د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند، د اتاق سوداګریزو چارو مرستیال ښاغلي خیرالدین مایل احمدي، د اتاق دالانشاء رئیس ښاغلي خان محمد سرفراز باز، د اتاق مدیره پلاوي غړو هر یو ښاغلي خان جان الکوزي او احمد ضیاء عظیمي شینوزاده، د عامل پلاوي سرپرست رئیس ښاغلي میرویس هوتک، د اتاق عامل پلاوي تخنیکي او پالیسي مرستیال ښاغلي محمد انور عارفي، د کابل سوداګرۍ اتاق مشرتابه پلاوي غړو او د افغانستان د صرافانو سرتاسري اتحاديې غړو د مرکزي اتاق کنفرانسونو په تالار کې د جوړې شوې غونډې په ترڅ کې، د صرفانو سرتاسري اتحاديې نوي رئیس ته د مباکۍ ویلو ترڅنګ، د پخواني رئیس د هڅو ستاینه وکړه.
 
ښاغلي مهمند د دې اتحادیې مسؤلینو ته د ښه راغلاست پرمهال د پولي ثبات، سوداګرۍ په پراختیا او د هېواد د اقتصاد په وده کې د صرافانو رول مهم وګاڼه او د دې اتحادیې له ټولو مسوولینو یې وغوښتل چې د سوداګرو د پیسو لیږد برخه کې لا ډیرې آسانتیاوې رامنځته کړي.  

ښاغلي مایل د دې اتحادیې د ټاکنو او نوي مشرتابه ته د بریا مبارکي وویله او د هېواد له خصوصي سکتور سره یې د دغه سکتور د خدمتونو ستاینه وکړه. نوموړي له دې اړین او مهم صنف سره د اتاق د هراړخیزو همکاریو ډاډ ورکړ.

ښاغلي خان محمد سرفراز باز او خان جان الکوزي هم د دی اتحاديې فعالیتونه وستایل او د افغانیو د ارزښت د ثبات او ساتنې، د اقتصادي ودې او د پیسو د انتقال لپاره د اسانتیاوو په رامنځته کولو کې د دغې اتحادیې دنده او کړنې اړینې وبللې.

د صرافانو اتحاديې ویاند ښاغلي عبدالرحمن ځیرک په هېواد کې د سوداګرو او پانګوالو د ستونزو د حل برخه کې د افغانستان د سوداګرۍ او پانګونې اتاق هڅې وستایلې او هېوادوالو ته د ښو خدماتو وړاندی کولو برخه کې يې د صرافانو صنف د هڅو ډاډ ورکړ.

دوشنبه، تلې ۳مه، ۱۴۰۲

محترم محمد یونس مهمند معاون اول هیات مدیره اتاق تجارت و سرمایه گذاری افغانستان، در حضور داشت محترمان: میرویس هوتک سرپرست ریاست هیات عامل و محمد انورعارفی معاون پالیسی و تخنیکی هیات عامل اتاق، پیرامون انتقال جلغوزه به کشور های منطقه نشستی را با نمایندگان شرکت های هوایی و صادرکنندگان جلغوزه برگزار کرد.

آقای مهمند، جلغوزه را در افزایش صادرات و اقتصاد کشور مهم خوانده، روی تعهد و همکاری های دوجانبه میان صادرکنندگان و شرکت های هوایی تاکید ورزید. وی، از تاجران کشور خواست تا در قسمت صادرات معیاری جلغوزه توجه لازم نمایند.

تاجران صادر کننده، روی مشکلات شان صحبت نموده و به ایجاد تسهیلات بیشتر در صدور سرتفکیت، دریافت مارکیت های بدیل و انتقال مستقیم صادرات جلغوزه به مارکیت های منطقه تاکید نمودند. آنان خواهان همکاری همه جانبه اتاق در زمینه حل مشکلات شان گردیدند.

