د پانګه اچونې سهامي شرکت "افغان انویست" د ریاست الوزرا اقتصادي مرستیال ښاغلي ملا عبدالغني برادر، د صنعت او سوداګرۍ وزیر ښاغلي نورالدین عزیزي، محترم شهاب الدین دلاور معاون پترولیم، د افغانستان د سوداګرۍ او پانګونې اتاق مشرتابه پلاوي غړيو هر یو ښاغلي خیرالدین مایل احمدي سوداګریز مرستیال، د مدیره پلاوي مالي رئیس ښاغلي شیرین آغا سخي، د مدیره پلاوي غړیو هر یو ښاغلي خان جان الکوزي، عصمت الله وردګ او احمد ضیاء عظیمي شینوزاده، د څارنې پلاوي منشي ښاغلي عبدالمتین قلندري، د کابل سوداګرۍ او پانګونې اتاق لومړي مرستیال ښاغلي احمد شاه حکیمي، د ځینو هېوادونو سیاسي استازیو او د مخلتفو اتاقونو رئیسانو، د ولایتي اتاقونو استازیو او سل ګونه سوداګرو او پانګه والو له لوري په رسمي ډول پرانستل شو.

 

ښاغلي ملا عبدالغني برادر په دغه سهامي شرکت کې د بېلابېلو قومونو د لویو ونډه والو شتون د ملي یووالي سمبول او یو مثبت ګام وباله او زیاته یې کړه چې دوی تل د ریاست الوزار په اقتصادي ناستو کې د سوداګرو او پانګوالو ستونزو ته پاملرنه کړې ده او د حل مناسبې لارې چارې ورته ولټولي.

 

ښاغلي نورالدین عزیزي د هېواد خلکو او د دغه ستر پانګوال شرکت ونډه والو ته د مبارکۍ په ورکولو سره، سږ کال د افغانستان د صادراتو د زیاتوالي اعلان وکړ او زیاته یې کړه، موږ تمه لرو چې سږ کال به د صادراتو کچه دوه میلیارد ډالرو ته لوړه شي.

 

ښاغلي خیرالدین مایل احمدي د دغه ډول لوی سهامي شرکت جوړېدل د هېواد اقتصادي ودې لپاره مهم وبلل او د هېواد په خلکو او سوداګرو یې غږ وکړ چې د پانګونې په برخه کې د خپلو پانګوالو ملاتړ وکړي. هغه ټینګار وکړ چې هڅه کوو د افغان سوداګرو او پانګوالو په پانګونې سره خپل هېواد جوړ کړو.

 

ښاغلي شیرباز کمین زاده د انویسټ شرکت د تشکیلاتي جوړښت او پانګونې په اړه معلومات ورکړل او د هېواد له نورو سوداګرو او پانګوالو یې وغوښتل چې په بېلابېلو برخو کې د پانګونې له لارې د هېواد د اقتصاد په وده کې ونډه واخلي.

 

د یادونې وړ ده چې افغان انویسټ شرکت په هېواد کې د ۱۳ سترو پانګوالو له خوا د ۲۵۰ میلیونو ډالرو لومړنۍ پانګونې سره د برېښنا تولید، کانونو، ساختماني او کرنې پراختیا په برخو کې پانګونه کوي.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند د هېواد د خصوصي سکتور په استازولۍ، د اتاق د عامل پلاوي مالي او اداري مرستیال ښاغلي میرویس هوتک او په مسکو کې میشت افغان سفیر ښاغلي جمال ناصر غروال په ملتیا په سینټ پیټرزبورګ کې د اقتصادي او سوداګریزې برخې له رئیس ښاغلي ګریګوریف ایوګیني دیمیترویچ سره د لیدنې په ترڅ کې، د دواړو هېوادونو ترمنځ د سوداګریزو او اقتصادي اړیکو په اړه خبرې اترې وکړې.

 

ښاغلي مهمند په تېرو ۹۰ کلونو کې د افغانستان د سوداګرۍ او پانګونې اتاق د اقتصادي فعالیتونو او په تېرو ۹۰ کلونو کې د دواړو هېوادونو ترمنځ د ښو سوداګریزو-اقتصادي اړیکو او افغانستان ته د وارداتو د اړتیا په اړه معلومات ورکړل. او همدارنګه له روسيې څخه د خوراکي توکو او تیلو واردولو او روسيې ته د افغان صادارتي توکو صادرولو پر اړتیا يې خبرې وکړې.

 

ښاغلي مهمند او د هغه ملګري ټیم ته د ښه راغلاست په ترڅ کې د سنټ پیټرزبورګ د سوداګریزې او اقتصادي برخې رئیس ښاغلي ګریګوریف اویوګیني دیمیترویچ د سوداګرۍ د پراختیا او د دواړو هېوادونو ترمنځ د اړیکو د ښه کولو په برخه کې خپله لېوالتیا څرګنده کړه او د روسیې او افغان سوداګرو او پانګوالو ترمنځ یې د سوداګریزو ناستو ترسره کول او سوداګریزو پلاوو تګ راتګ اړین وباله.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند د هېواد د خصوصي سکتور په استازولۍ، د اتاق د عامل پلاوي مالي او اداري مرستیال ښاغلي میرویس هوتک او په مسکو کې میشت افغان سفیر ښاغلي جمال ناصر غروال په ملتیا د بشکورتوستان جمهوریت د سوداګرۍ او صنعت اتاق له رئیس ښاغلي خاکیموف تیمور سره د لیدنې په ترڅ کې، د سوداګرۍ پراختیا او ګډو همکاریو په اړه خبرې وکړې.

