د افغانستان د سوداګرۍ او پانګونې اتاق مدیره پلاوي دریمې دورې دوه ویشتمه ناسته د اتاق د عمومي رئیس ښاغلي توکل احمدیار په مشرۍ او د مدیره پلاوي لومړي مرستیال ښاغلي محمد یونس مهمند، د مدیره پلاوي سوداګریز مرستیال ښاغلي خیرالدین مایل احمدي، د مدیره پلاوي خدماتي مرستیال ښاغلي نصیر احمد عرب، د اتاق د دارالانشاء رئیس ښاغلي خان محمد سرفراز باز، مالي رئیس ښاغلي شیرین آغا سخي، د نړیوالو اړیکو رئیس ښاغلي انجنیر سید جاوید برهان، د مدیره پلاوي غړیو هر یو ښاغلي خان جان الکوزي، آذرخش حافظي، عصمت الله وردګ، ذکریا بریالي، محمد داود یوسفزي، محمد ګردیزي، سید پرویز سادات هوفیاني، جان آقا صادقي، ضیاءالدین اچکزي، بهادر خیرخواه، احمد شکیب احمدیار او احمد ضیاء عظیمي شینوزاده، د څارنې پلاوي منشي ښاغلي عبدالمتین قلندري او د اتاق عامل پلاوي سرپرست ښاغلي میرویس هوتک په ګډون د افغانستان د سوداګرۍ او پانګونې اتاق مدیره پلاوي په دفتر کې ترسره شوه.

په اجنډا کې شاملې موضوعګانې، د اجرائیه کمېټې یو ویشتمې ناستې مصوبات او صورت جلسې لاسلیک ګډون والو ته د ښاغلي خان محمد سرفراز باز لخوا وړاندې کړی شول.  

ورپسی د عامل پلاوي سرپرست ښاغلي میرویس هوتک د عامل پلاوي راپورونه د ناستې ګډونوالو ته وړاندی کړل او د مدیره او عامل پلاوو وړاندیزونو په اړه تر هر اړخیز بحث وروسته، لازمې پریکړې ونیول شوې.

یکشنبه، وږي ۱۳ مه، ۱۴۰۲

افغان خصوصي سکتور ته د سوداګرۍ نړیوالې ادارې په اړه د عامه پوهاي پروګرام د اتاق مدیره پلاوي غړي ښاغلي احمد ضیاء عظیمي شینوزاده، د اتاق عامل پلاوي سرپرست رئیس ښاغلي میرویس هوتک، د افغانستان د سوداګرۍ سازمان رئیس ښاغلي عبدالوکیل مسلم، د اتاق د مختلفو ډيپارټمنټونو مسؤلینو او یو شمیر سوداګرو او پانګوالو په حضور کې ترسره شو.
 
ښاغلي احمد ضیا عظیمي شینوزاده د افغانستان د سوداګرۍ او پانګونې اتاق د هېواد د ټولو سوداګرو او پانګوالو ګډ کور وباله او د خصوصي سکتور د خبرتیا او د سوداګرو د ستونزو د حل په برخه کې یې د دا ډول پروګرامونو د جوړولو غوښتنه وکړه او د سوداګرو څخه وغوښتل چې د دې سازمان ویب پاڼه کاروي.

ښاغلي میرویس هوتک په دغه پروګرام کې ښاغلي مسلم او ټولو سوداګرو او پانګوالو ته د ښه راغلاست په ترڅ کې د افغانستان د سوداګرۍ او پانګونې اتاق د فعالیتونو په اړه هر اړخیز معلومات وړاندې کړل او ویې ویل "افغانستان هر کال شاوخوا ۴۵ زره امریکایي ډالره د سوداګرۍ سازمان (WTO) غړیتوب فیس تادیه کوِي.
نوموړي د هېواد په ولایتونو او ولسوالیو کې د سوداګرو د خبرتیا او د هغوی د سوداګرۍ په بهیر کې د اسانتیاوو د رامنځته کولو لپاره د ورته پروګرامونو په جوړولو ټینګار وکړ.

ښاغلي عبدالوکیل مسلم په دغه پروګرام کې برخه والو سوداګرو او پانګوالو ته د سوداګرۍ نړیوالې ادارې د تاریخ، اهدافو، صادراتو، وارداتو، د تعرفو د نشتوالي، د سوداګرۍ د بهیر د ګړندي کولو د اسانتیاوو، د دغه سازمان د پالیسۍ، د دغه سازمان د همکاریو د تړونونو، هېوادونو ته د صادراتو د اعتبار او د دغه سازمان اړوند نورو مسایلو په اړه د معلوماتي پریزنټیشن په ترڅ کې مفصل معلومات وړاندې کړل.

چهارشنبه، وږي ۸ مه، ۱۴۰۲

د ۱۴۰۲ لمریز کال په لومړۍ نیمایي کې، د افغانستان د سوداګرۍ د وضعیت د سروې پایلې چې د افغانستان د سوداګرۍ او پانګونې اتاق د پالیسۍ او سوداګرۍ د پراختیا خدمتونو ډيپارټمنټ لخوا ترتیب او په لاره اچول شوې وه چې په کې، د اتاق د مدیره پلاوي غړي ښاغلي خان جان الکوزي، د اتاق عامل پلاوي سرپرست رئیس ښاغلي میرویس هوتک، د اتاق حقوقي سلاکار ښاغلي عبدالسلام کوهي، یو شمیر سوداګرو او پانګوالو او د اتاق د مختلفو ډیپارټمنټونو مسؤلینو په حضور کې، د اتاق د کنفرانسونو په تالار کې اعلان شوې.

