د خصوصی سکټور اوچت غږ

08
شنبه, آگست
3 New Articles

زېرمتون

محترم الحاج سید کریم هاشمی رئیس عمومی اتاق تجارت و سرمایه گذاری افغانستان، عصر دیروز با محترم قاری محمد ابراهیم خلیل، رئیس کنترول کیفیت مواد نفتی در دفتر ریاست عمومی اتاق ملاقات کرد.
 
در این دیدار که محترم الحاج میراجان سلیمان‌خیل معاون پالیسی و روابط با حکومت، الحاج سلیمان احمدیار عضو هیئت مدیره اتاق، الحاج مایل خیر خواه و تعدادی از تاجران مواد نفتی نیز حضور داشتند، روی چگونگی روند واردات مواد نفتی با کیفیت به افغانستان بحث و تبادل نظر صورت گرفت.
آقای هاشمی، ضمن قدر دانی از تلاش و همکاری ریاست کنترول کیفیت مواد نفتی در زمینه رسیدگی به مشکلات تاجران مواد نفتی، برخی از چالش های موجود در بنادر تجارتی، گمرکات و لابراتوار های کنترول و تثبیت کیفیت مواد نفتی را یادآور شده و رسیدگی به این چالش ها را در شرایط حساس اقتصادی منطقه، مهم خواند.
محترم قاری ابراهیم خلیل، پس از استماع نظریات و پیشنهادات رئیس عمومی اتاق تجارت و سرمایه گذاری افغانستان و تاجران حاضر در مجلس، روی یک سلسله فعالیت های تخنیکی سیستم کنترول کیفیت مواد نفتی به تفصیل معلومات ارئه کرد. وی، با قدردانی از رهبری اتاق تجارت مبنی بر تلاش برای حل برخی از چالش ها میان تاجران و ریاست کنترول کیفیت؛ خاطر نشان کرد که سکتور خصوصی و یا مسئولان حکومتی همه در جهت خدمت گزاری به کشور و مردم مسئولیت های دارند که با رعایت قوانین و مقرره ها، روند واردات مواد نفتی به افغانستان را به گونه نورمال و مصئون انجام دهند.
 
سه شنبه، 16 سرطان 1405
 
 

د افغانستان د سوداګرۍ او پانګونې خونې عمومي رئیس ښاغلي الحاج سید کریم هاشمي د خونې مرستیالانو په ملتیا په کابل کې د صنعت او کانونو اوونۍ د نړیوال نندارتون لیدنه وکړه.
 
د په نندارتون کې د بېلابېلو غرفو لیدنې پر مهال د افغانستان د صنعت او کانونو خونې رئیس ښاغلي الحاج احمد نبي‌زاده د ښاغلي هاشمي او ورسره پلاوي ملتیا وکړه. دواړو لورو د نندارتون په څنډه کې د صنعتکارانو او پانګه‌والو ترمنځ د پیاوړو اړیکو او ګډو همکاریو پر پراختیا خبرې او د نظرونو تبادله هم وکړه.
ښاغلي هاشمي د دغه ډول نندارتونونو جوړول د کورني صنعت د ودې، اقتصادي پراختیا، د پانګونې جلب او د کورنيو تولیداتو د معرفۍ لپاره مهم وبلل او د افغانستان د سوداګرۍ او پانګونې خونې او د افغانستان د صنعت او کانونو خونې ترمنځ یې د همکاريو پر لا زیاتولو ټینګار وکړ.
همداراز د افغانستان د سوداګرۍ او پانګونې خونې عمومي رئیس ښاغلي سید کریم هاشمي د نندارتون د تنظیم او مدیریت په برخه کې د افغانستان د صنعت او کانونو خونې هڅې وستایلې او د دې خونې د مشرتابه فعالیتونو مننه يې وکړه.
د یادونې وړ ده، چې د افغانستان د سوداګرۍ او پانګونې خونې د پانګونې مرستیال ښاغلي الحاج ارین زلګي عظیمي، د پالیسۍ او له حکومت سره د اړیکو مرستیال ښاغلي الحاج میراجان سلیمان‌خېل، د ولایتي چارو مرستیال ښاغلي الحاج فیض احمد خوافي او د کورنیو تولیداتو او محصولاتو د ملاتړ مرستیال ښاغلي الحاج عبدالنافع بارکزي هم د عمومي رئیس ترڅنګ د نندارتون د بېلابېلو غرفو لیدنه وکړه.
 
