د افغانستان د کوچنیو پورونو د کمپلکس له خوا د کوچنیو پورونو کنفرانس د صنعت او سوداګرۍ وزارت سرپرست، د افغانستان بانک سرپرست، په افغانستان کې د یوناما د دفتر رئیسې آغلې روزا اوتنبایوا، د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند، د اتاق سوداګریزو چارو مرستیال ښاغلي خیرالدین مایل احمدي،  په ګډون پیل شو. د افغانستان د سوداګرۍ او پانګونې خونې مرستیال او د سوداګرۍ خونې مرستیال ښاغلي خیرالدین مایل احمدي، د افغانستان د کوچنیو پورونو کمپلکس اجرائیوي رئیس ښاغلي محمد اکبر سروري، د کار نړیوال سازمان استازو،  UNDP او IOM دفتر استازو، دیپلوماتانو د بهرنيو هېوادونو او د هېواد د يو شمېر سوداګرو او پانګوالو په ګډون د کابل په سرينا هوټل کې جوړ شو.

ښاغلي محمداکبر سروري د یاد ستر کنفرانس موخه د فرد او کورنیو د اقتصاد پیاوړتیا او له بې وزلۍ سره مبارزه، د کوچنیو پورونو په سکتور کې د ننګونو په ګوته کول او اقتصادي وده وګڼله او له بهرنیو بنسټونو او کورنیو سکتوري څانګو څخه یې وغوښتل چې د پورته ذکر شویو اهدافو ته د رسیدو برخه کې هر اړخیزه همکاري وکړي.

آغلې روزا اوتنبایوا کوچنیو او متوسطه شرکتونو ته د مالي بنسټونو له خوا د پورونو ورکول د بې وزلۍ د کمولو، د اقتصاد د ودې او د کارموندنې په برخه کې مهم وبلل او په دې برخه کې یې د نړیوالو بنسټونو په ځانګړې توګه د نړیوال بانک پر همکارۍ ټینګار وکړ.

د افغانستان بانک رئیس د کوچنیو پورونو په اړه د قوانینو او طرزالعملونو یادونه وکړه او له هغو مالي بنسټونو څخه چې په دې برخه کې فعال دي، وغوښتل چې له دغه بانک څخه د خپلو فعالیتونو جواز ترلاسه کړي.

د صنعت او سوداګرۍ وزارت سرپرست د دغه ډول کنفرانس له تنظیموونکو مننه وکړه او په دې برخه کې یې له همکارو بنسټونو وغوښتل چې د اسلامي ارزښتونو له مخې کوچنیو او منځنیو تشبثاتو ته پورونه ورکړي.

ښاغلي مهمند د دغه شان کنفرانس د جوړیدو د هرکلي په ترڅ کې په هیواد کې د سوداګرو او پانګوالو د ستونزو لکه: د یو شمیر هیوادونو لخوا د ویزو نه ورکول په ځانګړې توګه د هندوستان د ویزو نه ورکول، په کراچۍ بندر کې د افغان سوداګرو ټرانزیټي ستونزې او د ځينو نورو ستونزو يادونه وکړه او په دې برخه کې يې د يوناما له مشرتابه او نورو اړوندو ارګانونو څخه د همکارۍ غوښتنه وکړه.

نوموړي د افغانستان د سوداګرۍ او پانګونې اتاق د کوچنیو او متوسطو متشبثینو د ملاتړ په برخه کې د هر اړخیزې همکارۍ ډاډ ورکړ.

دوشنبه، لړم ۸مه، ۱۴۰۲

د افغانستان د سوداګرۍ او پانګونې اتاق د سوداګریزو چارو مرستیال ښاغلي خیرالدین مایل احمدي په داسی حال کې چې، د عامل پلاوي سرپرست رئیس ښاغلي میرویس هوتک او د پالیسۍ او تخنیکي چارو مرستیال ښاغلي محمد انور عارفي هم حضور درلود، د ازبکستان د سوداګرۍ اتاق له رئیس ښاغلي بخودیر عبدالرحمانوف سره په انلاین توګه ناسته ترسره او د دواړو هېوادونو ترمنځ د سوداګریزو اړیکو په اړه یې بحث او د نظر تبادله وکړه.

ښاغلي عبدالرحمانوف د ازبکستان د سوداګرۍ اتاق له خوا د دواړو هېوادونو د سوداګرو ترمنځ د نندارتون او سوداګریزې ناستې په اړه چې په نږدې راتلونکي کې په تاشکند کې جوړېږي، هر اړخیز معلومات وړاندې کړل او په دې برخه کې د افغان سوداګرو او پانګوالو د هڅونې په موخه د اتاق د هر اړخیزې همکارۍ غوښتنه یې وکړه.

