د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند د اتاق خدماتي مرستیال ښاغلي نصیر احمد عرب، د بلخ اتاق سرپرست ښاغلي اسدالله اسدي، د فاریاب د سوداګرۍ او پانګونې اتاق رئیس ښاغلي سید محمد فرید هاشمي، د سوداګرۍ او صنعت وزارت سلاکار ښاغلي معراج الدین پرهیز، د بلخ اتاق سلاکار ښاغلي اجمل قادري، د بلخ ولایتي اتاق اجرائیوي آمر ښاغلي احمد شکیب اکبري او یو شمیر سوداګرو او پانګوالو په ملتیا د بلخ والي ښاغلي مولوي محمد داود مزمل سره د لیدنې په ترڅ کې، د ګډو همکاریو او سوداګرو ستونزو په اړه خبرې اترې وکړې.
ښاغلي مهمند د سوداګرو ستونزو حل برخه کې د بلخ والي له هڅو ستاینې کولو ترڅنګ، په ټولنه کې د سوداګرو او پانګوالو رول او ښې حکومتدارۍ په اړه خبرې وکړې.
نوموړي د بلخ ولایت له سیمه ایز حکومت څخه وغوښتل چې د سوداګرو ستونزو حل برخه کې کوټلي ګامونه پورته او لازمې اسانتیاوې ورته رامنځته کړي.
ښاغلي مهمند د بلخ ولایت اقتصادي ودې او سوداګرو ستونزو حل په موخه، په یاد ولایت کې د عالي اقتصادي شورا یوې اقتصادي کمېټې د جوړیدو غوښتنه وکړه او د یاد ولایت مقام هم د هغه غوښتنه تائید کړه.
ښاغلي نصیر احمد عرب د فرصت طلبه خلکو لخوا په سوداګرو د باطلو دعوو په اړه خبرې وکړې او له حکومت څخه يې وغوښتل چې د ورته موضوعګانو مخنیوي برخه کې لازم ګامونه پورته کړي.
ښاغلي اسدي د بلخ ولایت په عدلي او قضايې ارګانونو کې د سوداګرو ستونزو په اړه خبرې او د حکومت څخه يې وغوښتل چې په عدلي او قضايې ارګانونو کې د سوداګرو ستونزو ته د پای ټکی کیږدي.
د بلخ والي ښاغلي محمد داود مزمل د اتاق د مشرتابه پلاوي او سوداګرو هرکلي کولو ترڅنګ، د سوداګرو شته ستونزو ته د حل لارو پیداکولو څخه ډاډ ورکړ او ژمنه يې وکړه چې د سوداګرو ستونزو ته د پای ټکي کیښودو برخه کې به د یاد ولایت مشرتابه خپلې هیڅ ډول مرستې ونه سپموي.
ښاغلي اسدالله اسدي وویل، دا ډول نندارتونونه په لاره اچول د کورنیو تولیداتو د پیژندنې، د معلوماتو د تبادلې، د نووښتونو د رامنځته کولو او د کورنیو تولیداتو څخه د ګټې اخیستنې رواج کولو سبب ګرځي.
ښاغلي مهمند او ورسره ټیم یې په هغه غونډه کې چې د افغانستان د سوداګرۍ او پانګونې اتاق د مدیره پلاوي غړي ضیاالدین اڅکزي، د بولدک اتاق رئیس محمد صدیق صدیقي، د یاد اتاق لومړي مرستیال عبدالحی جزا، سوداګریز مرستیال محمد شفیق اڅکزي، د دارالانشاء رئیس حافظ عبدالکریم، د بولدک د سوداګرۍ اتاق د مدیره پلاوي نورو غړو او همدارنګه د سوداګرو او د اتحادیو له مشرانو سره وکتل او د هغوی د ستونزو او وړاندیزونو له اورېدلو وروسته یې ژمنه وکړه چې د سپین بولدک ولسوالی د دولتی مسولینو سره به د دوی ستونزې شریکې او د له منځه وړلو برخه کې به يې کوټلي ګامونه پورته کړي.
په ښاغلي محمد صدیق مهمند د دې غونډې ګډونوالو ته د ښه راغلاست ترڅنګ د سوداګرۍ او پانګونې د ودې په اړه خبرې وکړې او په راتلونکي کې یې د لا زیاتو پانګونو لپاره د سوداګرو او پانګوالو د چمتووالي ډاډ ورکړ. نوموړي له دولتي چارواکو وغوښتل، چې د هېواد پانګوالو ته په ځانګړې توګه د صنعتي فابريکو ته د برېښنا رسولو په برخه کې لا زيات فرصتونه او اسانتياوې برابرې کړي.