سه شنبه، د چنګاښ ۱6مه، ۱۴۰۵
 
 

د افغانستان په بازار کې د نفتي توکو احتمالي کمښت مخنیوي او پېټرولو، ډېزلو او ګازو ته د اړتیا پوره کولو په موخه د ۱۴۰۵ کال د چنگاښ په ۱۳مه، د افغانستان د سوداګرۍ او پانګونې خونې عمومي رئیس ښاغلي الحاج سید کریم هاشمي په مشرۍ د خونې مرستیالانو او د نفتي توکو یو شمېر سوداګرو او واردوونکو په ګډون مشورتي ناسته وشوه.
 
دا ناسته په داسې حال کې وشوه، چې د سیمې په ځینو هېوادونو کې د نفتي توکو په ځانګړي ډول د ګازو د برابرولو او عرضې په برخه کې ستونزې او محدودیتونه رامنځته شوي دي. د افغانستان د سوداګرۍ او پانګونې خونې د موضوع اهمیت په درک سره د نفتي توکو له سوداګرو او واردوونکو وغوښتل، چې د ملي مسؤلیت له مخې د پېټرولو، ډېزلو او مایع ګازو واردات زیات کړي، څو د هېواد د بازارونو او خلکو اړتیاوې په خپل وخت پوره شي.
ښاغلي الحاج سید کریم هاشمي د سوداګرو د هڅو او خدمتونو مننه وکړه او ویې ویل، چې خصوصي سکټور تل د افغانانو ترڅنګ ولاړ دی او د لومړنیو او اساسي اړتیاوو په ځانګړي ډول د نفتي توکو په برابرولو کې يې مهم او حیاتي رول لوبولی. نوموړي ټینګار وکړ، چې سوداګر او پانګه‌وال د ملي اقتصاد د مهمو ستنو په توګه مسؤلیت لري، چې د وارداتو په زیاتولو سره د نفتي توکو د احتمالي کمښت مخنيوی وکړي.
د خونې عمومي رئیس همدارنګه وویل، چې د وارداتو ترڅنګ د نفتي توکو کیفیت ته هم باید جدي پاملرنه وشي. هغه له سوداګرو وغوښتل، چې د هېواد د اړتیا وړ پېټرول، ډېزل او ګاز د ټاکل شوو معیارونو او وړ کیفیت له مخې وارد کړي او بازار ته د بې‌ کیفیته نفتي توکو د عرضې مخه ونیسي.
په دې ناسته کې د نفتي توکو د واردوونکو سوداګرو ستونزې او ننګونې هم وڅېړل شوې. ګډونوالو د ګمرکي او اداري بهیر، د وارداتو پر وړاندې شته ستونزو، بازار ته د نفتي توکو د منظمې عرضې او د خصوصي سکټور او د اسلامي امارت اړوندو ادارو ترمنځ د لا زیاتې همغږۍ پر اړتیا خبرې وکړې.
د افغانستان د سوداګرۍ او پانګونې خونې ډاډ ورکړ، چې د نفتي توکو د واردونکو سوداګرو ستونزې او وړاندیزونه به په رسمي ډول د اسلامي امارت له اړوندو ادارو سره شریک کړي، څو د نافذه قوانینو او طرزالعملونو له مخې واردات اسان، بازار ښه تنظیم، د خلکو اړتیاوې پوره او د نفتي توکو د احتمالي کمښت مخنیوي لپاره لازم اقدامات وشي.
همدارنګه د بېلابېلو ولایتونو او له هېواده بهر د نفتي توکو یو شمېر لویو سوداګرو او د اړوندو شرکتونو مالکانو هم په انلاین ډول په دې ناسته کې ګډون وکړ او د وارداتو د زیاتوالي، د بازار ثبات او د نفتي توکو د کیفیت ښه والي په اړه یې خپل نظرونه او وړاندیزونه د خونې له مشرتابه سره شریک کړل.
د غونډې په پای کې د افغانستان د سوداګرۍ او پانګونې خونې، د نفتي توکو واردونکو سوداګرو او د اسلامي امارت اړوندو ادارو ترمنځ پر نږدې همکارۍ ټینګار وشو. همدارنګه پرېکړه وشوه، چې د نفتي توکو د احتمالي کمښت مخنیوي، د پېټرولو، ډیزلو او مایع ګازو د وارداتو بهیر د اسانتیا، د بې‌ کیفیته نفتي توکو د عرضې مخنیوي او د سوداګرو د ستونزو حل لپاره به د خصوصي سکټور او مسؤلو ادارو ترمنځ د همغږۍ یو ګډ او منظم میکانېزم رامنځته شي.
 