ښاغلي مایل احمدي په هېواد کې د سوداګرۍ او پانګونې شته فرصتونه، سوداګریزې اړیکې او د افغانستان او ازبکستان د څو کلنو ناستو لاسته راوړنې مهمې وګڼلې او د دواړو هېوادونو ترمنځ یې د سوداګرۍ پر پراختیا او د یادو کنفرانسونو کې د ګډون په موخه د افغان سوداګرو د هڅونې ډاډ ورکړ.

ښاغلي هوتک په پورتنیو چارو کې د افغان سوداګرو او پانګوالو د هڅونې په برخه کې د اتاق د همکارۍ ډاډ ورکړ او د ازبکستان د سوداګرۍ اتاق له مشرتابه یې وغوښتل چې ازبک سوداګر او پانګوال له افغان سوداګرو سره ګډو پانګونو ته وهڅوي.

شنبه، لړم ۶مه، ۱۴۰۲

د افغانستان د سوداګرۍ او پانګونې اتاق سوداګریزو چارو مرستیال ښاغلي خیرالدین مایل احمدي، د مدیره پلاوي غړي ښاغلي محمد داوود یوسفزي او د عامل پلاوي سرپرست رئیس ښاغلي میرویس هوتک په داسی حال کې چې، د هېواد یو شمیر سوداګرو او پانګوالو هم حضور درلود د اورګاډي پټلۍ عواید له رئیس او ټیم سره يې د اتاق په مرکزي دفتر کې لیدنه ترسره او د تیرو کلونو د مالیاتو ورکړې د حل لارو په اړه یې خبرې اترې وکړې.

ښاغلي مایل احمدي د دې غونډې ګډونوالو ته د ښه راغلاست په ترڅ کې مالیه د هېواد د اقتصادي ودې لپاره یو اصل وباله او د هېواد د سوداګرو او پانګوالو لپاره یې د لا زیاتو اسانتیاوو د رامنځته کولو په موخه د اوسپنې پټلۍ له رئیس څخه د همکارۍ غوښتنه وکړه او د مالیاتو ورکړې برخه کې يې د یادې ادارې له مسؤلینو څخه د مناسبو حل لارو لټولو غوښتنه وکړه.  

ښاغلي داوود یوسفزي او نورو سوداګرو د ۱۳۹۵ او ۱۳۹۶ کلونو په موده کې له یادې ادارې څخه د نویو مالیاتو د راټولولو په برخه کې د خپلو ستونزو یادونه وکړه او په دې برخه کې یې د افغانستان د سوداګرۍ او پانګونې اتاق له مشرتابه او د اورګاډي پټلۍ له رئیس څخه د هر اړخیزې همکارۍ غوښتنه وکړه.

ښاغلي میرویس هوتک د افغانستان د سوداګرۍ او پانګونې اتاق د هېواد د ټولو سوداګرو او پانګوالو ګډ کور وباله او د یادو ستونزو د حل په برخه کې یې د هر اړخیزې همکارۍ ډاډ ورکړ.

د هېواد د سوداګرو او پانګوالو د ستونزو له اورېدو وروسته د اورګاډي پټلۍ رئيس یاده اداره يوه خپلواکه اداره وبلله او ژمنه يې وکړه، چې د دولت له اړوندو مسوولينو سره په همغږۍ د سوداګرو د مالياتي ستونزو د حل په برخه کې به خپلې هیڅ ډول همکارۍ ونه سپموي.

دوشنبه، لړم ۸مه، ۱۴۰۲

د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند، د اتاق سوداګریزو چارو مرستیال ښاغلي خیرالدین مایل احمدي، د اتاق مدیره پلاوي درالانشاء رئیس ښاغلي خان محمد سرفراز باز، د مدیره پلاوي غړي ښاغلي خان جان الکوزي او د عامل پلاوي سرپرست رئیس ښاغلي میرویس هوتک په داسی حال کې چې د ننګرهار ولایتي اتاق رئیس ښاغلي ګل مراد عرب او د افغان – پاک ګډ اتاق اجرائیوي رئیس ښاغلي نقیب الله صافي هم حضور درلود، په افغانستان کې د یوناما دفتر له رئیسې آغلې روزا اوتنبایوا سره لیدنه ترسره او په کراچۍ بندر کې د افغان سوداګرو شته ستونزو او په افغانستان کې د پانګونې شته فرصتونو په اړه يې خبرې اترې وکړې.

ښاغلي مهمند د پاکستان په کراچۍ بندر کې د افغان سوداګرو د شته ستونزو په ځانګړې توګه د ترانزیتي ستونزو په اړه چې د افغان سوداګرو د وارداتي او ترانزیتي توکو له ۳۰۰۰ څخه د زیاتو کانتینرونو د بندېدو لامل شوې، یادونه وکړه او په حل کې یې د يوناما له دفتر څخه د همکارۍ غوښتنه وکړه.

