د خصوصی سکټور اوچت غږ

د افغانستان د سوداګرۍ او پانګونې خونه د نا دولتي او نا انتفاعي حکمي شخصيت په توګه د هېواد د خصوصي سکټور يو خپلواک قانوني بنسټ دى، چې د سوداګرۍ وزارت او نورو اړوند ارګانونو سره په همغږۍ کې خپل فعالیتونه ترسره کوي او د خصوصي سکټور د ملاتړ، ودې او پرمختيا لپاره په ملي او نړېواله کچه هڅې کوي، څو په هېواد کې د خصوصي سکټور، سوداګرو، بېلابېلوصنعت کارانو، سوداګريزو شرکتونو، اتحادیو، کوپراتیفونو او متشبثینو سوداګريزې او پانګونې کړنې انسجام او همغږې کړي.

د غړیتوب کټګورۍ او خدمتونه

لومړۍ کټګوري (عادي غړیتوب)

د دې کټګورۍ د غړیتوب کارټ لرونکي، چې کلنی فیس یې ۲۰۰۰ افغانۍ دی، له لاندې خدمتونو برخمنېږي:

• 1. د غړي شرکت د ستونزو حل او څېړنې په موخه د اړوندې تخصصي کمېټې په همغږۍ د عامل پلاوي له مسؤلینو سره د لیدنې زمینه برابرول.
• 2. د خونې عامل پلاوي له مسؤلینو سره د ځانګړو ناستو جوړول.
• 3. د غړي شرکت د ظرفیت لوړولو په موخه د عامه پوهاوي، لارښوونې، ظرفیت‌لوړولو پروګرامونو او ورته د تخنیکي مشورو وړاندې کول.
• 4. د غړي شرکت د غوښتنې په صورت کې یاد شرکت په مرکز او ولایتونو کې کورنیو نندارتونونو ته د ګډون لپاره معرفي کول.
• 5. غړو ته د برېښنالیک او واټساپ ګروپونو له لارې د معتبرو سرچینو اقتصادي خبرونو او معلوماتو لېږل.
• 6. د سوداګریزو پلانونو، سوداګریزو تړونونو او پروپوزلونو د چمتو کولو په برخه کې ۵ سلنه تخفیف ورکول.
• 7. که د عادي غړیتوب کارټ لرونکی متشبثه مېرمن وي، د نقره یې (Silver) کټګورۍ له امتیازاتو څخه برخمنېدای شي.
• 8. د خونې د عادي غړیتوب کارټ صادرول.

دویمه کټګوري (نقره یي)

د دې کټګورۍ د غړیتوب کارټ لرونکی، چې کلنی فیس یې ۱۵,۰۰۰ افغانۍ دی، د لومړنۍ کټګورۍ پر خدمتونو سربېره له لاندې خدمتونو څخه هم برخمنېږي:

