وړاندې کړل او د اتاق مدیره پلاوي د پریکړو او لارښوونو سره سم د سپارل شویو چارو د پرمخ وړلو ډاډ یې ورکړ.

ښاغلي پوپل، د خصوصي سکتور غړو ته د غوره خدمتونو وړاندې کولو او د امام ابو حنیفه (رح) درېیم ملي او نړیوال نندارتون د ښه ترسره کولو په اړه د اتاق د دیپارتمنتونو دندو او مسؤلیتونو په اړه خبرې وکړې او خصوصي سکتور ته د غوره خدمتونو وړاندې کولو، د یاد نندارتون بهرنیو ملاتړ کوونکو هڅولو، د مدیره پلاوي د ۲۷مې غونډې پریکړو پلي کولو او له دولتي ادارو سره د ښو کاري اړیکو د لرلو په برخو کې اړینې لارښوونې وړاندې کړې.

د امام ابو حنیفه (رح) درېیم ملي او نړیوال نندارتون چې ټاکل شوې ده د روان کال د تلې له ۱۵مې څخه تر ۲۱مې نېټې پورې په کابل کې د ملي او نړیوال نندارتون په مرکز کې جوړ شي، پکې بیلابیل تولیدي، سوداګریز، خدماتي، کرنیز، صنعتي، کانونو، ماشینونو، ترانسپورت، لوژیستیک، ساختماني او نور سکتورونو کولی شي خپل محصولات د اوو ورځو لپاره نندارې ته وړاندې کړي.

 

 

 

ښاغلي محمد یونس مهمند د افغانستان د سوداګرۍ او پانګونې اتاق لومړي مرستیال، په افغانستان کې د ترکیې هېواد له سفیر ښاغلي جنک اونال، سره وکتل، د سوداګرۍ د پراختیا او د سوداګرو ستونزو د حل په اړه یې خبرې وکړې.

په دې ناسته کې، ایمره اونال په افغانستان کې د ترکیې سفارت سوداګریز اتشه او عبدالمتین غالب د اتاق د نړیوالو اړیکو مسئول هم ګډون درلود. په پیل کې، ښاغلي مهمند، د ترکیې د شریف ملت له همکارۍ څخه مننه وکړه او د دواړو هېوادونو ترمنځ د سوداګریزو او اقتصادي اړیکو په پیاوړتیا ټینګار وکړ. هغه، همدارنګه له ښاغلي سفیر څخه وغوښتل چې هېواد یې وهڅوي ترڅو په افغانستان کې لا ډیره پانګونه وکړي.

ښاغلي مهمند، د افغانستان په عمومي امنیت، د کوکنارو په بندیز او د فساد په له منځه وړلو خبرې وکړې او ټینګار یې وکړ چې په افغانستان کې د ټولو سکتورونو لپاره د پانګونې شرایط برابر شوي دي.

په پای کې، د اتاق لومړي مرستیال، له ترکیې سفارت څخه وغوښتل چې د یاد هېواد سوداګر او پانګه ‌وال د امام ابوحنیفه دریم ملی او نړیوال نندارن ته د ګډون په موخه راوبولي.

ښاغلي اونال، د مطرح شویو موضوعاتو هرکلی وکړ او د هر اړخیزې همکارۍ ژمنې ترڅنګ، زیاته یې کړه چې ترکیه په افغانستان کې د کرنې او مالدارۍ په برخو کې د پانګونې لیوالتیا لري. هغه، همدارنګه خبر ورکړ چې DIEK، MUSIAD او TICA به په یاد نندارتون کې د یو سوداګریز پلاوي سره ګډون وکړي.

 

 

ددې مرکز په پرانست مراسمو کې، د ازبیکستان لومړی وزیر او سوداګرۍ وزیر، د افغانستان د ریاست الوزراء اقتصادي مرستیال، د صنعت او سوداګرۍ سرپرست وزیر، د افغانستان د سوداګرۍ او پانګونې اتاق سوداګریز مرستیال ښاغلي خیرالدین مایل احمدي او د دواړو هېوادونو یو شمېر سوداګرو او پانګه ‌والو ګډون کړی و.

د دواړو لوریو چارواکو، د دې مرکز پر اهمیت او په سوداګریزو او اقتصادي اړیکو کې د یاد مرکز پر نقش خبرې وکړې او دا یې د دواړو هېوادونو په اړیکو کې یو نوۍ فصل وباله.

