د افغانستان د سوداګرۍ او پانګونې اتاق عمومي رئیس ښاغلي توکل احمدیار د هېواد د سوداګرۍ او صنعت وزارت له سرپرست ښاغلي نورالدین عزیزي سره د لیدنې په ترڅ کې، د سوداګرۍ پراختیا، خصوصي سکتور ستونزو حل او ګډو همکاریو په اړه خبرې اترې وکړې.

 

ښاغلي احمدیار د سوداګرۍ اوسني وضعیت، د سوداګرو ستونزو، د هېواد سوداګرو او پانګه اچوونکو ته د لازمو آسانتیاوو رامنځته کولو، د یو لړ تخنیکي موضوع ګانو او د شتو سودارګریزو ستونزو ته د حل لارو پیدا کولو په اړه خبرې وکړې او د افغانستان د سوداګرۍ او پانګونې اتاق او د سوداګرۍ او صنعت وزارت ترمنځ په ګډې همکارۍ او همغږۍ يي ټینکار وکړ.

 

ښاغلي احمدیار په نږدی راتلونکي کې په عربي متحده اماراتو کې د افغانستان د سوداګرۍ او پانګونې اتاق په نوښت، د هېواد د خصوصي سکتور غړیو په ګډون د یوې ناستې خبردارې ورکړ او د سوداګرۍ او صنعت له ښاغلي وزیر او د اسلامي امارت نورو اړوندو چارواکو يي وغوښتل چې په راتلونکې ناسته کې ګډون وکړي.

 

ښاغلي احمدیار زیاته کړه "په دی ناسته کې د افغانستان اسلامي امارت چاورکو ګډون هېواد کې پانګه اچونې ته د هڅونې او د اسلامي امارت سره د سوداګرو د یو لړ ستونزو د پای ته رسیدو سبب وګرځي."

ښاغلي نورالدین عزیزي د افغانستان د سوداګرۍ او پانګونې اتاق عمومي رئیس ته د ښه راغلاست ویلو تر څنګ، د سوداګرو یو شمیر ستونزو شتون ومانه او هیله يي څرګنده کړه چې د دغه وزارت او د افغانستان د سوداګرۍ او پانګونې اتاق د هڅو په پایله کې به په یادو ستونزو برلاسی پیداکړي.

 

ښاغلي عزیزي ژمنه وکړه چې د هېواد د پانګه والو او سوداګرو شتو سوداګریزو او ټرانزیټي ستونزو ته د پای ټکي کیښودو او لازمو آسانتیاوو رامنځته کولو په برخه کې به کوټلي ګامونه پورته کړي.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د مدیره پلاوي د نړیوالو اړیکو رئیس ښاغلي انجنیر سید جاوید برهان، د عامل پلاوي سرپرست رئیس ښاغلي شفیق الله عطایي، د مدیره پلاوي غړیو هر یو ښاغلي ذکریا بریالي، عصمت الله وردګ او ضیاءالدین اچکزي، د کابل ولایتي اتاق مدیره پلاوي پانګه اچونې مرستیال ښاغلي انجنیر جلیل حریف د افغانستان اسلامي امارت د ښار جوړولو او ځمکو وزارت له سرپرست وزیر ښاغلي حمد الله نعماني سره د لیدنې په ترڅ کې، هغه ته د نوی دندې مبارکۍ ویلو ترڅنګ، په ودانیز سکتور کې د افغان سوداګرو شتو ستونزو او ګډو همکاریو په اړه خبرې اترې وکړې.

 

ښاغلي مهمند ښاغلي نعماني ته د نوی دندې مبارکۍ ویلو ترڅنګ، د افغانستان د سوداګرۍ او پانګونې اتاق او د ښار جوړونې او ځمکو وزارت په ګډې همکارۍ ټینګار وکړ.

ښاغلي مهمند زیاته کړه "خصوصي سکتور د ښاري پراختیا او ودانیو جوړولو په برخه کې اړین رول لوبوي او دا چې د ودانیز سکتور پانګه والو ستونزو ته د پای ټکی کیږدو، اړینه ده چې د افغانستان د سوداګرۍ او پانګونې اتاق او د ښارجوړونې او ځمکو وزارت تر منځ یوه ګډه کاري کمېټه رامنځته کړو."

 

ښاغلي عطايي د افغانستان د سوداګرۍ او پانګونې اتاق د تیرو نوي کلونو اقتصادي او سوداګریزو فعالیتونو او لاسته راوړنو په اړه د خبرو کولو ترڅنګ، او د ودانیز سکتور سوداګرو او پانګه اچونکو ستونزو حل په برخه کې يي د افغانستان د سوداګرۍ او پانګونې اتاق او د ښارجوړونې او ځمکو وزارت ترمنځ ګډه همکاري او همغږي اړینه وبلله.

 

ښاغلي نعماني د افغانستان د سوداګرۍ او پانګونې اتاق مشرتابه پلاوي ته د ښه راغلاست ویلو ترڅنګ، په هېواد کې ښه امنیت د اقتصادي رغښت او پانګه اچونو جلب لپاره یو ښه فرصت وباله او د خصوصي سکتور او پانګه اچونکو شتو ستونزو ته د پای ټکي کیښودو او ښاري پراختیا په برخه کې يي د افغانستان د سوداګرۍ او پانګونې اتاق سره د یاد وزارت له بشپړې همکارۍ ډاډ ورکړ.

