د افغانستان د سوداګرۍ او پانګونې اتاق د چارو د ښه والي او د ولایتي اتاقونو د ستونزو د حل په موخه انلاین غونډه وکړه، چې د عامل پلاوي سرپرست ښاغلي میرویس هوتک، حقوقي سلاکار، مالي مفتش، د مرکزي اتاق د ډیپارټمنټونو مسؤلینو او د ولایتي اتاقونو اجرائیوي مسؤلینو په کې ګډون درلود.

ښاغلي میرویس هوتک د خصوصي سکتور غړو ته د خدمتونو په وړاندې کولو کې د ولایتي اتاقونو رول مهم وباله او خصوصي سکتور غړو ته د خدمتونو د وړاندې کولو، د دوی د ستونزو هواري لپاره د مرکزي اتاق سره د منظمو اړیکو نیولو، په کار کې چټکتیا او د ولایتي اتاقونو د مدیره پلاوو ناستو جوړولو برخه کې لازمې لارښوونې وکړې.  

په دې غونډه کې د ولایتي اتاقونو یو شمېر اجرائیوي آمرینو، حقوقي سلاکار، د مالي چارو مفتش او د دې اتاق د بېلابېلو څانګو مسوولینو د یو شمېر نورو سوداګریزو موضوعاتو او ویناوو تر څنګ د خپلو کاري څانګو او د اساسنامې په رڼا کې د ولایتي اتاقونو د فعالیتونو په اړه يې خبرې اترې وکړې.

پنجشنبه، وږي ۲۳مه، ۱۴۰۲

د افغانستان سوداګریزې او اقتصادي اړیکې ۲۰۲۳ ، ناسته د افغانستان د سوداګرۍ او پانګونې اتاق عمومي ريئس ښاغلي توکل احمدیار، د ریاست الوزارء اقتصادي معاونیت، د اقتصادي شوار ستر سلاکار، د ماليې وزارت سرپرست، د اتاق سوداګریزو چارو مرستیال ښاغلي خیرالدین مایل احمدي، د امریکا-افغانستان ګډ اتاق رئیس ښاغلي جیفري ګریکو، په افغانستان کې د نړیوالې سوداګرۍ اتاق رئیس ښاغلي مایل آغا خیرخواه، د اتاق مدیره پلاوي غړو هر یو ښاغلي سید پروزیز سادات هوفیاني، ضیاءالدین اچکزي او جان آقا صادقي، د عامل پلاوي سرپرست رئیس ښاغلي میرویس هوتک، په دوبۍ کې د افغان سوداګرو اتحاديې رئيس ښاغلي عبیدالله صدرخیل، د وزارتونو معینانو، د ښځو او کانونو او صنعت اتاقونو مشرتابه پلاوو غړو، د بانکونو اتحاديې رئیس او د هېواد یو شمیر سوداګرو او پانګوالو په ګډون د کابل سرینا هوټل کې ترسره شوه.

ښاغلي احمدیار د افغان – امریکا د سوداګرۍ خونې د مسوولینو د راتګ هرکلی وکړ او په اوسنیو شرایطو کې یې د امنیت د تامین، د اداري فساد نشتون، د قوانینو او ملاتړو تګلارو شتون په هېواد کې د پانګونې لپاره یو ښه فرصت وباله او د افغان-امریکا ګډ اتاق له مسؤلینو يې وغوښتل چې امریکايي پانګوال وهڅوي څو په افغانستان کې په مختلفو برخو کې پانګونه وکړي.

د ریاست الوزراء اقتصادي مرستیال ټولو په کور دننه او بهر څخه راغلو سوداګرو ته ښه راغلاست ووایه او په لویو زیربنایي سکتورونو، کانونو، ټرانسپورټ، د کرنې د میکانیزه کیدو، روغتیا او انرژۍ په برخو کې يې د حکومت له لوري د لازمو آسانتیاوو رامنځته کیدو ډاډ ورکړ او له ښاغلي جيفري څخه يې وغوښتل چې د افغانستان اصلي انځور خپلو ټولو هېوادوالو ته ور وپيژني.

د ترانسپورت وزارت سرپرست دغه وزارت د هېواد د ترانزیت او ترانسپورت په برخه کې یو ستر ملاتړی وباله او د هېواد د لویو هوايي ډګرونو په ځانګړي ډول د هرات، کندهار او مزارشریف هوايي ډګرونو د بیا معیاري کېدو غوښتنه یې وکړه.

ښاغلي عبیدالله صدرخېل د کورنیو او بهرنیو سوداګرو او پانګوالو سره د حکومت له همکاریو څخه د مننې په ترڅ کې په زیربنایي برخو کې د افغان او بهرنیو سوداګرو ترمنځ د ګډې پانګونې غوښتنه وکړه.