سه شنبه ، ۲۸ سنبله، ۱۴۰۲

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د مدیره پلاوي دارالانشاء رئیس ښاغلي خان محمد سرفراز باز، د اتاق مدیره پلاوي غړو هر یو ښاغلي خان جان الکوزي او احمد ضیاء عظیمي شینوزاده، د اتاق عامل پلاوي سرپرست ښاغلي میرویس هوتک، د کابل اتاق سوداګریزو چارو مرستیال ښاغلي همایون خواجه زاه، د افغان – پاک ګډ اتاق اجرائیوي رئیس ښاغلي نقیب الله صافي او د هېواد یو شمیر سوداګرو او پانګوالو د افغانستان لپاره د پاکستان د ځانګړي استازي ښاغلي آصف خان دراني او د افغانستان لپاره د پاکستان سفیر ښاغلي عبیدالله نظاماني سره د پاکستان په سفارت کې لیدنه ترسره، او د دواړو خواو ترمنځ د سوداګرۍ او ټرانزیټ په ستونزو يې خبرې اترې وکړې.

ښاغلي مهمند د پاکستان ځانګړي استازي ته ښه راغلاست ویلو ترڅنګ، د پاکستان په بندرونو کې یې د افغان سوداګرو د مالونو د ټرانزیټي ستونزو یادونه وکړه او د پاکستان له مشرتابه یې وغوښتل چې د افغان سوداګرو پر وړاندې د پرتو خنډونو په لرې کولو کې همکاري وکړي.
هغه له دغه هېواد څخه د افغان سوداګرو لپاره د پاکستان په کراچۍ بندر او نورو بندرونو کې د لازمو اسانتیاوو پر رامنځته کولو ټینګار وکړ.

ښاغلي خان جان الکوزي په افغانستان کې د سوداګرۍ او پانګونې په برخه کې د شته فرصتونو په ځانګړې توګه د هېواد د کانونو په سکتور کې د شته فرصتونو د تشریح کولو په ترڅ کې د دوه اړخیزې سوداګرۍ او پانګونې په برخه کې د شته ستونزو یادونه وکړه او زیاته يې کړه "د هېواد د صادراتي جوپو فزیکي پلټنه، د قرنطین د ادارې نوي شرایط، افغان سوداګرو ته د پاکستان د سوداګریزو ویزو د ورکړې ستونزې او د اومو موادو د انتقال په برخه کې ستونزې د دواړو هېوادونو ترمنځ د سوداګرۍ پر وړاندې له عمده مسایلو ګڼل کیږي.
نوموړي د ټرانسپورټي ستونزو په ځانګړي ډول د غلام خان بندر په برخه کې د لازمو اسانتیاوو او د روغتیا په برخه کې د اسانتیاوو پر رامنځته کولو او یو شمېر نورو مسایلو ټینګار وکړ.

ښاغلي آصف خان دراني د افغانستان د سوداګرۍ او پانګونې اتاق د مشرتابه له خبرو اورېدلو وروسته ژمنه وکړه چې په یادو برخو کې به شته ستونزو ته د حل لارو پیداکولو په موخه به لا زیاتې هڅې ترسره او د پاکستان له اړوندو ادارو سره په شریکه به ورته د حل مناسبې لارې چارې ولټوي.  

محترم عبیدالله نظاماني د سوداګرۍ په برخه کې د لازمو تدابیرو نیولو او افغان سوداګرو ته د سوداګریزو ویزو د ورکړې په برخه کې د خپلو هڅو ډاډ ورکړ او له افغان سوداګرو یې وغوښتل چې خپل ټول وړاندیزونه په لیکلي ډول د دغه هېواد سفارت ته وسپاري.

په دې غونډه کې د مرکزي اتاق سربیره، د کابل، کندهار، ننګرهار او خوست اتاقونو مشرتابه هم ګډون کړی و.