د افغانستان د سوداګرۍ او پانګونې اتاق مدیره پلاوي دریمې دورې څوارلسمه ناسته د افغانستان د سوداګرۍ او پانګونې اتاق عمومي رئیس ښاغلي توکل احمدیار تر ریاست لاندی او د اتاق د مدیره پلاوي لومړي مرستیال ښاغلي محمد یونس مهمند، د اتاق سوداګریز مرستیال ښاغلي خیرالدین مایل احمدي، د اتاق پانګه ایز مرستیال ښاغلي سلطان محمد صافي، د اتاق د خدماتو مرستیال ښاغلي نصیر احمد عرب، د اتاق مالي رئیس ښاغلي شیرین آغا سخي، د اتاق د نړیوالو اړیکو رئیس ښاغلي انجیر سید جاوید برهان، د اتاق د عامل پلاوي سرپرست رئیس ښاغلي شفیق الله عطايي، د اتاق د مدیره پلاوي غړیو هر یو ښاغلي آذرخش حافظي، خان جان الکوزي، ذکریا بریالي، محمد ګردیزي، عصمت الله وردګ، محمد داود یوسفزي، احمد ضیاء عظیمي شینوزاده، سید پرویز سادات هوفیاني، فواد دوست، جان آقا صادقي، احمد شکیب احمدیار، بهادر خیرخواه او ضیاءالدین اچکزي، د څارنې پلاوي منشي ښاغلي عبدالمتین قلندري او د عامل پلاوي مالي او اداري مرستیال ښاغلي میرویس هوتک په ګډون په مرکزي دفتر کې ترسره شوه.

په یاده ناسته کې د مشرتابه پلاوي ځینو غړیو په آنلاین ډول ګډون درلود.

 

د ناستې اجنډا د ښاغلي ذکریا بریالي لخوا د غونډې ګډونوالو ته وړاندې شوه او د عامل پلاوي سرپرست رئیس ښاغلي شفیق الله عطايي د غونډې ګډونوالو ته د عامل پلاوي کاري رپورټ وړاندی کړ.

د افغانستان د سوداګرۍ او پانګونې اتاق عمومي رئیس ښاغلي توکل احمدیار د ټولو ملي سوداګرو او پانګوالو څخه وغوښتل چې بیرته د هېواد د اقتصادي رغښت په موخه خپلو سوداګریزو او پانګه ایزو فعالیتونو ته دوام ورکړي.

 

ښاغلي احمدیار د اسلامي امارت له مسؤلینو څخه وغوښتل چې د هېواد سوداګرو او پانګه والو ته د لا ښه فعالیت زمینه برابره او لازمې آسانتیاوې ورته په واک کې ورکړي.

د مدیره پلاوي غړیو، د ۱۴۰۱ لمریز کال د تشکیل او بودیجې تصویب، د غړیتوب آمریت د سلاح ګرځولو د پروسیجر تصویب، د اجرائیه کمېټې د اوولسمې ناستې د پریکړو تصویب، او د مدیره او عامل پلاوو د وړاندیزونو په اړه خپل نظرونه څرګند او په اړه يي لازمې پریکړې وکړې.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د مدیره پلاوي مالي رئیس ښاغلي شیرین آغا سخي، د مدیره پلاوي د نړیوالو اړیکو رئیس ښاغلي انجنیر سید جاوید برهان، د عامل پلاوي سرپرست رئیس ښاغلي شفیق الله عطايي، د مدیره پلاوي غړیو هر یو ښاغلي خان جان الکوزي، ذکریا بریالي، احمد ضیاء عظیمي شینوزاده او احمد شکیب احمدیار، د عامل پلاوي مالي او اداري مرستیال ښاغلي میرویس هوتک، د رخت پلورونکو اتحاديي رئیس ښاغلي حاجي عبیدالله او یو شمیر سوداګرو په چین کې میشت افغان سفارت سرپرست ښاغلي محیي الدین سادات سره د لیدنې په ترڅ کې، د سوداګریزو او اقتصادي اړیکو پراختیا او افغان سوداګرو ستونزو په اړه خبرې اترې وکړې.

 

ښاغلي مهمند په چین کې د افغانستان سفیر او د هېواد سوداګرو ته د ښه راغلاست په ترڅ کې په نړۍ کې د چین د اقتصادي موقعیت او د هوا او ځمکې له لارې له چین سره د افغانستان د سوداګرۍ په اړه خبرې وکړې او ټینګار یې وکړ چې د سوداګریزو راکړو ورکړو د حجم په پام کې نیولو سره د دواړو هېوادونو ترمنځ د ځمکې د لیږد کم لګښت ته په کتو سره باید د افغانستان – چین د اورګاډي پټلۍ د لا اسانتیا لپاره هڅې وشي تر څو تجارت په عمده توګه د ځمکې له لارې ترسره شي.

