د افغانستان د سوداګرۍ او پانګونې اتاق د پوهنتونونو او خصوصي تحصیلي ادارو سره د خپلې همکارۍ په سلسله کې، د جهان لوړو زدکړو مؤسسې سره د همکارۍ تفاهملیک لاسلیک کړ.
د افغانستان د سوداګرۍ او پانګونې اتاق عامل پلاوي رئیس ښاغلي شفیق الله عطايي د خصوصي تحصیلي ادارو سره د اتاق د همکارۍ په اړه وویل "اتاق تل هڅه کړی څو د پوهنتونونو او لوړو زدکړو خصوصي ادارو د تخنیکي وړتیا لوړونې او کار زدکړې برخه کې کوټلي ګامونه پورته کړي."
ددی تفاهملیک پر بنسټ، د افغانستان د سوداګرۍ او پانګونې اتاق په هر سمستر کې د جهان پوهنتون ۲۰ تنه زدکوونکو ته د اقتصاد، مدیریت او سوداګرۍ برخه کې د کار زدکړې زمینه برابروي او په مقابل کې د هغو زدکوونکو لپاره چې د اتاق لخوا جهان لوړو زدکړو ته معرفي کیږي، ۵۰ سلنه تخفیف په نظر کې نیول شوی.
دغه تفاهملیک د افغانستان د سوداګرۍ او پانګونې اتاق عامل پلاوي مالي او اداري مرستیال ښاغلي میرویس هوتک او د جهان لوړو زدکړو مؤسسې رئیس ښاغلي دوکتور عبدالحکیم نوري په واسطه لاسلیک شو.
د دغه سفر په ترڅ کې د اتاق مشرتابه پلاوي له زلزله ځپلو سیمو څخه لیدنه وکړه او په ولایتونو کې یې له سیمه ییزو استازو او سیمه ییزو چارواکو سره وکتل. د اتاق مشرتابه پلاوي د زیانمنو سیمو له خلکو او مشرانو سره د خواخوږۍ او ډاډګیرنې مراتب څرګند کړل او په یادو ولایتونو کې یې له زیانمنو خلکو سره د مرستو په برخه کې د اتاق او خصوصي سکتور د چمتووالي ډاډ ورکړ.