د "اینترمکس" نړیوال سوداګریز مرکز د افغانستان او ازبیکستان ترمنځ په پوله نږدې د سرخان دریا ولایت کې جوړ شوی دی. د دې پروژې مساحت ۲۶۰۰۰۰ متره مربع دۍ او په کې پلورنځي، تولیدي سیمې، د صادراتو او وارداتو لپاره د لوجستیک مرکز، رستورانتونه، مهمان‌خانې، د نړیوالو طبي خدماتو مرکز، د تیلو ټانک، د مصنوعي اوبو د تولید لویه سیمه او تفریحي ځای شامل دي.

د دې نړیوال سوداګریز مرکز جوړولو موخه د ازبیکستان او افغانستان ترمنځ د سوداګریزو توکو آزادانه تبادله ده. د دې ګډ بازار له پرانست وروسته، د افغانستان اتباع کولای شي پرته له ویزې د ۱۰ ورځو لپاره په دې سیمه کې د توکو اخیستلو او استراحت لپاره سفر وکړي.

 

 

د افغانستان سوداګرۍ او پانګونې اتاق په مرکزي دفتر کې د سکتوري اتاقونو ګډه ناسته د خصوصي سکتور غړو د تېرو کلونو مالیاتي اسنادو ستونزو لپاره د مناسبو حل لارو موندلو په موخه ترسره شوه. په دې ناسته کې، ښاغلي نصیر احمد عرب د اتاق خدماتي مرستیال، خان محمد سرفراز باز د اتاق مدیره پلاوي دارالانشاء رئیس، شیرین آغا سخي د اتاق مدیره پلاوي مالي رئیس او د پیشه ورانو اتاق رئیس، خانجان الکوزي، د اتاق مدیره پلاوي غړی، شیر باز کمین زاده د صنایع او کانونو اتاق رئیس، اختر محمد احمدي د تازه میوې ټولنې رئیس، او حاجي عبیدالله د رخت ټولنې رئیس ګډون درلود.

په یاده ناسته کې، د سکتوري اتاقونو رئیسانو او استازو له هر اړخیزو او تفصیلي خبرو وروسته پرېکړه وکړه چې د خصوصي سکتور د غړو مشورې او نظریات د مالیاتي ستونزو د حل په موخه له حکومت او اړوندو ادارو سره شریکې کړي ترڅو په دې اړه د حکومت لخواه عملي اقدامات وشي.

 

 

د افغانستان سوداګرۍ او پانګونې اتاق، د سیمه‌ ییزو هېوادونو سره د سوداګرۍ د پراختیا، د کورني تولیداتو پېژندنې، د هېواد د صادراتو زیاتوالي، او د سوداګرو او پانګوالو د هڅونې په موخه، د امام ابوحنیفه (رح) د دریم ملي او نړیوال نندارتون د جوړولو لپاره د ملي او نړیوال نندارتون مرکز سره د همکارۍ هوکړه لیک، لاسلیک کړ. دغه هوکړه لیک د ښاغلیو: محمد یونس مهمند، د اتاق لومړي مرستیال، خان محمد سرفراز باز د مدیره پلاوي د دارالانشاء رئیس، سید جاوید برهان د اتاق د نړیوالو اړیکو رئیس، خانجان الکوزي د اتاق مدیره پلاوي غړی، احمد شاه حکیمی د کابل اتاق لومړي مرستیال، میرزمان پوپل د اتاق عامل پلاوي مالي او اداري مرستیال سرپرست، عبدالصابر لطیفي د افغانستان د نړیوال نندارتون مرکز رئیس او د اتاق د ډیپارتمنټونو د مسوولینو په حضور کې لاسلیک شوه.

په یاد نندارتون کې بیلابیل تولیدي، سوداګریز، او خدماتي سکتورونه، لکه زراعت، صنعت، غالیو، کانونو، روغتیا، بانکداري، لاسي صنایع، ماشین‌آلات، ترانسپورت، لوژستیک، ساختماني، مخابرات، تعلیم او نور داخلي او بهرني شرکتونه به د اوو ورځو لپاره خپل محصولات نندارې ته وړاندې کړي.

دغه هوکړه لیک د ښاغلي میرزمان پوپل د اتاق مالي او اداري مرستیال سرپرست، او ښاغلي مولا د ملي او نړیوال نندارتون مرکز مدیر مسوول، لخوا د اتاق د کنفرانسونو په تالار کې لاسلیک شوه.