د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند په داسی حال کې چې د مدیره پلاوي مالي رئیس ښاغلي شیرین آغا سخي او د مدیره پلاوي غړي ښاغلي خان جان الکوزي هم حضور درلود، د افغانستان د درملو اتحاديې له رئیس ښاغلي اسدالله کاکړ او یو شمیر درملو واردوونګو سوداګرو سره لیدنه ترسره او د عامې روغتیا درملو طرزالعمل په اړه يې خبرې اترې وکړې.

ښاغلي اسدالله کاکړ د درملو طرزالعمل چې د عامې روغتیا وزارت له خوا ترتیب شوی عادلانه ونه باله او ویې ویل "د عامې روغتیا وزارت د هېواد د درملو له سکتور سره له همغږۍ پرته طرزالعمل رامنځته کړی چې د درملو هیڅ واردوونکي ته د منلو وړ نه دی او دا کړنلاره باید تعدیل شي، ترڅو په هیواد کې د درملو برخه کې فساد او قاچاق لپاره زمینه برابره نه شي.

نوموړي د اتاق له مشرتابه څخه وغوښتل چې د دوی ستونزې له اړوندو دولتي چارواکو سره شریکې او د حل مناسبې لارې چارې ورته ولټوي.

ښاغلي مهمند د افغانستان د درملو اتحاديې مسؤلینو ته د ښه راغلاست ترڅنګ د درملو د خدمتونو د معیاري کولو په برخه کې د دوی هڅې وستایلې او ژمنه یې وکړه چې اتاق به د دوی د ستونزو حل برخه کې خپلې هیڅ ډول مرستې ونه سپموي.  

ښاغلي شیرین اغا سخي او خانجان الکوزي د افغانستان د سوداګرۍ او پانګونې اتاق د هیواد د ټولو سوداګرو او پانګوالو ګډ کور وباله او له ټولو هغو سوداګرو څخه چې په هیواد کې درمل تولیدوي او یا يې واردوي، وغوښتل چې د هیواد د درملو سکتور د معیاري کولو په برخه کې لا زیاتې هڅې وکړي.

یکشنبه، غويي ۲۴مه، ۱۴۰۲

د کابل نړیوال نندارتون د ریاست الوزرا اقتصادي مرستیال ښاغلي ملا عبدالغني برادر، د ریاست الوزرا سیاسي مرستیال ښاغلي مولوي عبدالکبیر، د کانونو او پټرولیم وزارت سرپرست ښاغلي مولوي شهاب الدین دلاور، د کرنې او مالدارۍ وزارت سرپرست ښاغلي مولوي عطاءالله عمري، د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د اتاق د مدیره پلاوي خدماتي مرستیال ښاغلي نصیر احمد عرب، د مدیره پلاوي مالي رئیس ښاغلي شیرین آغا سخي، د مدیره پلاوي د نړیوالو اړیکو رئیس ښاغلي انجنیر سید جاوید برهان، د مدیره پلاوي غړو هر یو ښاغلي خان جان الکوزي او ضیاءالدین اچکزي، د اتاق د څارنې پلاوي منشي ښاغلي عبدالمتین قلندري، د کابل سوداګرۍ او پانګونې اتاق سرپرست ښاغلي احمد شاه حکیمي، د سیمې او نړۍ هېوادونو ډیپلوماټانو، د هېواد سوداګرو، صنعت کارانو، تولیدي شرکتونو او د کورنیو او بهرنیو رسنیو استازو په حضور کې د یو لړ شانداره مراسمو په ترڅ کې پرانیستل شو.   

ښاغلي مهمند د هېواد لوړپوړو چارواکو، سوداګرو او صنعت کارانو ته د ښه راغلاست په ترڅ کې د کورنیو تولیداتو د معرفي کولو او بازارموندنې په برخه کې د دغه ډول ستر نندارتون د جوړېدو هرکلی وکړ او د یاد نندراتون يې د هېواد د اقتصادي سوکالۍ او پرمختګ په لور یو مثبت ګام وباله.
د اتاق مدیره پلاوي لومړي مرستيال له هېواد څخه د ټرانزيټي کارګو د زياتوالي په باب معلومات وړاندې کړل او افغانستان يې د خپل ځانګړي جغرافيايي موقعيت له امله يو له ستراتيژيکو هېوادونو څخه وباله او د افغانستان په سيمه ييزې ټرانزيټي څلور لارې بدلولو يې ټينګار وکړ.