• 1. د غړي د ستونزو دفاع، تعقیب او حل په موخه اړوندو دولتي او غیر دولتي ادارو ته د مکتوبونو چمتو کول او صادرول (دوه ځله).
• 2. غړي شرکت ته د فعالیتونو پیاوړتیا او ودې لپاره د خونې تخصصي کمېټو له خوا د تخنیکي مشورې وړاندې کول.
• 3. د کورنیو او بهرنیو شرکتونو ترمنځ د ګډو سوداګریزو فعالیتونو او پانګونو لپاره د اسانتیاوو برابرول.
• 4. د سوداګریزو او پانګونې فعالیتونو په موخه د هېوادونو د ویزو ترلاسه کولو لپاره د اړینو اسانتیاوو برابرول (درې ځله).
• 5. د سوداګریزو اسنادو د طی مراحلو چټکتیا په موخه د غړو شرکتونو د غړیتوب تصدیق صادرول.
• 6. د شرکت غړیتوب د تایید لپاره د سپارښتنې لیک (Recommendation Letter) صادرول (دوه ځله).
• 7. د خونې په برېښنايي لارښود (E-Directory) کې د فعالیت سکټور پر بنسټ د غړو شرکتونو د لنډو پېژندنو خپرول.
• 8. شکایتونو ته د رسېدنې فورم له لارې د ولایتي او ولسوالۍ خونو په کچه د غړو د شکایتونو ارزول او د حل لپاره يې د اسانتیاوو برابرول.
• 9. د سوداګریز پلان، سوداګریزو تړونونو او پروپوزلونو په ترتیب کې ۱۰ سلنه تخفیف.
• 10. د خونې د کنفرانس سالونونو او روزنیزو مرکزونو په کرایه کې ۱۵ سلنه تخفیف.
• 11. د خونې په خپرونو کې د غړو شرکتونو د سوداګریزو اعلانونو لپاره ۱۵ سلنه تخفیف.
• 12. د هغو خدماتي بنسټونو (پوهنتونونو، خصوصي لوړو زده‌کړو مؤسسو، هوټلونو او هوايي شرکتونو) ته د غړو معرفي کول، چې له خونې سره یې د تخفیف هوکړه لیکونه لاسلیک کړي وي.
• 13. په سوداګریزو کنفرانسونو،B2B ناستو، سوداګریزو پلاوو او کورنیو او بهرنیو نندارتونونو کې د ګډون لپاره د اړینو اسانتیاوو برابرول.
• 14. که غړیتوب پرله‌پسې د درېیو کلونو لپاره تمدید شي، د څلورم کال لپاره د غړیتوب نوي کولو پر مهال ۱۰ سلنه تخفیف ورکول کېږي.
• 15. هغه شرکتونه، چې د درې کلونو غړیتوب په یو ځل اخلي ۱۰ سلنه تخفیف ورکول کېږي.
• 16. د غړو شرکتونو نقلیه وسایطو لپاره د (B) ډول کارټ صادرول.
• 17. هغو غړو شرکتونه ته، چې په اقتصادي فعالیتونو کې د پام وړ او څرګندې لاسته راوړنې ولري، د مننلیک صادرول.
• 18. که د نقره یې غړیتوب کارټ لرونکی متشبثه مېرمن وي، د طلایي کټګورۍ له امتیازاتو څخه هم برخمنېدای شي.
• 19. د خونې د نقره‌ يي غړیتوب کارټ صادرول.

درېيمه کټګوري (طلایي غړیتوب)

د طلایي کټګورۍ غړیتوب کارټ لرونکی، چې کلنی فیس یې ۳۰,۰۰۰ افغانۍ دی، د لومړنۍ او دویمې کټګورۍ پر خدمتونو سربېره له لاندې خدمتونو څخه هم برخمنېږي:

• 1. پور ورکوونکو مالي بنسټونو ته د غړي معرفي کول (خونه یوازې د شرکت د معرفۍ مسؤلیت لري نه د نورو اجرااتو).
• 2. د خونې په وېب‌پاڼه کې د غړي شرکت لوګو خپرول.
• 3. د سوداګریزو اړیکو او پانګونې د پراختیا په موخه په کورنیو او بهرنیو نندارتونونو او سوداګرو په ناستو کې د غړو د ګډون لپاره د اسانتیاوو برابرول.
• 4. د سوداګریزو او پانګونې فعالیتونو په موخه د هېوادونو د ویزو ترلاسه کولو لپاره د اړینو اسانتیاوو برابرول.
• 5. د هغو نندارتونونو او کنفرانسونو جوړولو لپاره د همکارۍ هوکړه لیکونو لاسلیکول، چې د غړو په نوښت ترسره کېږي.
• 6. له ډیپلوماټیکو لارو په هېوادونو کې د غړو د ستونزو حل او تعقیب لپاره د اړینې همغږۍ رامنځته کول.
• 7. د خونې د مشرتابه له خوا د مشورتي او روغې جوړې غونډو په جوړولو سره د سوداګریزو شخړو د حل زمینه برابرول.
• 8. غړو ته په kabul-tenders.org وېب‌پاڼې کې د کارن‌حساب په جوړولو سره د ملي او نړیوالو مؤسسو د داوطلبۍ او مزایدې اسناد خپرول او رسول.
• 9. غړو ته په ملي، سیمه‌ییزه او نړیواله کچه د سوداګرۍ او پانګونې فرصتونو په اړه معلومات وړاندې کول.
• 10. د خونې په خپرونو کې د غړو شرکتونو د سوداګریزو اعلانونو خپرولو لپاره ۲۵ سلنه تخفیف.
• 11. د خونې د کنفرانس سالونونو په کرایه کې ۲۵ سلنه تخفیف.
• 12. د سوداګریزو اړیکو پیاوړتیا لپاره د نړیوالې ټولنې له استازو، لوړپوړو دولتي چارواکو او د خصوصي سکټور له فعالانو سره د ځانګړو پروګرامونو جوړول.
• 13. د افغانستان د سوداګرۍ او پانګونې خونې د نقلیه وسایطو د A2 ډول کارټ صادرول.
• 14. که د طلایي غړیتوب کارټ لرونکی متشبثه مېرمن وي، د پلاټینيوم (Platinum) کټګورۍ له امتیازاتو څخه هم برخمنېږي.
• 15. د خونې د طلایي غړیتوب کارټ صادرول.