 

ښاغلي مهمند ښاغلي تیمور ته د افغانستان د سوداګرۍ او پانګونې اتاق د اقتصادي او سوداګریزو فعالیتونو په اړه د مالوماتو ورکولو ترڅنګ، د دواړو هېوادونو د سوداګرۍ پر پراختیا او ګډو همکاریو ټینګار وکړ.

 

ښاغلي مهمند د بیخ بنسټیزه پروژو تطبیق، ودانیزو کارونو، صادراتو او وارداتو، سون او خوارکي توکو لکه: اوړه، غنم او غوړیو ته د افغانستان د خلکو د اړتیا په اړه خبرې وکړې.

 

ښاغلي تیمور د ښاغلي مهمند د مالوماتو څخه خوښي څرګنده او د وړاندیزونو هرکلی يې وکړ او همدارنګه د دواړو هېوادونو د سوداګرۍ پراختیا او ګډو همکاریو برخه کې يې د خپلو هر ډول مرستو ژمنه وکړه.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند د هېواد د خصوصي سکتور په استازولۍ، د اتاق د عامل پلاوي مالي او اداري مرستیال ښاغلي میرویس هوتک او په مسکو کې میشت افغان سفیر ښاغلي جمال ناصر غروال په ملتیا په سینټ پیټرزبورګ کې د روسيي سوداګرۍ اتاق له رئيس ښاغلي کاتیرین سرګي سره د لیدنې په ترڅ کې، د سوداګریزو او اقتصادي اړیکو پراختیا او ګډو همکاریو په اړه خبرې اترې وکړې.

 

ښاغلي مهمند د افغانستان د سوداګرۍ او پانګونې اتاق فعالیتونو، په تیرو څو کلونو کې د افغانستان او روسيې سوداګریزو اړیکو په ځانګړې توګه په افغانستان کې د سیاسي بدلونونو منځته راتګ وروسته، د ښه امنیت، اداري فساد نه شتون او د پانګه اچونې فرصتونو په اړه خبرې وکړې او د دواړو هېوادونو د سوداګریزو او اقتصادي اړیکو پر غښتلتیا او ګډو پانګه اچونو يې ټینګار وکړ.

 

ښاغلي مهمند د صادراتو او وارداتو برخه کې د لازمو آسانتیاوو رامنځته کیدا باندی د ټینګار کولو ترڅنګ، د دواړو هېوادونو سوداګریزو پلاوو سفرونه او د افغانستان د سوداګرۍ او پانګونې اتاق او د روسيې سوداګرۍ اتاق ترمنځ يې تفاهملیک لاسلیکولو يې اړین وبلل.

 

نوموړي د روسيې سوداګرۍ اتاق له رئیس وغوښتل چې د یو سوداګریز پلاوي په مشرۍ افغانستان ته سفر وکړي ترڅو د دواړو هېوادونو د سوداګرو او پانګه والو ترمنځ په سوداګریزې پراختیا او ګډو پانګه اچونو تفاهم رامنځته شي.

 

ښاغلي سرګي د لیدنې په اړه خوښي څرګنده کړه او د روسيې سوداګرۍ اتاق او د افغانستان د سوداګرۍ او پانګونې اتاق او د دواړو هېوادونو د سوداګریزو او اقتصادي اړیکو د غښتلیتا ډاډ ورکړ او ژمنه يې وکړه چې که چیرې دوی ته په افغانستان کې، د روسيې سوداګرو او پانګه والو د امنیت ډاډ ورکړل شي، دوی به روسي سوداګر او پانګه وال وهڅوي څو په افغانستان کې پانګونه وکړي.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند روسيې ته د خپل کاري سفر په جریان کې، د کریمیا په چارو کې د روسيې ولسمشر دایمي استازي ښاغلي لیونید ولادمیرمیرونوف سره د لیدنې په ترڅ کې، د سوداګریزو موضوعګانو او د خوراکي او نفتي موادو د وارداتو په اړه خبرې اترې وکړې.

 

د اتاق د عامل پلاوي مالي او اداري مرستیال ښاغلي میرویس هوتک او په مسکو کې میشت افغان سفیر ښاغلي جمال ناصر غروال په ملتیا په سینټ پیټرزبورګ کې یاده ناسته ترسره او ښاغلي مهمند اوړو، غنمو، غوړیو او نفتي موادو ته د افغانستان د خلکو اړتیاوو او همدارنګه د سوداګریزو توکو د ټرانزیټ په اړه خبرې وکړې او د دواړو هېوادونو سوداګرۍ پراختیا او سوداګرو ته د لازمو آسانتیاوو رامنځته کولو غوښتنه وکړه.

 

ښاغلي میرونوف د لازمو آسانتیاوو رامنځته کولو برخه کې، د همکارۍ خبر ورکولو ترڅنګ، ژمنه وکړه چې په ناسته کې مطرح شوي موضوعات به د روسيې سوداګرۍ اتاق سره شریک او د سوداګرۍ پراختیا او د داړو هېوادونو ترمنځ د سوداګریزو اړیکو د ښه والي په برخه کې به خپلې هیڅ ډول مرستې ونه سپموي.