د افغانستان د سوداګرۍ او پانګونې اتاق عامل پلاوي رئیس ښاغلي شفیق الله عطايي د انالوګ تیر څخه ډیجیټال تیر ته د اوښتون په ارزښت خبرې وکړې او زیاته ته يې کړه چې د ډیجیټال تیر له لارې د مختلفو هېوادونو سره د اړیکو لرل د سوداګرۍ په پراختیا او سوداګریزو توکو په ټرانزیټ کې اړین رول لوبوي.
د ګمرکاتو عملیاتي مرستیال ښاغلي محمد عمر مهمند د ټرانزیټ له مخې د افغانستان د جغرافیايي موقعت په اړه د خبرو کولو ترڅنګ، وویل چې افغانستان د مرکزي او سویلي آسیا هېوادونو ترمنځ د سوداګریزو توکو د ټرانزیټ برخه کې مهم رول لوبولی شي.
نوموړي د سږکال په لومړنیو دریو میاشتو کې د تیر سیستم څخه ګټه پورته کونه هیله بخښونکی وبلله او هیله يې څرګنده کړه چې سږ کال له ۵۰ زرو څخه زیات وسایط د تیر سیستم څخه ګټه پورته کړي.
د IRU سازمان د تیر له غړیو هېوادونو څخه غوښتې چې د فساد د مخنیوي په موخه د ډیجیټال تیر سیستم څخه ګټه پورته کړي.
په دغو ناستو کې ښاغلي مهمند له روسیې سره د افغانستان د سوداګرۍ د پراختیا او په ځانګړې توګه د روسيې نفتي او خوراکي توکو لکه اوړه، غنم او غوړيو ته د افغانانو د اړتیا په اړه خبرې وکړې او له افغان سوداګرو یې هم وغوښتل چې په هېواد کې د ښه امنیت او اداري فساد نه شتون په نظر کې نیولو سره په هېواد کې پانګونه وکړي.
په دی غونډه کې د دوربان کنفرانس د په لاره اچولو په ځانګړې توګه په افغانستان کې د ماشومانو د کار مخنیوي او همدارنګه په هغو موضوعګانو چې په یاد کنفرانس کې د په کار ګمارونکو او اتحادیو لخوا پری موافقه شوې د پریزنټیشنونو په وړاندی کولو سره پری ټنګار وشو او ژمنه يې وکړه چې په کنفرانس کې د یادو موضوعاتو تطبیق برخه کې به خپلې نه ستړی کیدونکي هلې ځلې کوي.