 

ښاغلي مهمند په افغانستان کې د چین له سفارت سره د سوداګرو د اوسنیو ستونزو په اړه د څو ناستو یادونه وکړه او په ځانګړې توګه یې د ویزو موضوع ته اشاره وکړه او د نوي افغان سفیر د پاملرنې غوښتنه یې وکړه.

ښاغلي عطايي د افغانستان د سوداګریزو او اقتصادي فعالیتونو د پراختیا او په دې برخه کې د چین د مثبت رول په اړه په چین کې د افغانستان د سفارت هڅې وستایلې او د سوداګریزو – اقتصادي اړیکو د پراختیا او د پانګونې د جلبولو په څانګړې توګه د کانونو او طبیعي سرچینو په برخه کې یې د چین پانګونه اړینه وبلله.

 

ښاغلي حاجي عبیدالله د هغو ستونزو یادونه وکړه چې په تېرو دوو کلونو کې یې د سوداګرۍ په برخه کې خنډونه رامنځته کړي وه، په ځانګړې توګه افغان سوداګرو ته د ویزو د عدم ورکړې ستونزه او په چین کې د افغان سفارت له سرپرست څخه يي وغوښتل چې د دوی ستونزو ته د حل لارې چارې پیداکړي.

 

ښاغلي شیرین آغا سخي د سوداګرو د ستونزو د تائید په ترڅ کې له هغو سوداګرو اتحادیو څخه چې له چین سره سوداګریزې اړیکې لري وغوښتل چې خپلې شته ستونزې په منظم ډول ترتیب او د افغانستان د سوداګرۍ او پانګونې اتاق سره يي شریکې څو اتاق يي په چین کې د افغان سفارت له سرپرست سره په همغږۍ د حل لارې چارې ورته ولټوي.

 

په چین کې د افغان سفارت سرپرست ښاغلي سادات د اتاق د مدیره پلاوي د خبرو او د افغان سوداګرو د ستونزو له اورېدلو وروسته وویل، چې د افغان سوداګرو د ستونزو په اړه یې د دغه اتاق د مدیره پلاوي له لارې معلومات ترلاسه کړي دي. او ژمنه يي وکړه چې یادو ستونزو ته د حل لارو پیداکولو او سوداګرو ته د لازمو آسانتیاوو برابرولو په برخه کې به کوټلي ګامونه پورته کړي.

 

ښاغلی سادات زیاته کړه 'موږ هڅه کوو څو له اړوندو وزارتونو, ادارو او په افغانستان کی د چین سفارت سره په همکاری او همغږی کی د سوداګریزو آسانتیاوو رامنځته کولو په موخه ګړندی ګامونه پورته کړو.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د ریاست الوزرا لومړي مرستیال ښاغلي مولوي عبدالسلام حنفي، د سوداګرۍ او صنایعو سرپرست وزیر ښاغلي نورالدین عزیزي او د اسلامي امارت لوړ پوړو چارواکو د پاکستان د ملي امنیت سلاکار ښاغلي موید یوسف، د افغانستان په چارو کې د پاکستان د وزيراعظم ځانګړي استازي ښاغلي صادق خان او د افغانستان لپاره د پاکستان سفیر ښاغلي منصور نعیم سره د لیدنې په ترڅ کې، د سوداګریزو او ټرانزیټي ستونزو د حل غوښتنه يي وکړه.

 

ښاغلي مهمند د افغانستان او پاکستان ترمنځ سوداګرۍ کې شتو ستونزو په ځانګړې توګه د وارداتو بریښنايي فورم او یو شمیر نورو ټرانزیټي ستونزو په اړه د خبرو کولو وروسته، د یادو ستونزو د له منځه وړلو غوښتنه وکړه.

په یاده ناسته کې، دواړو لوریو د لاندی خنډونو په له منځه وړلو هوکړه وکړه.

 

• د افغانستان د صادراتو لپاره د پاکستان د مرکزي بانک د وارداتو د بريښنايى فورمى يا EIF شرط له منځه وړل.

• د بانکونو د بيا فعاليدلو پورى به په بارتر توګه سوداګري ترسره کيږي.

• د افغانستان په اتلس قلمه صادراتي توکو باندى د پاکستان لخوا د محصول معاف کيدل.

• دوه اړخيزې ګډې پانګونې ته بايد سوداګر وهڅول شي او ددى لپاره بايد دواړه هيوادونه خپلې پاليسي ګانې واضحه او اسانه کړي.

• د کرهڼې سکتور غښتلتیا په موخه په تخنیکي او تکنالوجیکي همکاریو ټینګار وشو.

• په کراچى بندر کې بايد افغان مالونو ته هر اړخيزې اسانتياوې برابرې کړل شي.

• په بندرونو کى تخنيکي ستونزې بايد له نږدي وڅارل شي او بايد د تل لپاره له منځه یووړل شي.

• د دواړو لوریو سوداګریزو توکو لیږد په موخه دی ژر تر ژر پو اغیزمن میکانیزم کار ترسره شي.

 

د پورته یادو موضوعګانو سربیره، په نورو ستونزو هم خبرې وشوې او دواړو لوریو يي د له منځه وړلو ژمنې وکړې.