سید محمد کریم هاشمي، د سناتور سید عبدالوهاب زوی، د ۱۹۶۱ میلاد ي  کال د مارچ په ۲۱  مه نېټه د فاریاب ولایت د میمنې ښار د افغانکوټ

په پنځمه ناحیه کې په یوه دینداره، تعلیمیافته او سوداګرې کورنۍ کې زېږېدلی د ی.

نوموړي، خپ لې لومړنۍ زدهکړې تر بکلوریا پورې د فاریاب ولایت د ابو عبید جوزجاني لېسې کې پای ته رسولي او لوړې زدهکړې یې د ریاضي او فزیک په څانګه کې بشپړې کړې د ي.

سید محمد کریم هاشمي تر ۱۹۸۹ میلادي کال پورې په هېواد دننه سوداګریز فعالیتونه درلودل، خو په ۱۹۹۰ میلاد ي کال کې یې بهرني سوداګرۍ ته مخه کړه. د افغانستان او ترکمنستان جغرافیایي نږدېوالی او د دواړو هېوادونو ورځ تر بلې زیاتېدونکې اقتصادي اړتیاوې لامل شو چې ترکمنستان د خپل بهرنۍ سوداګرۍ د پیل بنسټیز مرکز وټاکي.

هغه، د لومړیو افغان سوداګرو له ډلې څخه وو چې د افغانستان او ترکمنستان د سوداګرۍ رسمي لاره یې پرانیستله. نوموړي په ترکمنستان کې د ترلاسه شوې تجربې او پراخې پېژندګلوۍ پر مټ د نفتو او مایع ګاز په برخه کې خپل فعالیتونه پیل کړل او خپلې سوداګرۍ ته یې پراختیا ورکړه.

په ۲۰۰۶ میلاد ي کال کې یې د (یوپک یول سن ګاز) په نوم د ځمکنۍ ترانسپورتي شرکت بنسټ کېښود، څو د یو سل څخه زیاتو د تیلو او ګازو ټانکر لرونکو موټرو له لارې د نفتو او مایع ګازو د لېږد شبکه جوړه کړي.

نوموړي، وروسته لدې نه چې  د ترکمنستان  هېواد په ترکمن آباد، عش قآباد، سرحد آباد بندر، امام نظر بندر او د ترکمن باشي فابریکه په ښارونو کې دفترونه پرانیستل، د ډېرې هڅې او زحمت په پایله کې یې ګڼې کمپنۍ تاسیس کړې چې پکې د سید کریم ګروپ، یما پطرول، د سید کریم هاشمي ساختماني شرکت، د ابو سعید کان کیندنې شرکت، بریالي پطرولیم، می هن ګاز، د زرکان هاشمي کانونه، او د هاشمي ډبرو پرې کولو فابریکه شامله ده. د ده سوداګریز فعالیتونه تر افغانستان هاخوا په ازبیکستان، قزاقستان، اماراتو، ترکیه ،اذربایجان، روسیه، عراق او نورو هېوادونو کې هم پراخ شول.

د فعالیتونو د پراختیا او د یو منسجم اداري جوړښت د اړتیا له مخې، نوموړي په ۲۰۱۷ میلاد ي کال کې د سید کریم ګروپ د شرکتونو بنسټ کېښود. اوس مهال په دغه ګروپ کې شاوخوا ۲۵۰ مسلکي کارکوونکي او  ۱۰۰  تر  ۱۵۰  پورې موټرچلوونکي او خدماتي پرسونل په دندو بوخت دي. دا ګروپ د ټولو اړوندو شرکتونو فعالیتونه او د پرمختګ بهیر د خپلې رهبري او څارنې لاندې تنظیموي.

د کانونو د استخراج په برخه کې، د زرکان هاشمي کانونو شرکت، د کانونو د پروسس او د ابوسعید د کانونو د استخراج شرکت د سید کریم هاشمي تر مدیریت لاندې، د درې سترو د مالګې کانونو )اندخوی کان، درزاب کان او میمنه کان( د استخراج مسئولیت پر غاړه لري. دغه کانونه چې د سیمې له سترو او لوړ کیفیته د طبیعي مالګې له سرچینو څخه شمېرل کېږي، هرکال له سلو زرو تنُو څخه زیات صنعتي او خوراکي مالګه تولیدوي او د کورنیو بازارونو لپاره وړاندې کوي. د استخراج بهیر د عصري تجهیزاتو په وسیله او د بشپړو معیارونو په رعایت سره تر سره کېږي  او د ورځې په کچه ۸۰۰ تر ۱۰۰۰ تنو ته د مستقیم کار زمینه برابروي او په غیر مستقیمه توګه له پنځو زرو څخه زیاتو کورنیو ته د عایداتو سرچینه ګرځېدلې ده.