جیفري ګریکو د هېواد د سوداګرو او پانګوالو د خبرو او ستونزو له اورېدو وروسته په افغانستان کې پانګونې ته د امریکايي سوداګرو د هڅولو، له نړیوال بانک څخه د کنګل شویو پیسو د خلاصون، د سوداګرو ترمنځ د ګډو پانګونو په برخه کې د خپلو هر اړخیزو همکاریو ژمنه وکړه او د سیمې په کچه د ګڼو پروګرامونو په جوړولو يې خوښي څرګنده او له افغان حکومت څخه یې وغوښتل چې د سوداګرو لپاره د سوداګرۍ په برخه کې لا زیاتې اسانتیاوې رامنځته کړي.

چهارشنبه، وږي ۱۵مه، ۱۴۰۲

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند او د لوګر سوداګرۍ او پانګونې اتاق رئیس ښاغلي مولوي محمد یعقوب د هېواد له یو شمیر سوداګرو سره لیدنه ترسره او د دوی د ګمرکي اسنادو د طی مراحل په اړه يې خبرې اترې وکړې.

سوداګرو د هېواد په ګمرکونو کې د دوی د ګمرکي اسنادو د طی مرحل برخه کې د معیاري خدماتو نه شتون په اړه شکایت وکړ او د اتاق له مشرتابه يې وغوښتل چې د دوی ستونزو د حل مناسبې لارې چارې ولټوي.

د مدیره پلاوي لومړي مرستیال له سوداګرو وغوښتل چې خپلې ستونزې او وړاندیزونه په لیکلې بڼه اتاق ته وسپاري څو د اړوندو حکومتي ادارو سره د همغږۍ په پایله کې ورته د حل مناسبې لارې پیداکړي.

چهارشنبه، وږي ۲۲مه، ۱۴۰۲

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند د خوست ولایت له یو شیر سوداګرو او پانګوالو په ملتیا د غذا او درملو ملي ادارې له عمومي رئیس ښاغلي عبدالباري عمر سره لیدنه ترسره او د یاد ولایت د سوداګرو ستونزو په اړه يې خبرې اترې وکړې.

ښاغلي مهمند د غذا، روغتیا او ښکلا برخه کې د معیاري لابراتوار او ګمرک نه شتون یادونه وکړه او د ښاغلي عمر څخه يې په دی برخه کې د هر اړخیزې همکارۍ غوښتنه وکړه.

ښاغلي عمر ښاغلي مهمند او ورسره ملګرو سوداګرو ته د ښه راغلاست ویلو وروسته، په یاد برخه کې د خپلې هر اړخیزې همکارۍ ژمنه وکړه.

پنجشنبه، وږي ۱۶مه، ۱۴۰۲

د افغانستان د سوداګرۍ او پانګونې اتاق مدیره پلاوي دارالانشاء رئیس ښاغلي خان محمد سرفراز باز د "بی پری ۱۰۰ ادارې" له مسؤلینو هر یو ښاغلي انجنیر عبدالهادي، انجنیر کبیر محسني، انجنیر رحمتي ځاځی او انجنیر عبدالله نوابي سره د مدیره پلاوي دارالانشاء په دفتر کې لیدنه ترسره او د ګډو همکاریو په اړه يې خبرې اترې وکړې.

ښاغلي عبدالهادي د " بی پری ۱۰۰ ادارې " په اړه چې له روزل شویو متخصصو کدرونو څخه جوړه شوې ده په اړه يې مفصل معلومات وړاندې کړل او په بهرنیو هېوادونو کې مېشت افغان سوداګر په افغانستان کې پانګونې ته د هڅولو او د روغتیا، صنعت او کرنې سکتورنو کې يې د متخصصینو د تخنیکي همکارۍ ډاډ ورکړ او د اتاق له مشرتابه یې وغوښتل چې د" بی پری ۱۰۰ اداره " د حکومت د سکتوري ادارو له مسؤلینو سره معرفي کړي.

ښاغلي باز د " بی پری ۱۰۰ ادارې " مسؤلینو ته د ښه راغلاست ویلو په ترڅ کې د دې ادارې د استازو د راتګ او د دې ادارې د کاري پروګرامونو د ستایلو ترڅنګ، د افغانستان د سوداګرۍ او پانګونې اتاق د دولت او خصوصي سکتور ترمنځ د ارتباطي پل په توګه یاد کړ او د حکومت له سکتوري ادارو سره يې د لیدنې لپاره لاره هوارولو برخه کې د اتاق د همکارۍ ډاډ ورکړ.
نوموړي د " بی پری ۱۰۰ ادارې " له مسؤلینو وغوښتل چې په افغانستان کې د ټولیز امنیت شتون، اداري فساد نه شتون او شته پانګه ایزو فرصتونو رښتونی تصویر نړیوالو ته څرګند کړي.

سه شنبه، وږي ۲۱مه، ۱۴۰۲