یکشنبه، چنگاښ ۱۴مه، ۱۴۰۵
 
 

د افغانستان د سوداګرۍ او پانګونې خونې عمومي رئیس ښاغلي الحاج سید کریم هاشمي په هغې غونډې کې، چې د خونې د پانګونې مرستیال ښاغلي الحاج ارین زلګی عظیمي، د ولایتي چارو مرستیال ښاغلي الحاج فیض احمد خوافي، د پاليسۍ او له حکومت سره د اړيکو مرستیال ميراجان سليمانخېل او د کورنیو تولیداتو او محصولاتو د ملاتړ مرستیال ښاغلي الحاج عبدالنافع بارکزي هم په کې برخه لرله، ګډون وکړ او د عامل ریاست له مرستیالانو او ټولو کارکوونکو سره پر ليدنې سربېره يې د دوی کاري فعالیتونه وستايل او پر لا ښه‌والي یې ټینګار وکړ.
 
ښاغلي هاشمي د خبرو پرمهال وویل، د افغانستان د سوداګرۍ او پانګونې خونه د خصوصي سکټور ګډ کور دی او له ستر سوداګر څخه تر کوچني دوکاندار پورې ټول په دې اداره کې د درناوي وړ دي. نوموړي زیاته کړه "زما په ګډون، چې د خونې عمومي رئیس یم، تر ټولو ټیټ رتبه کارکوونکي پورې ټول مکلف یوو، چې سوداګرو او پانګوالو ته د خدمتونو په وړاندې کولو او د اداري چارو په ترسره کولو کې په صداقت، مسئولیت او ژمنتیا عمل وکړو"
د خونې عمومي رئیس په دې غونډه کې د کارکوونکو د هڅو او فعالیتونو ستاینه وکړه او اړوندو مسؤلینو ته یې لارښوونه وکړه، چې د افغانستان د سوداګرۍ او پانګونې خونې بنسټګر ارواښاد عبدالمجید خان زابلي د خدمتونو درناوي په موخه دې یو عالي نښان جوړ شي، څو د خصوصي سکټور دې ستر شخصیت د ارزښتناکو خدمتونو د ستاینې یوه کوچنۍ نښه وي.
ښاغلي هاشمي همداراز کارکوونکو ته وویل، د دې لپاره چې د دوی کاري بهیر په عادي او اغېزناک ډول دوام ومومي، که هر کارکوونکی مادي یا معنوي ملاتړ ته اړتیا ولري، رهبري به یې په مسئولانه توګه ملاتړ وکړي.
د غونډې په پای کې د خونې د مالي او اداري چارو مرستیال او د عامل ریاست سرپرست ښاغلي زین‌الله حسني د افغانستان د سوداګرۍ او پانګونې خونې د کاري بهیر د مثبت پرمختګ په اړه عمومي رئیس ته ډاډ ورکړ.
 
دوشنبه، د چنگاښ ۱۵مه، ۱۴۰۵
 
 

د افغانستان د سوداګرۍ او پانګونې خونې د مدیره پلاوي غړو ښاغلي الحاج میرویس وزیرزي کټوازي، الحاج عبدالقاسم عمرخېل، الحاج حمیدالله حبيبي او الحاج مطيع‌الله ګرديزی د صنعت او کانونو اوونۍ د پنځم ملي او نړیوال نندارتون د پرانېستې په مراسمو کې ګډون وکړ او د بېلابېلو غرفو لیدنه يې وکړه.
 
