ښاغلي محمد یونس مهمند، د افغانستان د سوداګرۍ او پانګونې اتاق لومړي مرستیال، په یوه رسمي لیدنه کې د دوبۍ د سوداګرۍ اتاق له رئیس ښاغلي محمد الراشد لوطه سره د افغانستان او متحده عربي اماراتو ترمنځ د سوداګریزو اړیکو ارزونه وکړه.
په دې غونډه کې ښاغلي محمد یعقوب فیصل، د خلیج په حوزه کې د سوداګرۍ او پانګونې اتاق لوړپوړی مشاور او ملي سوداګر، محترم سالم الشمسي، د نړیوالو اړیکو مرستیال، او عبدالله باقر، د دوبۍ د سوداګرۍ اتاق د اسیایي اړیکو رئیس هم ګډون درلود.
ښاغلي مهمند، د اماراتو د اقتصاد وزارت او د افغانستان د بهرنیو چارو وزارت څخه د دې غونډې د یادې غونډې برابرولو او د دوبۍ د سوداګرۍ اتاق د مېلمه پالنې له امله مننه وکړه. هغه، د افغانستان د سوداګرۍ او پانګونې اتاق د ۹۰ کلونو څخه زیاتې تجربې او د خصوصي سکتور د استازیتوب او نړیوالو سوداګریزو هڅو په اړه مفصل معلومات وړاندې کړل.
د سوداګرۍ او پانګونې اتاق لومړي مرستیال، وویل چې په ټول هېواد کې د امنیت ټینګښت، د اداري فساد ختمېدل او د کوکنارو کښت منع کیدل د پانګونې لپاره ښه فرصتونه رامنځته کړي دي. هغه، وړاندیز وکړ چې د دواړو هېوادونو د سوداګریزو اړیکو د پیاوړتیا لپاره دې د دوبۍ د سوداګرۍ اتاق یوه څانګه په کابل کې پرانستل شي.
ښاغلي محمد یونس مهمند، د افغانستان د سوداګرۍ او پانګونې اتاق او د دوبۍ د سوداګرۍ اتاق ترمنځ د همکاریو هوکړه لیک اشاره وکړه چې په راتلونکو میاشتو کې به لاسلیک شي. هغه، د دوبۍ د سوداګرۍ اتاق له رئیس څخه افغانستان ته د سفر، افغان سوداګرو لپاره د سوداګریزو ویزو اسانولو او د افغان صادراتي محصولاتو لپاره په دوبۍ کې د بازار موندنې او پداسې نورو موضوعاتو خبرې وکړې.
ښاغلي محمد الراشد لوطه، ښاغلي مهمند ته د ښه راغلاست ویلو ترڅنګ د یادو موضوعاتو په برخه کې د همکارۍ ژمنه وکړه. هغه، په دوبۍ کې د افغانستان د سوداګرۍ او پانګونې اتاق څانګې د پرانیستلو وړاندیز هرکلی وکړ او د نړیوال سوداګریز سازمان (WTC) څخه د لیدنې وړاندیز یې هم وکړ.
چهارشنبه، د ۱۴۰۳ کال د مرغومي، ٢٦مه