د هغه د فعالیتونو ارزښمن پړاو د نفتو او ګاز په برخه کې د یما پټرول لمېټډ شرکت جوړول وو، چې په ځانګړې ډول د نفتو او ګاز په برخه کې په افغانستان او د سیمې په نورو هېوادونو کې فعالیت کوي. دغه شرکت د دې ترڅنګ چې په هېواد کې د یو ې سترې د نفت او ګاز د تصفیهخونې د جوړولو پلان لري، د دوو تر دریو تولیدي فابریکو د تاسیس پروګرام هم په خپله کاري اجنډا کې لري، چې د هېواد د زرګونو ځوانانو لپاره د کار زمینه برابروي.

د علم او پوهې  د  ارزښت  په تړاو  د هغه ژوره عقید ه  او باور  لامل شو    چې خپلو  اولادونو  ته یې تر )فوقلیسانس( کچې پورې انګلستان هېواد ته  د زد هکړو لپاره د تګ زمینه برابره کړي. د دې پرېکړې پایله دا وه چ ې  اولادونه  یې د وړتیا لرونکي، مدیر  او په څو ژبو مسلط   شي، چې اوس د سید کریم ګروپ د شرکتونو بریالۍ اداره پر غاړه لري. همدارنګه یادونه باید وشي چې سید کریم هاشمي پرته له خپلو اولادونو  هېڅ شریک او سه ملرونکی نه لري.

تر سوداګرۍ هاخوا، سید کریم هاشمي د ټولنیز مسؤولیت او نېک کارونو روحیه هم لري. د ۱۵۰ بېوزلو کورنیو ته میاشتنۍ معاش ورکول، د یتیمانو ملاتړ، د سلګونو لاعلاجه او سختو ناروغانو درملنه په هېواد دننه او بهر، د لسګونو محصلینو مالي مرسته، د ښوونځیو، کلینیکونو، جوماتونو، سړکونو جوړونه او د کډوالو ملاتړ د هغه له خیریه او نېکو فعالیتونو څخه د ي.

د هېواد د کلتور او دودیزو سپورټونو، په ځانګړي ډول د بزکشي سپورټ ته د ده لېوالتیا لامل شوه چې د دې ملي ورزش د ساتنې او ترویج ترڅنګ، د مالي ملاتړ او حمایه کوونکي په توګه فعا له ونډه ولري. په ۲۰۲۴ میلادي کال کې یې د یما پټرو ل په نوم د بزکشي لوبډله جوړه کړه چې له ۵۴ څخه زیاتو اسونو سره ،د مح لي ورزشکارانو د ودې او د ۸۰ تر ۱۰۰ کسانو لپاره د کار زمینه برابره کړه. دغه لوبډله د ده په ملاتړ بریالۍ شوه چې په بېلابېلو سیالیو کې درې ځلې د اتلولۍ مقامونه ترلاسه کړي او په دې توګه د دې کلتوري میراث د ژوندي ساتلو په برخه کې مهم رول ولوبوي.

سید کریم هاشمي په ۲۰۱۸ میلاد ي کال کې د افغانستان د نړیوال سوداګرۍ اتاق د مشرتابه غړی شو، په ۲۰۲۱ میلادي کال کې د یاد اتاق د مرستیال په توګه وټاکل شو، او په ۲۰۲۳ میلادي کال کې د هېواد د نفتو او ګازو د سرتاسري اتحادیې مشر وټاکل ش و.

نوموړی په ۲۰۲۵ میلاد ي کال د جولای په لومړیو کې د بلخ د سوداګرۍ او پانګونې اتا ق د رئیس په توګه وټاکل شو، او د همدې کال د جولای په وروستیو کې د ملي سوداګرو او د عالي اقتصادي شورا په پرېکړه ،د سلګونو وړ سوداګرو له فهرست څخه د افغانستان د سوداګرۍ او پانګونې اتاق د عمومي رئیس په توګه وټاکل شو.

هغه د خپل تدبیر، رښتینولۍ او پراخ اقتصادي لید له امله تل هڅه کړې چې د هېواد د خصوصي سکتور په وده کې اغېزمن رول ولوبوي او د ولس او ملي اقتصاد یو رښتینی خدمتګار پاتې شي.