ښاغلي سیدکریم هاشمي، د افغانستان د سوداګرۍ او پانګونې اتاق عمومي رئیس، له ښاغلي انجینر شعیب د بلخ ولایت د درملو پلورونکو د اتحادیې له رئیس او د یادې ټولنې له غړو سره ولیدل.
 
انجینر شعیب د دې سکتور لویې ستونزې له عمومي رئیس سره شریکې کړې او د ستونزو د حل په برخه کې یې د اتاق همکارۍ وغوښته.
ښاغلي هاشمي د درملو د سوداګرو رول د ټولنې د درملنیزو اړتیاوو په پوره کولو کې مهم وباله او ژمنه یې وکړه چې د اړوندو دولتي ادارو په همغږۍ د ستونزو په حل کې د اتاق هر اړخیزه همکاري به دوام ولري.
 
 
 
 
پنجشنبه، د وږي ۶مه، ۱۴۰۴
 
 

بسم الله الرحیم الرحیم
د افغانستان د درونو سوداګرو او پانګوالو او د افغانستان د سوداګرۍ او پانګونې خونۍ د مدیره هیئت د نویو او پخوانیو پتمنو غړیو د پام وړ!
السلام علیکم و رحمت الله و برکاته
لکه ځنګه چې خبریاست، د افغانستان د سوداګرۍ او پانګونې خونې د پخواني مدیره هیئت کاري موده اصولآ پای ته رسیدلې ده.
د کاري تشې د رامنځ ته کیدو د مخنیوي او د چارو د لا سمون او ښه والي په موخه له خصوصي سکټور سره تر ډیرو هلوځلو، پوښتنو او مشورو وروسته د افغانستان د سوداګرۍ او پانګونې خونې د مدیره هیئت لپاره نوي غړي غوره کړل شوي دي.
ټولو محترمو ته خبر ورکول کیږي چې د سوداګرۍ او پانګونې خونې د نوي مدیره هیئت د محترمو غړو د معرفي او د پخوانیو محترمو غړیو د ستایلو په غونډه کې چې د روان کال د وږي میاشتې په ۸ نیټه تر سره کیږي، ګډون وکړي.
یادونه: د غونډې کره وخت او ځای به وروسته له دوستانو سره شریک کړل کیږي.
په درنښت
د افغانستان د سوداګرۍ او پانګونې خونې عمومي ریئس

ښاغلي سید کریم هاشمي، د سوداګرۍ او پانګونې اتاق عمومي رئیس، د جلا ناستو په ترڅ کې د کندهار او کنړ د اتاقونو له رئیس او د مشرتابه پلاوي له غړو سره د اتاق په مرکزي دفتر کې وکتل او د هغوی ستونزې یې واورېدلې.
 
د کندهار او کنړ اتاقونو مشرتابه، د خپلو فعالیتونو او لاسته راوړنو تر څنګ، د دې ولایتونو د سوداګرو لویې ستونزې هم له عمومي رئیس سره شریکې کړې او ترې یې وغوښتل چې د سوداګرو د منسجم کولو او د هغوی د تشویق لپاره هڅې وکړي څو په بېلابېلو سکتورونو کې ستر سهامي شرکتونه جوړ کړي.
ښاغلي هاشمي د هېواد د ټولو سوداګرو پر اتفاق او اتحاد ټینګار وکړ او ژمنه یې وکړه چې په مناسب وخت کې به ټولو ولایتونو ته سفر وکړي او د خصوصي سکتور ستونزې به له نږدې واوري او د اړوندو حکومتي ادارو له مسؤلینو سره به یې شریکه کړي.
 
 
 
دوشنبه، د سنبلې ۳مه، ۱۴۰۴
 
 

ښاغلي لطف‌الله امیني، د ترانسپورتي او بارچلاني شرکتونو د اتحادیې او همدارنګه د بامیان د سوداګرۍ او پانګونې اتاق رئیس، د ترانسپورټ سکتور فعالیتونه او عمده ستونزې د افغانستان د سوداګرۍ او پانګونې اتاق له عمومي رئیس ښاغلي سید کریم هاشمي سره شریکې کړې او د اتاق همکارۍ یې د ستونزو د حل په برخه کې وغوښتله.
 
ښاغلي هاشمي د خپلې هر اړخیزې همکارۍ ډاډ ورکړ او ژمنه یې وکړه چې د اتاق له لارې به د دوی ستونزې اړوندو حکومتي ادارو ته ورسوي او د حل لپاره به یې هڅې وکړي.
 
 
 
 
سه‌شنبه، د وږي ۴مه، ۱۴۰۴
 
 

ښاغلي محمد یونس مهمند، د اتاق لومړي مرستیال، د افغانستان د صادراتو د زیاتوالي لپاره د اروپایي هېوادونو پر لور د اتاق هڅې، د اروپایي اتحادیې د ستندردونو رعایت او همدارنګه په مناسبو بیو د هوایي کارګو شرکتونو د فعالیتونو هڅونې، یادونه وکړه او له ګډونوالو یې وغوښتل چې خپلې وړاندیزي طرحې او د صادراتو ستونزې ولیکي او اتاق ته یې وسپاري.
 
ښاغلي مهمند د سوداګرو ستونزې د کرنې وزارت له معین سره د ټیلیفوني اړیکې له لارې شریکې کړې، چې نوموړي هم د ستونزو د حل ډاډ ورکړ.
سوداګرو، د اتاق له هڅو مننه وکړه او د خپلو صادراتي ستونزو په اړه یې په ځانګړي ډول د کابل په لابراتوارونو کې د ټسټونو د اوږدې پروسې او د هرات په ګمرک کې د صادراتي توکو د درېدلو ستونزې یادې کړې او په دې برخه کې د اسانتیاوو د برابرولو غوښتنه یې وکړه.
 
 
 
 
دوشنبه، د سنبلې ۳مه، ۱۴۰۴
 
 

ښاغلي سید کریم هاشمي، د افغانستان د سوداګرۍ او پانګونې اتاق عمومي رئیس، له ښاغلي مطیع الله فایق د افغان یونایتید بانک اجرائیوي رئیس او د هغه له مل پلاوي سره د اتاق په مرکزي دفتر کې وکتل.
 
ښاغلي فایق د خپلو فعالیتونو او لاسته راوړنو په اړه معلومات وړاندې کړل او زیاته یې کړه: "له خوشبختانه افغان یونایتید خصوصي بانک په ۲۰۲۵ کال کې وتوانېد چې له ۴۴ څخه زیاتو هېوادونو ته د پیسو لیږد په خوندي توګه ترسره کړي او هڅه کوي په دې برخه کې نورې اسانتیاوې هم رامنځته کړي."
ښاغلي هاشمي، د خصوصي بانکونو رول د هېوادونو په سوداګریزو معاملو کې مهم وباله او په دې ټینګار یې وکړ چې د افغانستان بانک، د ماليې وزارت او خصوصي بانکونو ترمنځ ګډه ناسته جوړه شي څو ستونزې وپېژندل شي او له اړوندو حکومتي چارواکو سره شریکه شي. نوموړي د اتاق له لوري د بانکي سکتور د ستونزو د حل په برخه کې د هر اړخیزې همکارۍ ډاډ ورکړ.
 
 
 
 
سه شنبه، د سنبلې ۴مه، ۱۴۰۴
 
 

مقالات دیگر...