د خصوصی سکتور اوچت غږ

د ایران د سیستان والي، سردار محمد سنجراني د هلمند د سوداګرۍ او پانګونې خونې سرپرست رییس، الحاج احمدشاه وصال، د مدیره پلاویو غړیو هر یو الحاج عبدالقدیر پوپل، الحاج محمد سلیم امیني، الحاج محمد نسیم عزیزي، الحاج محمد نسیم روفي، د صرافانو د ټولنې مرستیال الحاج محمد آصف، مدینه خوراکي توکو د ټولنې مسوول الحاج عبدالغفور حیدري او یو شمېر نور ملي سوداګرو سره وکتل.
د غونډې په پیل کې د هلمند د سوداګرۍ او پانګونې خونې عامل پلاوي مدیر، قدرت‌الله توخي پر یو لړ سوداګریزو مسایلو خبرې وکړې.
د هلمند د سوداګرۍ او پانګونې خونې رییس وویل: “د ایران او افغانستان یوه ګډه سوداګریزه خونه باید جوړه شي، ځکه اوس زمونږ سوداګري د ایران لخوا ډېره شوې ده، کله چې یو ستونزه پېښېږي نو د ژر اقدام لپاره د سوداګرۍ خونې موجودیت اړین دی څو وکولای شو ژر یې حل کړو او زمونږ سوداګر خپله سوداګري په ډاډه زړه ترسره کړي.”
د هلمند د سوداګرۍ او پانګونې خونې د شخړو او منازغاتو د حل کمېسیون رییس، الحاج آغامحمد پوپل د ایران او افغانستان ترمنځ د تړونونو او سوداګریزو پراختیاو په تړاو خبرې وکړې او د ایران په ګډون له نورو هېوادونو سره د افغانستان د سوداګرۍ پراختیا وغوښته.
دغه راز د سوداګرو او صنعت په استازولۍ، الحاج محمد نعیم کریمي او الحاج محمد سلیم امیني د صنعتي فابریکو په اړه خبرې وکړې او له راغلي پلاوي څخه یې د ستونزو حل وغوښت او د دوی له کمپنیو سره د تړونونو په اړه یې ورته یادونه وکړه.
ورپسې د بندرعباس له لارې د سوداګرۍ په تړاو د لازمو همکاریو غوښتنه وشوه څو پر وخت اسنادونه ترتیب شي چې د توکو لېږد له ځنډ سره مخ نه‌شي چې د دوی په خبره، له دې لارې په سوداګرۍ خوښ دي.
د ایراني پلاوي مشر، سردار محمد سنجر وویل: “کوښښ کوو چې یوه ګډه خونه جوړه کړو، تاسو باید زمونږ له کمپنیو سره قانوني تړونونه ولرئ او مونږ یو حقوقي بورډ لرو چې ستاسو ستونزې حل کړو څو سوداګري مو زیان ونه ویني. خپل نندارتونونه به هم ډېر کړو. دا ځل به په هلمند کې یو نندارتون ولرو او له دغو فرصتونو څخه باید ښه استفاده وکړو چې سوداګري پراختیا پیداکړي او د کرنې او صنعت په برخو کې پانګونه وشي.”

هغه زیات کړه: “په میلک او نورو بندرونو کې به سکنرونه ولرو، په چابهار کې به کښتۍ اضافه کړو او مونږ هم غړاړو مرکزي آسیا سره سوداګري پراخه کړو. مونږ سوداګرو او ټرانسپورټ لرونکو ته له ځنډ پرته ویزې ورکوو، غواړو په سیستان کې د سوداګرۍ لپاره آزاده سیمه جوړه کړو څو سوداګرو ته د اسانتیاوو یو ځای واوسي او سوداګر کولای شي چې خپل سوداګریز توکي دغلته وپلوري او هم پېرل وکړي. د زده‌کړو او روغتیا په برخو کې هم زمینه درته مساعدوو او چارو ته به پراختیا ورکړو.”

دوشنبه، لیندۍ، درېیمه، ۱۴۰۴

ښاغلو: سید جمیل سادات د کابل خونې د مدیره هیئت رئیس، احمدشاه حکیمي د مدیره هیئت لومړی مرستیال، ګل نبي عیدي‌زاده د مدیره هیئت خدماتي مرستیال، اخترمحمد احمدي د مدیره هیئت د دارالانشا رئیس، ذبیح‌الله مومن‌زاده او محمد ناصر صمیم د مدیره هیئت غړي، او غلام سخي محمدي د دې خونې د اجرائیوي هیئت رئیس، د یو شمېر تاجران او د خونې د کارکوونکو په حضور کې د افغانستان د سوداګرۍ او پانګونې خونې د مدیره هیئت له عمومي رئیس، ښاغلي سید کریم هاشمي سره ولیدل.
د کابل خونې د رهبرۍ پلاوي، د ښاغلي سید کریم هاشمي غوره ټاکنه د افغانستان د سوداګرۍ او پانګونې خونې د عمومي رئیس په توګه، د هغوی د وړتیاوو او د هېواد د خصوصي سکتور د خدمت په برخه کې د هڅو له امله، مبارکي وویله او ورته یې د لا بریاوو هیله څرګنده کړه.
د کابل خونې د رهبرۍ پلاوي د دې خونې تېر پروګرامونه وڅېړل او د خدمت‌رسونې او له مرکزي خونې سره د همغږۍ په برخه کې یې خپل ژمنتیا اعلان کړه.
ښاغلي سید کریم هاشمي، د خونې عمومي رئیس، د کابل خونې د رهبرۍ پلاوي له حضور څخه مننه وکړه او د مرکز او ولایتونو په کچه د خصوصي سکتور د ستونزو پر حل ټینګار وکړ، او د ننګونو د تعقیب او حل لپاره یې د ګډو هڅو غوښتنه وکړه.

دوشنبه، د زمری ۱۳مه، ۱۴۰۴ کال

د کابل د سوداګرۍ او پانګونې خونې د اجرائیه کمېټې د درېیم دورې اوولسمه غونډه، د ښاغلي سید جمیل سادات د مدیره پلاوي د رئیس په مشرۍ او د ښاغلو احمدشاه حکیمی لومړی مرستیال، همایون خواجه زاده د سوداګرۍ مرستیال، عبدالجلیل حریف د پانګونې مرستیال او غلام سخي محمدی د کابل خونه اجرائیه رئیس ګډون درلود.
د مقدماتي خبرو وروسته، غلام سخي محمدی د اجرائیه ریاست راپورونه او وړاندیزونه چې د غونډې آجنډا موضوعات یې هم شامل وو، ګډونوالو ته وړاندې کړل.
وروسته ګډونوالو د مطرح شویو موضوعاتو په اړه هر اړخیز بحث او د نظرونو تبادله وکړه. د بحثونو له بشپړېدو وروسته د خونې مشرتابه د وړاندې شویو موضوعاتو په اړه لازمې پرېکړې وکړې.

دوشنبه، د کب ۱۱ مه، ۱۴۰۴ کال