همدارنګه ښاغلي مایل احمدي، خان محمد سرفراز باز او خان جان الکوزي د پاکستان په بندرونو کې د یو شمېر سوداګریزو توکو پر واردولو د بندیز، د پاکستان د حکومت له خوا د (اپټا) د تړون له مادو څخه د سرغړونې او د سوداګرو لپاره د اسانتیاو رامنځته کولو، د سیمې هېوادونو ته د سوداګرو د پیسو د لېږد، د بدیلو سوداګریزو او ټرانزیټي لارو څخه ګټې اخیستنې په ځانګړې توګه د چابهار بندر څخه او په یاد بندر کې د آسانتیاوو د رامنځته کولو په اړه خبرې وکړې او د یوناما دفتر له رئیسې څخه يې د یادو حل برخه کې د همکارۍ غوښتنه وکړه.  

آغلې روزا اوتنبایوا د افغانستان د سوداګرۍ او پانګونې اتاق د مشرتابه له خبرو اورېدو وروسته، د دغه دفتر د کاري پروګرامونو په ځانګړي ډول د کوچنیو سوداګریو د ملاتړ او متشبثینو ته د کوچنیو پورونو د ورکولو په برخه کې د یوه سیستم په رامنځته کولو کې خپل ډاډ څرګند او د یادو ستونزو په حل کې يې د همکارۍ ژمنه هم وکړه.

پنجشنبه، لړم ۴مه، ۱۴۰۲

د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند، د اتاق سوداګریزو چارو مرستیال ښاغلي خیرالدین مایل احمدي، د مدیره پلاوي غړو هر یو ښاغلي خان جان الکوزي، محمد داوود یوسفزي او ضیاءالدین اچکزي، د سوداګرۍ او صنعت وزارت سرپرست، د ازبکستان صدراعظم مرستیال ښاغلي جمشید خواجه یوف، د ازبکستان د کرنې، کانونو او پټرولیم، ټرانسپورټ، اوبه او انرژۍ وزیرانو، د ازبکستان د اورګاډي پټلۍ مرستیال، د اتاق د عامل پلاوي سرپرست رئیس ښاغلي میرویس هوتک او د عامل پلاوي د پالیسۍ او تخنیکي چارو مرستیال ښاغلي محمد انور عارفي، د کابل سوداګرۍ اتاق لومړي مرستیال ښاغلي احمد شاه حکیمي او د دواړو هېوادونو سوداګرو او پانګوالو"د افغانستان - ازبکستان د پانګونې د فرصتونو غونډه او ازبکستان ملي نندارتون" کې ګډون وکړ.

ښاغلي مهمند د ازبکستان لوړ پوړي سکتوري پلاوي او د دغې ناستې ګډونوالو ته د ښه راغلاست پرمهال د افغانستان او ازبکستان ترمنځ د سوداګریزو اړیکو په اړه خبرې وکړې او دا ډول ناستې یې د دواړو هېوادونو د سوداګریزو او اقتصادي اړیکو د پیاوړتیا لپاره مهمې وبللې.
نوموړي افغان سوداګرو ته د ویزې د ورکړې په برخه کې د ازبکستان هېواد لخوا د لا زیاتو اسانتیاوو پر رامنځته کولو ټینګار وکړ.

ښاغلي مهمند په هېواد کې د امنیت ټینګښت، د اداري فساد نه شتون او د کوکنارو د کښت مخنیوی په هېواد کې د پانګونې لپاره ښه فرصتونه وبلل او په بېلابېلو برخو کې یې د افغان او ازبک سوداګرو ترمنځ د ګډې پانګونې غوښتنه وکړه.

د صنعت او سوداګرۍ وزارت سرپرست ازبکستان د ښو سوداګریزو او اقتصادي اړیکو له پلوه د افغانستان پخوانی دوست وباله او د ګران هېواد اقتصادي ثبات یې د سیمې د امنیت په تامین کې مهم وباله. هغه د کیمیاوي سرې د تولید، هېواد ته د غنمو د واردولو، د ټکنالوژۍ د معیاري کولو او د کرنې د میکانیزه کیدو په برخه کې د دواړو هېوادونو د سوداګرو ترمنځ د ګډې پانګونې غوښتنه وکړه.

ښاغلي خواجه یوف د دا ډول غونډو د جوړیدو څخه د مننې په ترڅ کې افغانستان یو دوست هیواد او د ازبکستان پخوانی او ښه ګاونډی وباله او د افغانستان اقتصادي ثبات لپاره يې د ازبکستان ښې سوداګریزې او اقتصادي اړیکې مهمې وبللې. نوموړي د دواړو هېوادونو د سوداګرو ترمنځ د ګډې پانګونې په برخه کې د خپل چمتووالي ډاډ ورکړ.

یکشنبه، لړم ۷مه، ۱۴۰۲