شنبه، تلې ۱، ۱۴۰۲

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند په داسی حال کې چې، د مدیره پلاوي غړي ښاغلي خان جان الکوزي او د اتاق عامل پلاوي سرپرست رئیس ښاغلي میرویس هوتک هم حضور درلود، د افغانستان لپاره د ترکيې له قونسل ښاغلي امره قبیل سره لیدنه ترسره او د دواړو هېوادونو ترمنځ د سوداګرۍ بهیر چټکتیا او د افغان سوداګرو ستونزو حل په اړه يې خبرې اترې وکړې.

ښاغلي مهمند ښاغلي امره ته د ښه راغلاست پرمهال د افغانستان اوسنی وضعیت د سوداګرۍ د پراختیا او ګډو پانګونو لپاره ښه فرصت وباله. هغه د افغانستان او د سیمې د هېوادونو ترمنځ د سوداګرۍ او پانګونې د اړیکو پر پراختیا هم ټینګار وکړ.

د اتاق مدیره پلاوي لومړي مرستیال د ویزو د ورکړې په برخه کې د اسانتیاوو نشتوالی د افغان سوداګرو او پانګوالو یوه لویه ستونزه وبلله او په دې برخه کې یې د ښاغلي امره د هر اړخیزې همکارۍ غوښتنه وکړه.

ښاغلي الکوزي په افغانستان کې د پانګونې د فرصتونو او همدارنګه د سیمې او نړۍ له هېوادونو سره د سوداګرۍ د پراختیا لپاره د مناسبو شرایطو یادونه وکړه او په افغانستان کې یې د ترکي سوداګرو د قانوني ستونزو د حل په موخه د اتاق د همکارۍ ډاډ ورکړ.

ښاغلي امره د افغانستان د سوداګرۍ او پانګونې اتاق د مشرتابه له خبرو اورېدو وروسته د افغان سوداګرو د ویزې د ستونزو د حل او په افغانستان کې د ترکي سوداګرو پانګونې ته د هڅولو په برخه کې د خپلې هر اړخیزې همکارۍ ډاډ ورکړ.

دوشنبه، وږي ۲۷مه، ۱۴۰۲

د افغانستان د صرافانو سرتاسري اتحاديې ټاکنې د سوداګرۍ او صنعت وزارت سرپرست، د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د اتاق مدیره پلاوي سوداګریزو چارو مرستیال ښاغلي خیرالدین مایل احمدي، د اتاق مدیره پلاوي درالانشاء رئیس ښاغلي خان محمد سرفراز باز، د مدیره پلاوي غړي ښاغلي خان جان الکوزي، د حکومت لوړ پوړو چارواکو، د کابل امنیه قوماندان، صرافانو او سوداګرو په حضور کې، په کابل انتر کانتننتال هوټل کې ترسره شوې.

ښاغلي مهمند د ټاکنو د امنیت د تامین په برخه کې د امنیتي مسؤلینو د هلو ځلو ستایلو ترڅنګ، د رڼو ټاکنو له لارې د دې اتحادیې د نوي رئیس بهرام خان ځدراڼ او غړو د ټاکل کېدو مبارکي وویله، همدارنګه د دې اتحادیې د مشرتابه او پخوانیو غړو له هڅو یې مننه وکړه.
نوموړي ټاکنې د وړ او با استعداده کسانو د ټاکلو لپاره اساسي اصل وباله او د دې اتحادیې له نوي مشرتابه یې وغوښتل چې د هېواد صرافانو ته د ورته خدمتونو په وړاندې کولو کې لا زیاتې هڅې وکړي.

ښاغلي مهمند د هېواد د پولي ارزښت په ثبات کې د صرافانو رول مهم وباله او له هغوی یې وغوښتل چې د خلکو د خدمت په برخه کې د خپلو مسوولیتونو په درک کولو سره لا زیات کار وکړي.
نوموړي دغه راز د هېواد د صرافانو له خوا د یوه ګډ بانک پر جوړېدو ټینګار وکړ.

پنجشنبه، وږي ۳۰مه، ۱۴۰۲