ښاغلي میرزمان پوپل د افغانستان د سوداګرۍ او پانګونې اتاق د عامل پلاوي مالي او اداري مرستیال سرپرست، د ښاغلي زربت خان ستانکزي د لوګر سوداګرۍ او پانګونې اتاق مالي رئیس او د هیواد د سوداګرو او صنعتکارانو په ملتیا، په ۲۸مه کونمنګ چین نندارتون او د سویلي آسیا هیوادونو په ۱۷مه سوداګریزه غونډه کې ګډون وکړ او د افغان سوداګرو غرفو څخه چې خپل تولیدي محصولات یې په یاد نندارتون کې نندارې ته وړاندې کړي وو، لیدنه وکړه.

دا نندارتون د جولای ۲۳مې نیټې څخه په کونمنګ چین کې د ۷ ورځو لپاره ترسره کیږی. په یاد نندارتون کې افغان سوداګرو خپل تولیدي محصولات په ځانګړي ډول: غالۍ، وچه میوه، زعفران، افغاني لباسونه او قره قل په ۷۶ غرفو کې د اوو ورځو لپاره نندارې ته وړاندې کړي دي.

چهارشنبه، ۳ اسد ۱۴۰۳

ښاغلي خیرالدین مایل احمدي د افغانستان د سوداګرۍ او پانګونې اتاق سوداګریز مرستیال، د ښاغلي میرزمان پوپل د مالي او اداري مرستیال سرپرست، د نړیوالو اړیکو او د سوداګرۍ پراختیا د ډیپارټمنټونو مسوولانو په شتون کې، له یو شمیر هغو سوداګرو سره چې د جنوبي آسیا سوداګریز نندارتون کې برخه اخلي، خبرې وکړې او د یاد نندارتون په اړه چې د روان کال د اګست ۲ نه تر ۴ پورې د سریلانکا په هیواد کې په لاره اچول کیږي، مفصل معلومات وړاندې کړل.

ښاغلي مایل احمدي، د ناستې ګډونوالو ته د ښه راغلاست ویلو تر څنګ، دا ډول نندارتونونه یې د افغاني محصولاتو د پیژندنې، د افغانستان د سوداګریزو اړیکو د ښه والی او د نړیوالو بازارونو ترلاسه کولو لپاره مهم وګڼل. هغه، له ټولو افغان سوداګرو چې پدې نندارتون کې ګډون کوي غوښتنه وکړه تر څو د لوړ کیفیت افغاني تولیدات نندارې ته وړاندې کړي.

سه شنبه، اسد ۹، ۱۴۰۳

ښاغلي محمد یونس مهمند د افغانستان سوداګرۍ او پانګونې اتاق لومړۍ مرستیال د ښاغلي خان جان الکوزي، او د حکومت لوړ پوړو چارواکو په شتون کې د کار ملی کنفرانس کې چې د کار او ټولنیزو چارو وزارت لخواه په لاره اچول شوۍ وو، ګډون وکړ.

ښاغلی مهمند، د حکومت مشرتابه څخه یې د دې کنفرانس په لاره اچولو مننه او ستاینه وکړه او د دندو په رامنځته کولو کې یې د افغانستان سوداګرۍ او پانګونې اتاق فعالیتونو په اړه معلومات وړاندې کړل، وویل: د سوداګرۍ اتاق د تیرو کلونو په ترڅ کې یې هڅه کړې ترڅو د اقتصادی ودې او د دندو په رامنځته کولو کې یې د هیواد ۱.۳ میلینوو ډیرو کسانو ته په بیلابیلو سکټورونو کې په ځانګړې توګه د غالیوو په سکټور کې د کار زمینه برابره کړي.

د اتاق لومړي مرستیال، افغانستان یې د بیلابیلو طبیعی سرچینو په لرلو سره، لکه: نفت، ګاز، لیتیم، مس، طلا، یاقوت او زراعتی مځکو وباله او د دندو په رامنځته کولو کې یې د دغو سرچینو استخراج مهم وګاڼه. هغه، د دغو سرچینو استعمال یې د بشری سرچینو پورې تړلې وبلله او د حکومت له مشرتابه څخه یې غوښتنه وکړه تر څو د انسانی سرچینو د ظرفیت په لوړولو کې عملی ګامونه پورته کړي.

ښاغلي مهمند، د هیواد د اوبو مدیریت یې د اقتصادی ودې او د محصولاتو د صادراتو په لوړوالي کې یې مهم وګاڼه، او د سړو خونو په جوړولو همدارنګه د زراعت په میکانیزه کولو کې له خصوصی سکتور سره یې د حکومت ملتیا، غوښتنه وکړه.

محترم مهمند، په ملی او نړیوالو بانکونو کې د خصوصی سکتور د پیسو منجمد کیدل او د پیسو په انتقال کې د آسانتیاوو نشتون یې د هیواد اقتصادی پراختیا لپاره لویه ضربه وګڼله او د نړیوالې ټولنې لخواه د افغان سوداګرو د بانکي شتمنیو د بیرته ورکولو غوښتنه وکړه.

چهارشنبه، ۳ اسد ۱۴۰۳