د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند او د کندهار د سوداګرۍ او پانګونې اتاق رئیس ښاغلي محمد صدیق مهمند، د کندهار اتاق مرستیال ښاغلي محمد ولي هوتک او د یاد ولایت ډیر شمیر سوداګرو او پانګوالو په ملتیا د افغانستان لپاره د ترکيې سفیر ښاغلي جیهاد ارګینای سره د کندهار د سوداګرۍ او پانګونې اتاق کې د لیدنې په ترڅ کې، د سوداګرۍ پراختیا، دواړو هېوادونو ترمنځ د ګډو پانګه اچونو او د افغان سوداګرو لپاره د لازمو آسانتیاوو برابرولو په اړه خبرې اترې وکړې.
ښاغلي محمد صدیق مهمند کندهار ولایت ته د ښاغلي ارګینای او ورسره پلاوي د سفر په ځانګړي ډول د دغه ولایت د سوداګرۍ او پانګونې اتاق څخه د لیدنې په اړه د ښه راغلاست ترڅنګ د دواړو هېوادونو ترمنځ د سوداګرۍ د پراختیا او د افغان سوداګرو لپاره د اسانتیاوو د رامنځته کولو په پار مننه وکړه او په کندهار کې يې د ترکیې د قونسلګرۍ د بیا پرانستلو غوښتنه وکړه.ښاغلي محمد یونس مهمند د ترکیې او افغانستان اوږدمهاله دوستانه اړیکو ته په اشارې سره په دغه ولایت کې د ترکیې د قونسلګرۍ د بیا پرانستلو په برخه کې د کندهار د سوداګرۍ اتاق د رئیس د غوښتنې په تايئدولو سره د کجکي بند د دویم فاز جوړولو کې د ترکیې له مرستو مننه وکړه.
ښاغلي مهمند ژمنه وکړه، چې که په کندهار کې د ترکيې قونسلګري بېرته پرانيستل شي، د دغه ولايت د سوداګرۍ اتاق به ورته رښتونې سوداګر وروپیژني. نوموړي د روغتیا په برخه کې د دواړو هېوادونو په ځانګړي ډول د کندهار ولایت د ډاکټرانو ترمنځ د تجربو او نظریاتو د تبادلې په برخه کې د نږدې همکارۍ غوښتنه وکړه او دغه راز یې ترکیې ته د پنبې د صادراتو په برخه کې د کندهار د سوداګرو چمتووالی هم یاد کړ.
ورپسې د کندهار ولایت د علماوو شورا رئیس محترم مولوي حبیب الله اغا صاحب او د دغه ولایت سوداګرو هم د دیني او فرهنګي اړیکو او همدارنګه د دواړو هېوادونو ترمنځ د سوداګریزو او اقتصادي اړیکو د پراختیا په اړه خبرې وکړې.
په پای کې، ښاغلي ارګینای د افغانستان د سوداګرۍ او پانګونې اتاق مشرتابه پلاوي او د کندهار ولایتي اتاق رئیس او په ناسته کې د نورو ویناوالو له وینا اوریدو او د کندهار سوداګرو د ملمه پالنې په تړاو د مننې کولو وروسته، ژمنه وکړه چې د سوداګرۍ پراختیا، په کندهار کې د ترکیې د قونسلګرۍ د پرانستلو، سوداګریزو ویزو صدور او د دواړو هېوادونو ترمنځ د ګډو پانګه اچونو په برخه کې به خپلې هیڅ ډول مرستې ونه سپموي.
په دې لیدنه کې د سوداګرۍ او پانګونې پر ستونزو او د هغه پر وړاندې پرتو خنډونو د لرې کولو، د پانګونې د جلبولو، د افغانستان د کنګل شویو پیسو پر خلاصون، د خصوصي سکټور پر ملاتړ او د ګډو همکاریو په اړه خبرې وشوې.
په دې غونډه کې د اسلامي هېوادونو د سوداګرۍ، صنایعو او کرنې اتاق رئیس ښاغلي شیخ عبدالله صالح د غونډې ګډونوالو ته ښه راغلاست ووایه او د اجنډا له پلي کېدو وروسته یې په کمېسیونونو کې دننه بحث پیل کړ او د نظرونو تبادله یې وکړه. البته په دغه غونډه کښې د تاتارستان اتاق د غړيتوب او د تايلند د مسلمانو سوداګرو د اتحاديې د اسلامي خونې د تفتيش موضوع د رايو په اکثريت سره تصويب شوه. دغه راز د اسلامي اتاق د غړو هېوادونو د هغو فعاليتونو او پروګرامونو ستاينه وکړه چې په تېرو څو کلونو کې د اسلامي اتاق د اجرائيوي بورد په مشرۍ پيل شوي دي.
ښاغلي وهاج په وروستیو کلونو کې د روغتیا سکتور د ودې او د خصوصي سکتور د رول په اړه په ځانګړې توګه د کرونا ویروس د خپریدو او په هیواد کې له بدلونونو وروسته چې ناروغان تل د ویزې او سفر له ستونزو سره مخ وو، خبرې وکړې او له اتاق څخه يې وغوښتل چې د روغتیا سکتور د ودې، د ناروغانو د ستونزو د حل او له حکومت سره د لا زیاتې همغږۍ په خاطر باید د خصوصي سکتور پلانونه او وړاندیزونه د عامې روغتیا وزارت سره د عامه او خصوصي مشارکت په موخه شریک شي.
ښاغلي مهمند روسیې ته د افغانستان د صادراتو د زیاتوالي او په ځانګړي ډول د ارزانه ترجیحي تعرفو په اړه د اتاق نظر څرګند کړ او ویې ویل چې د افغانستان په اوسنیو شرایطو کې د سویلي اسیا هېوادونو ته د روسي توکو د لېږد رالېږد اسانتیا رامنځته کولای شي.
ښاغلي مهمند د افغانستان او استرالیا د ګډ اتاق د غړو د خبرو له اورېدو وروسته وویل "د ګډ اتاق غړي باید هڅه وکړي چې د توکو د تبادلې په برخه کې اسانتیاوې رامنځته کړي چې د دواړو هېوادونو ترمنځ په مناسبه بیه دواړو هېوادونو ته تمام شي."