د افغانستان د سوداګرۍ او پانګونې اتاق سوداګریز مرستیال او د ګل اغا پرواني خیریه بنسټ مشرښاغلي خیرالدین مایل احمدي په ننګرهار ولایت کې د وروستیو طبیعي پېښو له امله له ۲۸۰ زیانمنو شویو کورنیو سره د خوراکي توکو مرسته په داسې حال کې چې د ننګرهار مقام مرستیال، د ننګرهار د سوداګرۍ اتاق مدیره پلاوي غړي هریو ښاغلي ګل مرادعرب، مصطفی رحیمي، رئیس خان اقبال او عبدالولي بابکرخیل هم شتون درلود وویشل.

ښاغلي مایل احمدي، د دغه طبیعي پېښو له قربانیانو او کورنیو سره د خپلې خواخوږۍ د څرګندولو په ترڅ کې د هېواد له ټولو سوداګرو اوخیریه بنسټونو څخه وغوښتل چې په داسې حالاتو کې د خپلو هېوادوالو سره مالي او خوراکې مرستې ګړندۍ کړی، نوموړي د ګل اغا پرواني خيريه بنسټ له لوري په دغه ولايت کې هرې زيانمنې کورنۍ ته له ٥٠٠٠ څخه تر ٥٠٠٠٠ افغاني نغدي پیسې او خوراکي توکو مرسته ياده کړه.

د ولایت مرستیال، د هېواد له خصوصي سکتور په ځانګړې توګه د افغانستان د سوداګرۍ او پانګونې اتاق له سوداګریز مرستیال څخه د ننګرهار ولایت د وروستي ناورین له قربانیانو سره د مالي او خوراکي توکو د مرستې او د همکارۍ له امله مننه وکړه او د هېواد د خصوصي سکټور د نورو غړو د مرستی رسولو ویش په دغه ولایت کې زیانمنو هېوادوالو ته ډاډ ورکړ.

دوشنبه، زمری ۱، ۱۴۰۳

د ترکیې د اقتصادي ټولنې لخوا د افغانستان او ترکیې د سوداګرو او پانګوالو ترمنځ د سوداګریزو اړیکو غونډه په داسې حال کې چې د افغانستان د سوداګرۍ او پانګونې اتاق لمړي مرستیال ښاغلي محمد یونس مهمند، د اتاق د مدیره پلاوي غړو هر یو ښاغلي خانجان الکوزي او بهادر خیرخواه د اتاق عامل پلاوي مالۍ او اداري مرستیال ښاغلي میر زمان پوپل، د ترکیې د اقتصادي ټولنې رئیس ښاغلۍ حسین اکچا او د دواړو هیوادونو سوداګرو او پانګوالو هم ګډون درلود، د پانګې اچونې فرصتونو پیژندلو او سوداګریزو اړیکو پراختیا لپاره ترسره شوي.

ښاغلي محمد یونس مهمند، د ترکیې د سوداګریز پلاوي ته ښه راغلاست ویلو ترڅنګ د ترکیې هیواد له سفارت او له اقتصادي ټولنې څخه د افغانستان له خصوصي سکټور سره د همکارۍ له امله مننه وکړه او د ترکیې هېواد یې د افغانستان دوست ورور او د دیني او فرهنګي ارزښتونو په درلودلو سره وګنل.

ښاغلي مهمند، له ترکیې سره د سوداګریزو اړیکو پر ښه کولو، ټرانزیټ او د ګډې پانګونې پر رامنځته کولو ټینګار وکړ او د هغه هېواد له سوداګرو یې وغوښتل چې اوسنیو فرصتونو ته په کتو سره په کانونو او په ځانګړي ډول د افغانستان د ډبرو سکرو په برخه کې پانګونه وکړي.

د اتاق لومړي مرستيال د دواړو هېوادونو ترمنځ د سوداګريزو اړيکو پراختيا ارزښتناکه وبلل او د دغه هېواد د خصوصي سکټور له غړو يې وغوښتل، چې ترکيې ته د افغانستان د ډبرو سکرو د صادراتو او د دواړو هېوادونو ترمنځ د سوداګرۍ د انډول د زياتوالي په برخه کې لا زياتې هڅې وکړي.

