د خصوصی سکټور اوچت غږ

20
سه شنبه, اکتوبر
7 New Articles

د کندهار د سوداګرۍ او پانګونې خونې مشرتابه پلاوي د خونې عمومي رياست د سټراټيژيکو اړيکو له مرستيال سره وکتل.

سې‌شنبه، د تلې ۲۸مه، ۱۴۰۵
 
د کندهار د سوداګرۍ او پانګونې خونې مشرتابه پلاوي د ښاغلي الحاج عبدالاحد خان صدیقي په مشرۍ د افغانستان د سوداګرۍ او پانګونې خونې د سټراټېژیکو اړیکو مرستیال ښاغلي مجیب‌الرحمن شېرزاد سره په لیدنه کې د مرکزي خونې او ولایتي استازولیو ترمنځ د همغږۍ پر پیاوړتیا، د سوداګرو او پانګه‌والو د ستونزو پر حل او د سوداګریزو او اقتصادي فعالیتونو پر پراختیا بحث او د نظرونو تبادله وکړه.
په دې لیدنه کې د افغانستان د سوداګرۍ او پانګونې خونې مدیره پلاوي غړي ښاغلي الحاج مسعود راحت، د کندهار خونې د مدیره پلاوي له دولت سره د اړیکو مرستیال ښاغلي الحاج بهاوالدین او د کندهار د سوداګرۍ او پانګونې خونې د شخړو د حل څانګې رئیس ښاغلي حافظ عبدالظاهر هم حضور درلود.
په دې ناسته کې د صادراتو مرکز ستونزې په ځانګړي ډول د مبدأ سند او صادراتي انوایس د صادرولو ستونزې او د پانګونې د ملاتړ صندوق کمېټې په چوکاټ کې د پروژو د ټاکلو موضوع وڅېړل شوه.
په پای کې دواړو لورو د ګډو همکاریو پر پیاوړتیا، د سوداګرو او پانګه‌والو د ستونزو پر تعقیب او په هېواد کې د سوداګرۍ، پانګونې او صادراتو د ودې لپاره د لا زیاتو اسانتیاوو پر برابرولو ټینګار وکړ.