د افغانستان د سوداګرۍ او پانګونې اتاق د مدیره پلاوي لومړي مرستیال ښاغلي محمد یونس مهمند او د اتاق د عامل پلاوي اداري او مالي مرستیال ښاغلي میرویس هوتک د کندهار ولایت ته د سفر کولو په ترڅ کې د خصوصي سکتور د مرستو دویم پړاو پیل کړ.
د یادونې وړده چې، ملي سوداګرو هر یو حبیب ګلزار، همایون خواجه زاده، میرویس کټوازي، حاجي عبیدالله، حاجي ظاهر، محمد یوسف مهمند، د کندهار سوداگرو او د خصوصي سکتور غړیو خپلې مرستندویه کڅوړې د ارغنداب ولسوالۍ زیانمنو سره د لاسنیوي په موخه لیږلي دي. د ارغنداب ولسوال ښاغلي رسولي د سوداګرو د دغې لويې پیرزویینې ستاینه وکړه او دغه مرستې يې ډیرې ارزښتمنې او حیاتي وبللې.
دغه مرستندویه کڅوړې په اوړو، وریجو او غوړیو باندی مشتملي دي، چې د روان کال غويې تر ۱۳مې ۶۷۰ زیانمنو کورنیو ته ویشل شوي دي او د مرستو دا ژوند ژغورونکې لړۍ لا هم دوام لري.
ښاغلي مهمند وویل "دولت مخکې له دی چې د درملو د انحصاري کولو طرحه په خپل سر عملي کړي، باید د هېواد خصوصي سکتور په ځانګړی توګه د افغانستان د سوداګرۍ او پانګونې اتاق سره يې شریکه کړې وه."
د هرات د سوداګرۍ او پانګونې اتاق اجرائیه آمر ښاغلي محمد رفیع رحماني میلمنو ته د ښه راغلاست ویلو پرمهال د دې برنامې پر اهمیت خبرې وکړې او زیاته یې کړه چې په اوسني وضعیت کې د سوداګريز تړون لاسلیک کول سوداګرۍ او سوداګرو ته یوه بېړنۍ اړتیا ده او پانګه اچوونکي باید د تړون له بنسټیزو موضوعاتو مالومات ولري.
د هرات ولایتي اتاق سوداګریز مرستیال ښاغلي احمد سعید صدیقي وویل " د ډیرو کلونو راهیسي د اسلام قلعه بندر د زیربناو جوړولو لپاره ډیری پیسې ورکړل شوي مګر تر دې دمه کوم اقدام نه دی شوی او دا مسله باید په جدي توګه تعقیب شي."