محترم حسین اکچا، د یادې ټولنې په تړاو زیاته کړه چې د ترکیې اقتصادي ټولنه هڅه کوي چې د دواړو هېوادونو د خصوصي سکتور فرصتونه او ننګونې په ګوته کړي، هغه په راتلونکي کې هم د ورته غونډو په جوړولو ټینګار وکړ.

ښاغلي هاشمي، فغانستان ته د ترکيې د خصوصي سکتور د غړو سفر د دواړو هېوادونو د اقتصادي پياوړتيا په برخه کې ستر ګام وباله او په افغانستان کې يې په بېلابېلو برخو کې پانګونې ته د ترکي سوداګرو د هڅونې په برخه کې د خپلې همکارۍ ډاډ ورکړ.

پنجشنبه، چنګاښ ۲۸مه، ۱۴۰۳

د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند، په داسی حال کې چې، د اتاق عامل پلاوي پالیسۍ او تخنیکي مرستیال ښاغلي محمد انور عارفي، د اتاق سلاکار محمد امید حیدري او ملي سوداګر ښاغلي ځدران ناصري یې ملتیا کوله، د کابل ولایت د فرزه ولسوالۍ کې د سپین چهر سړې خونې او تازه میوو بڼونو څخه لیدنه وکړه او د دوی ستونزې یې واورېدې.

باغ لرونکو خپلې ستونزې د معیاري کیمیاوي سرې، د میوو د ونو لپاره د معیاري درملو د نشتوالي، او د معیاري سړکونو د نشتوالي په برخه کې بیان کړې او د اتاق له لومړي مرستیال څخه یې غوښتنه وکړه چې ستونزې یې د حکومت اړوندو ادارو سره شریکې کړي او د باغ لرونکو ستونزو حل برخه کې ورسره مرسته وکړي.

حاجي فیض الرحمن، د سپین چهر سړې خونې په اړه تفصیلي معلومات وړاندې کړل او زیاته یې کړه: یاده سړه خونه په څلور جریبه ځمکه کې د شپږ لویو یخچال لرونکو سالونونو سره جوړه شوې او په هغې باندې دوه ملیونه ډالر پانګونه شوې ده، چې خدمات یې د نړیوالو معیارونو سره برابر دي او په یو وخت کې د ۲۰۰۰ ټنه تازه میوو د ساتلو ظرفیت لري. هغه د سړې خونې عمده ستونزه د کابل ښاروالۍ له خوا د دویم پوړ ودانۍ د جوړولو د اجازې نشتوالی یاد کړ او د اتاق له مشرتابه یې وغوښتل چې د اړوندو حکومتي ادارو سره په همغږۍ کې د دې ستونزې په حل کې مرسته وکړي.

ښاغلي مهمند، د سپین چهر سړې خونې د رئیس او مسوولینو د ستونزو او کاري پلانونو تر اورېدو وروسته، په هېواد دننه په ځانګړې توګه د کرنې د میکانیزه کولو په برخه کې د دوی د لویو پانګونو ستاینه او قدرداني وکړه او د داسې لویو سړو خونو رول یې د هېواد په اقتصادي وده او د کار موندنې په برخه کې مهم وباله.

ښاغلي مهمند، د کرنې سکتور لپاره د داسې سړو خونو جوړول اساسي اړتیا وبلله او له هېوادوالو او حکومت څخه یې وغوښتل چې د هېواد اقتصادي ودې او کرنې د پرمختګ لپاره په خپلو محافلو او غونډو کې د داخلي تولیداتو څخه استفاده وکړي.
نوموړي په نږدی راتلونکي کې د یادې سړې خونې د پرانیستې خبر ورکړ.

همدارنګه، ښاغلي مهمند، د صادراتو په پراختیا او د هېواد د اقتصادي ودې لپاره د معیاري سړو خونو جوړول مهم وبلل او د پانګونې د اسانتیاوو په برخه کې یې د اتاق د هر اړخیزې همکارۍ ډاډ ورکړ.

د سوداګرۍ اتاق لومړي مرستیال، د فرزه ولسوالۍ له باغ لرونکو سره د لیدنې او د دوی د ستونزو د اورېدو پر مهال، ژمنه وکړه چې د دوی ستونزې به د حکومت له اړوندو مسوولینو سره شریکې کړي او د حل لپاره به یې هر ډول اړینه مرسته وکړي

چهارشنبه، چنګاښ ۲۸مه، ۱۴۰۳