د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند، د اتاق د مدیره پلاوي غړي ښاغلي خان جان الکوزي، د اتاق د عامل پلاوي سرپرست رئیس ښاغلي شفیق الله عطايې او د عامل پلاوي مالي او اداري مرستیال ښاغلي میرویس هوتک د کام ایر هوايې شرکت له آمر ښاغلي سلیمان عمر، د ترکش هوايې شرکت له مسؤلینو او یو شمیر نورو هوايې شرکتونو له مسؤلینو سره د لیدنې په ترڅ کې د هغوی ستونزې واودیدی.
ښاغلي سلیمان عمر په سختو شرایطو کې د مسافرینو او هوایی کارګو لیږدولو په برخه کې د دوی د خدماتو یادونه وکړه او د سبسایډونو په تادیه کې يې د اړوندو دولتي څانګو په بې کفایتۍ نیوکه وکړه. او زیاته یې کړه چې د تړون له مخې موږ د هوایی لارې سوداګریز توکي لیږدوو خو له بده مرغه حکومت د خپلو پیسو د ورکړې په برخه کې پر خپل وخت عمل نه کوي چې دی کار د هوايې شرکتونو لپاره ډیری ستونزې رامینځته کړي.
د هوایی شرکت چارواکو زیاته کړه که چیرې دولت خپلې پیسې په وخت سره تادیه نه کړي، دوی به د هوایی کارګو له لارې د سوداګریزو توکو لیږد خدماتو ته دوام ورنه کړاي شي.. دوی له اتاق څخه غوښتنه وکړه چې د دوی د ستونزو د حل په موخه د اړونده دولتي ادارو سره همغږي وکړي او د دوی ستونزو ته د پای ټکی کیږدي.
ښاغلي مهمند په ډیرو سختو شرایطو کې د کام ایر هوايې شرکت د خدمتونو د ستایلو تر څنګ، ژمنه وکړه چې د دوی ستونزی به د ماليې وزارت د هوايې کارګو له مسؤلینو سره شریکې او د له منځه وړلو په برخه کې به يې خپلې هیڅ ډول مرستې ونه سپموي. ښاغلی عطايې د حکومت له لوري په وخت پیسو نه ورکول تاییدوي او د هوايې شرکتونو څخه غواړي چې که چیري امکان لري خپلو خدمتونو ته دی د پخوا په څیر دوام ورکړي او اتاق هم د دوی د ستونزو د له منځه وړلو په برخه کې د کوټلو ګامونو پورته کول ژمنه کوي.
خانجان الکوزي د دوی ستونزو منلو پرمهال د هوایي دهلېز له لارې د سوداګریزو توکو لیږد د افغانستان د حکومت یوه لاسته راوړنه وبلله او په اړوندو حکومتي چارواکو یې غږ وکړ چې د تړون پراساس د سبسایډي پیسې په خپل وخت ورکړي.
ښاغلي شفیق الله عطایي د حج او اوقافو وزارت د معینانو او رئیسانو څخه د هیواد په کچه د بیړنیو خوراکي توکو د خدمتونو او توزیع په برخو کې د منظمو برنامو څخه په ځانګړي ډول د افغانستان د سوداګرۍ اوپانګونې اتاق او د سخاوت صندوق رول وستایه. هغه د روژې په مبارکه میاشت او د ژمي په یخ فصل کې د خوراکي او خامو موادو د شتون یادونه وکړه او زیاته یې کړه چې سوداګر او د خصوصي سکتور غړي د اتاق سره د ګډې همغږۍ په پایله کې پلان لري چې په ټول هیواد کې مرستې چمتو کړي. 
ښاغلي عطايې د (IFC) د مسلکي غړو څخه د یادې غونډې د په لاره اچولو په تړاو ستاینه وکړه او د یادې ستونزې د له منځه وړلو په برخه کې يې د خصوصي سکتور، پانګه اچوونو، د کړنلارو د لا ښه والي، د خپلواکو او ګډو پانګه اچوونو یا (PPP)، او په دی برخه کې يې د حکومت بشپړه پاملرنه اړینه وبلل. 
ښاغلي محمد یونس مهمند وویل چې د ایران د مڼو څخه د کورنیو مڼو په جلا کولو کې د اغیزمن سیستم نشتوالي له امله، هغه د افغانستان د سوداګرۍ او صنایعو اتاق او اړوند څانګې څخه په دی برخه کې د پوره همکارۍ غوښتنه وکړه.