یاد نندارتون به، چې په کابل کې د افغانستان د نړیوال نندارتون په مرکز کې جوړ شوی، د یوې اوونۍ لپاره دوام وکړي او په کې شرکتونو د فلزي او کاني محصولاتو ترڅنګ د درملو، د ابادۍ، پاکولو او خوراکي توکو په شمول بېلابېل کورني تولیدات نندارې ته ايښي.
 
جمعه، چنگاښ ۱۲مه، ۱۴۰۵
 
 

د افغانستان د سوداګرۍ او پانګونې خونې اجرائیه کمېټې شپږمه غونډه د خونې عمومي رئیس ښاغلي الحاج سید کریم هاشمي په مشرۍ او د پانګونې مرستیال الحاج ارین زلګي عظیمي، د پالیسۍ او له حکومت سره د اړیکو مرستیال الحاج میراجان سلیمان‌خېل، د ولایتي چارو مرستیال الحاج فیض احمد خوافي، د ټولنیزو او فرهنګي چارو مرستیال الحاج حبیب الله عمر، د خدماتو مرستیال الحاج عنایت الله صدیق‌زي، د کورنیو تولیداتو او محصولاتو د ملاتړ مرستیال الحاج عبدالنافع بارکزي، د مدیره پلاوي د دارالانشاء رئیس الحاج ذبیح الله عمرخېل او د خونې مالي او اداري مرستیال او د عامل پلاوي د ریاست سرپرست زین‌الله حسني په ګډون د عمومي ریاست په دفتر کې ترسره شوه.
 
د ناستې په پیل کې ښاغلي هاشمي په اوسنیو شرایطو کې د سوداګرو او پانګه‌والو پر ملي مسئولیت خبرې وکړې او ټینګار یې وکړ، چې د افغانستان د سوداګرۍ او پانګونې خونې مشرتابه باید د خلکو اړتیاوو پوره کولو په ځانګړي ډول د لومړنیو او باکیفیته نفتي توکو برابرولو لپاره له بېلابېلو لارو خپلو هڅو ته دوام ورکړي.
ورپسې د اجرائیه کمېټې د شپږمې ناستې د اجنډا موضوعات د مدیره پلاوي د دارالانشاء رئیس ښاغلي الحاج ذبیح الله عمرخېل له لوري غونډې ته وړاندې شول.
وروسته د عامل پلاوي د تېرو پنځو میاشتو کاري راپورونه او وړاندیزونه د خونې مالي او اداري مرستیال او د عامل پلاوي د ریاست سرپرست ښاغلي زین‌الله حسني له لوري وړاندې شول او د مدیره پلاوي غړو ته یې په دې اړه هر اړخیز مالومات ورکړل.
له بحث او د نظرونو له تبادلې وروسته د خونې د سیسټمونو پر ډیجیټلي کېدو ځانګړی ټینګار وشو. همدارنګه د نفتي توکو د وارداتو او د بې‌کیفیته تېلو د واردېدو مخنیوي په اړه پرېکړه وشوه، چې سوداګر دې وهڅول شي څو د هېواد بازارونو او د خلکو اړتیا پوره کولو لپاره د نفتي توکو واردات لا زیات کړي.
په پای کې د عامل پلاوي د ریاست پر وړاندیزونو هم بحث وشو او په اړه یې لازمې پرېکړې وشوې.
 
یکشنبه، چنګاښ۱۴مه، ۱۴۰۵
 
 

مقالات دیگر...

  1. د قرغیزستان د سمنټو له يوې تولیدي فابریکې د افغانستان د سوداګرۍ او پانګونې خونې د مشرتابه پلاوي لیدنه
  2. د قرغیزستان د سوداګرۍ او اقتصاد وزارت له مرستیال سره د افغانستان د سوداګرۍ او پانګونې خونې عمومي رئیس لیدنه
  3. د چین د تولیدي او صنعتي ماشین‌الاتو په نړیوال نندارتون کې د افغانستان د سوداګرۍ او پانګونې خونې مشرتابه پلاوي ګډون وکړ.
صفحه7 از275