څلورمه کټګوري (پلاټینیوم غړیتوب)

د دې کټګورۍ د غړیتوب کارټ لرونکی، چې کلنی فیس یې ۶۰,۰۰۰ افغانۍ دی، د لومړنۍ، دویمې او درېیمې کټګورۍ د ټولو خدمتونو ترڅنګ له لاندې خدمتونو هم برخمنېدای شي:

• 1. د سوداګرۍ او پانګونې اړوند پروګرامونو د طرحې او اړوندو دولتي او نړیوالو ادارو ته د وړاندې کولو لپاره د لازمو اسانتیاوو برابرول.
• 2. د خونې د تخصصي کمېټو له لارې د غړو د ستونزو ارزونه، څېړنه او د اړتیا په صورت کې يې اړوندو ادارو ته د حل لپاره راجع کول.
• 3. د دې کټګورۍ د غړو دفترونو ته د خونې د «اقتصاد بازار» مجلې لېږل.
• 4. د خونې په خپرونو کې د غړو شرکتونو د سوداګریزو اعلانونو خپرولو لپاره ۵۰ سلنه تخفیف ورکول.
• 5. د خونې د کنفرانسونو تالار د کارولو لپاره ۵۰ سلنه تخفیف ورکول.
• 6. په ملي او نړیواله کچه په سترو اقتصادي ناستو کې د غړو حضوري او مجازي ګډون لپاره د اسانتیاوو برابرول، څو سوداګریز شریکان ومومي.
• 7. د بازارموندنې په موخه د شرکت له لوګو سره يو ځای د خونې له مرکزي وېبپاڼې سره د غړو شرکتونو د معلوماتي وېبپاڼو لینک کول.
• 8. غړو ته د خونې له لوري په جوړېدونکو غونډو، ناستو او کنفرانسونو کې د ګډون لپاره د بلنې کارټ لېږل.
• 9. د افغانستان د سوداګرۍ او پانګونې خونې د وسایطو د (A) ډول کارټ صادرول.
• 10. د خونې د پلاټینيوم غړیتوب کارټ صادرول.

پنځمه کټګوري (VIP غړیتوب)

د دې کټګورۍ د غړیتوب کارټ لرونکی، چې کلنی فیس یې ۲۵۰,۰۰۰ افغانۍ دی، د لومړنۍ، دویمې، درېیمې او څلورمې کټګورۍ د ټولو خدمتونو ترڅنګ له لاندې خدمتونو څخه هم برخمنېږي:

• 1. د افغانستان د سوداګرۍ او پانګونې خونې له لوري له تحلیل او ارزونې وروسته د اړوند سکټور او غړي شرکت د اقتصادي او سوداګریزو پروګرامونو وړاندې کولو په موخه د حکومت له مشرتابه، دولتي ادارو او نورو اړوندو بنسټونو سره د لیدنو زمینه برابرول.
• 2. د نړیوالې ټولنې او مرستندویو بنسټونو له مسؤلینو سره د ځانګړو لیدنو تنظیم، څو د اړوند سکټور د فعالیتونو لپاره د تخنیکي او ملاتړو همکاریو د جلب زمینه برابره شي.
• 3. له هېواده بهر په مهمو اقتصادي او سوداګریزو ناستو کې، چې د حک