ښاغلي مهمند د هېواد له ټولو کورنیو سوداګرو وغوښتل چې د زیربنایي پروژو په تطبیق کې په ګډه کار وکړي او د هېواد د ودې او پرمختګ په لاره کې خپل دیني او وجداني مسؤلیت ادا کړي. نوموړي د حکومت له اقتصادي مرستيال څخه وغوښتل، چې د کورني صنعت د ودې او د بهرنۍ سوداګرۍ د بهير د ګړندي کولو په موخه د سوداګرو او صنعت کارانو په ګډون يوه ګډه کمېټه جوړه کړي.

ښاغلي ملا عبدالغني برادر د دغه شان ستر نندارتون د جوړیدو څخه د مننې ترڅنګ، کورنی صنعت د هېواد اقتصادي ودې او پرمختګ لپاره اړین وباله او د هیواد له ټولو سوداګرو او پانګوالو څخه یې مننه وکړه، چې د سوداګریزو خدمتونو د وړاندې کولو او د کورنیو تولیداتو زیاتوالي په برخه کې یې شپه او ورځ هلې ځلې کړي دي.

ښاغلي برادر په نږدې راتلونکي کې د هېواد د ټولو صنعت کارانو او تولیدونکو لپاره د برښنا انرژۍ د برابرولو خبردار ورکړ او د سوداګرۍ او پانګونې د بهیر په چټکتیا او د هېواد د زیربنایي پروژو په ګډ تطبیق یې ټینګار وکړ.

ښاغلي شهاب الدین دلاور د هیواد د کانونو د استخراج، په کندهار او هرات ولایتونو کې د سمنټو د فابریکو د جوړولو، د کانونو د استخراج په برخه کې د اسانتیاوو رامنځته کولو او د کوچنیو کانونو د قراردادونو په برخه کې کورنیو پانګوالو ته د لومړیتوب ورکولو په اړه خبرې وکړې او د هیواد له سوداګرو څخه یې وغوښتل چې په دې برخه کې لاس په کار شي او د هیواد په اقتصادي وده او پرمختګ کې خپل رول ولوبوي.

پنجشنبه، غويي ۲۱مه، ۱۴۰۲

د افغانستان د سوداګرۍ او پانګونې اتاق مدیره پلاوي دریمې دورې یو ویشتمه ناسته د اتاق د عمومي رئیس ښاغلي توکل احمدیار په مشرۍ او د مدیره پلاوي لومړي مرستیال ښاغلي محمد یونس مهمند، د مدیره پلاوي سوداګریز مرستیال ښاغلي خیرالدین مایل احمدي، د مدیره پلاوي خدماتي مرستیال ښاغلي نصیر احمد عرب، د اتاق د دارالانشاء رئیس ښاغلي خان محمد سرفراز باز، مالي رئیس ښاغلي شیرین آغا سخي، د نړیوالو اړیکو رئیس ښاغلي انجنیر سید جاوید برهان، د مدیره پلاوي غړیو هر یو ښاغلي خان جان الکوزي، عصمت الله وردګ، ذکریا بریالي، محمد داود یوسفزي، احمد فواد دوست، سید پرویز سادات هوفیاني، جان آقا صادقي، ضیاءالدین اچکزي، بهادر خیرخواه، احمد شکیب احمدیار، احمد ضیاء عظیمي شینوزاده، د څارنې پلاوي منشي ښاغلي عبدالمتین قلندري او د اتاق عامل پلاوي سرپرست ښاغلي میرویس په ګډون د افغانستان د سوداګرۍ او پانګونې اتاق مدیره پلاوي په دفتر کې ترسره شوه.

په دی ناسته کې چې، د مدیره پلاوي ځینو غړو په آنلاین ډول ګډون کړی وه، په اجنډا کې شاملې موضوعګانې، د اجرائیه کمېټې یو ویشتمې ناستې مصوبات او صورت جلسې لاسلیک ګډون والو ته د ښاغلي خان محمد سرفراز باز لخوا وړاندې کړی شول.  

ورپسی د عامل پلاوي سرپرست ښاغلي میرویس هوتک د عامل پلاوي راپورونه د ناستې ګډونوالو ته وړاندی کړل او د ۱۴۰۲ لمریز کال لپاره د افغانستان د سوداګرۍ او پانګونې اتاق تشکیل او بودجه د مدیره پلاوي لخوا تصویب شوه.

همدارنګه، د مدیره او عامل پلاوو وړاندیزونو په اړه تر هر اړخیز بحث وروسته، لازمې پریکړې ونیول شوې.

