پنجشنبه، د تلې ۲۳مه، ۱۴۰۵

 

د افغانستان د سوداګرۍ او پانګونې خونې د فرهنګي چارو مرستیال ښاغلي الحاج حبیب‌الله عمر د یو سوداګریز پلاوي په مشرۍ د انډونېزیا په یو څلوېښتم نړیوال نندارتون کې ګډون وکړ. په دغه پلاوي کې د افغانستان د سوداګرۍ او پانګونې خونې د مرکزي او ولایتي دفترونو، په ځانګړې توګه د کابل او بلخ ولایتونو د مشرتابه پلاوي غړي او د هېواد د خصوصي سکټور استازي شامل دي. نوموړي د نندارتون د بېلابېلو برخو لیدنه هم وکړه.

ښاغلي حبیب‌الله عمر د بېلابېلو محصولاتو د غرفو لیدنې پر مهال نندارتون له ورغلو کسانو سره خبرې وکړې او نندارې ته وړاندې شویو محصولاتو په اړه یې معلومات ترلاسه کړل.

نوموړي د نندارتون ګډونوالو ته په افغانستان کې د پانګونې د شته فرصتونو او کورنیو نندارتونونو په اړه معلومات وړاندې کړل او د بېلابېلو برخو له سوداګرو او استازو یې وغوښتل، چې د افغانستان په بېلابېلو سکټورونو کې پانګونه وکړي.