ښاغلي خان جان الکوزي په دغه پروګرام کې ګډون کوونکو سوداګرو او پانګوالو ته د ښه راغلاست په ترڅ کې د یادې سروې د پیل په برخه کې د عامل پلاوي له هڅو څخه خوښي څرګنده کړه او په راتلونکي کې یې د هر اړخیزې سروې په پیلولو ټینګار وکړ.

ښاغلي میرویس هوتک د افغانستان د سوداګرۍ او پانګونې اتاق د خصوصي سکتور ملاتړې اداره وبلله او ویې ویل "له نېکه مرغه د افغانستان د سوداګرۍ او پانګونې اتاق مسوولینو په پنځو زونونو او پنځو سکتورونو کې چې ساختماني، تولید، سوداګرۍ، کرنې او امنیت په برخه کې سروې کړې ده او هغه شمیرې او ارقام يې راټول کړي چې په هیواد کې د عمومي وضعیت د ښه والي ښکارندويي کوي.

ياده شوې سروې د پالیسۍ او سوداګرۍ پراختیا خدمتونو سرپرست آمر ښاغلي عین الله صافي له لوري د معلوماتي او مفصل پريزنټېشن په ترڅ کې ټولو سوداګرو او پانګوالو ته وړاندې شوه. د وړاندې شوې سروې او د هغې د جزیاتو په اړه د ګډون کوونکو سوداګرو پوښتنو ته د اتاق د مشرتابه او عامل پلاوي مسؤلینو له خوا د قناعت وړ ځوابونه ورکړل شول.

یکشنبه، وږي ۱۲مه، ۱۴۰۲

د افغانستان د سوداګرۍ او پانګونې اتاق څارنې پلاوي ۱۲مه ناسته د څارنې پلاوي رئيس ښاغلي عبدالحامد حمیدي تر مشرۍ لاندی او د یاد پلاوي منشي ښاغلي عبدالمتین قلندري او غړي ښاغلي محمد ناصر صمیم په ګډون په یاد دفتر کې ترسره شوه.

په آجنډا کې شته موضوعګانې د ښاغلي عبدالمتین قلندري لخوا د ناستې ګډونوالو ته وړاندی او د امام ابو حنیفه (رح) دویم ملي او نړیوال نندارتون، مالي، تشکیلاتي او یو شمیر نورو مسایلو په اړه مفصلې خبرې وشوې او په اړه يې لازمې پریکړې ونیول شوې.

چهارشنبه، وږي ۸ مه، ۱۴۰۲

د افغانستان د سوداګرۍ او پانګونې اتاق عمومي رئیس ښاغلي توکل احمدیار د اتاق مدیره پلاوي لومړي مرستیال ښاغلي محمد یونس مهنمد، د اتاق دارالانشاء رئیس ښاغلي خان محمد سرفراز باز، د مدیره پلاوي غړي ښاغلي خان جان الکوزي او د عامل پلاوي سرپرست رئیس ښاغلي میرویس هوتک په حضور کې، د ترکيې د بهرنیو چارو پخواني وزیر او د اسام ادارې له اوسني رئیس ښاغلي موسی سردار سلیبي سره لیدنه ترسره، او د سوداګریزو اړیکو پراختیا، پانګونې او د ویزو د صدور برخه کې د لازمو آسانتیاوو رامنځته کولو په اړه يې خبرې اترې وکړې.

ښاغلي احمدیار د اتاق مرکزي دفتر ته د ترکیې د بهرنیو چارو پخواني وزیر او د اسام ادارې اوسني رئیس هرکلی وکړ او د ترکیې او افغانستان ترمنځ یې د ډېرو ښو او دوستانه اړیکو یادونه وکړه. هغه د سوداګرۍ او پانګونې بهیر ګړندۍ کول د دواړو هېوادونو په ګټه وګڼل او د اسام ادارې له رئیس څخه یې وغوښتل چې ترکي سوداګر وهڅوي چې له افغان سوداګرو سره ګډې پانګونې وکړي.

ښاغلي محمد یونس مهمند ښاغلي موسی ته د افغانستان د سوداګرۍ او پانګونې اتاق فعالیتونه او لاسته راوړنې تشریح کړې او له ترکیې څخه یې له افغان سوداګرو سره د هراړخیزو همکاریو په ځانګړې توګه د ویزو په ورکړه کې مننه وکړه.
نوموړي ترکیې ته د خپل وروستي سفر په اړه معلومات ورکړل او د دواړو هېوادونو ترمنځ یې د سوداګرۍ پر پراختیا ټینګار وکړ.

ښاغلي خان جان الکوزي ترکیه د ګډو دیني او کلتوري ارزښتونو په لرلو سره د دوست هېواد په توګه یاده کړه او د اسام ادارې له رئیس څخه یې وغوښتل چې د دواړو هېوادونو ترمنځ د سوداګرۍ او پانګونې په برخه کې د لازمې همغږۍ په رامنځته کولو کې همکاري وکړي.

د اسام ادارې رئیس د افغانستان د سوداګرۍ او پانګونې اتاق د مشرتابه د خبرو له اورېدو وروسته، په تېرو دوو کلونو کې د دواړو هېوادونو ترمنځ د سوداګرۍ او پانګونې د اړيکو د پياوړتيا په برخه کې د اتاق له هڅو څخه خوښي څرګنده کړه او د ګډو پانګونو په رامنځته کولو او سوداګرۍ پراختیا برخه کې يې د دواړو لورو په لا زیاتو هڅو ټینګار وکړ.

یکشنبه، وږي ۱۲مه، ۱۴۰۲