شنبه، غويي ۲۳مه، ۱۴۰۲

د افغانستان د سوداګرۍ او پانګونې اتاق مدیره پلاوي خدماتي مرستیال ښاغلي نصیر احمد عرب او د مدیره پلاوي د نړیوالو اړیکو رئیس ښاغلي انجنیر سید جاوید برهان د ودانیزو شرکتونو له استازیو سره د لیدنې په ترڅ کې، د دوی د شته ستونزو او په پخواني حکومت کې د پروژو د تطبیق د پیسو نه ورکړې او یو شمیر نورو مسایلو په اړه يې خبرې اترې وکړې.

ښاغلي عرب د ودانیزو شرکتونو استازو ته د ښه راغلاست په ترڅ کې د زیربنایي پروژو په تطبیق کې د دغو شرکتونو رول ارزښتناک وباله او له هغوی یې وغوښتل چې د لویو او منځنیو پروژو د پیل او تطبیق برخه کې خپل ظرفیتونه لوړ کړي.

د ودانیزو شرکتونو استازو د خپلو ستونزو په ځانګړي ډول په بانکونو کې د دوی د پیسو کنګل کیدل، د دولت او بهرنیو بنسټونو له خوا د دوی د پیسو نه ورکول، ودانیزو شرکتونو ته د حکومت نه پاملرنه، د مالیاتو د اسنادو نه څیړل، د دوی نیمګړو پروژو ته د دوی نه لاسرسي، بشپړو شویو پروژو پیسو ته نه لاسرسي، د مالیاتي انوایسونو نه څیړنې او یو شمېر نورو ستونزو یادونه وکړه او د اتاق له مشرتابه یې وغوښتل چې د اړوندو ادارو په همکارۍ د دوی ستونزې هوارې کړي.

ښاغلي انجنیر سید جاوید برهان د افغانستان د سوداګرۍ او پانګونې اتاق د فعالیتونو او لاسته راوړنو په اړه معلومات وړاندې کړل او وې ویل: د افغانستان د سوداګرۍ او پانګونې اتاق د هېواد د خصوصي سکتور د ټولو غړیو ګډ کور دی او اتاق تل هڅه کوي چې سوداګرو او پانګوالو ته بهتر خدمات وړاندی کړي.

ښاغلي برهان په راتلونکي کې له اړوندو دولتي ادارو په ځانګړې توګه د ماليې وزارت سره د ګډې ناستې په ترسره کولو او د ودانیزو شرکتونو ستونزو په حل ټینګار وکړ او په یادو مواردو کې یې د اتاق د همکارۍ ډاډ ورکړ.

سه شنبه، غويي ۱۹مه، ۱۴۰۲

د سوداګرۍ او صنعت وزارت سرپرست ښاغلي نورالدین عزیزي او د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند په داسی حال کې چې، د کابل هوايي ډګر رئیس ښاغلي مولوي عبدالهادي، د اتاق ستر سلاکار ښاغلي حبیب جان عزیزي، د کابل سوداګرۍ او پانګونې اتاق مشرتابه پلاوي غړو او د هېواد سوداګرو او پانګوالو په حضور کې، د مفید ګروپ هوايي کارګو پرانیستله.

ښاغلي مهمند د کارګو د اهمیت په اړه خبرې وکړې او ویې ویل "نن سبا په ټوله نړۍ کې کارګو په دومره پراخه کچه کارول کیږي چې د نړۍ له دې لارې د لیږد رالیږد کارولو پرته تصور نشي کیدای. ډیری دولتونه، شرکتونه، افراد او اشخاص د کارګو کارولو پرته له لوی زیان سره مخ دي، له همدې امله دا طریقه د ترانسپورت د ګړندۍ لارې په توګه خورا مهمه ده.

ښاغلي مهمند له اړوندو دولتي چارواکو په ځانګړې توګه د سوداګرۍ او صنعت له سرپرست وزیر څخه وغوښتل، چې د خصوصي سکتور بشپړ ملاتړ وکړي، تر څو سوداګر او پانګوال د هېواد په وده او پرمختګ کې د پام وړ رول ولوبوي.

د اتاق مدیره پلاوي لومړي مرستیال په دې برخه کې د اتاق د هر اړخیزې همکارۍ ډاډ ورکړ او له مفید ګروپ څخه یې وغوښتل چې د افغان حکومت د قوانینو او پالیسیو مطابق عمل وکړي.

شنبه، غويي ۲۳مه، ۱۴۰۲