د هېواد یو شمیر سوداګرو د افغانستان د سوداګرۍ او پانګونې اتاق له مشرتابه سره د یوې ناستې په ترڅ کې څرګنده کړه چې د هېواد ځیني بانکونه دوی ته په وخت نغدې پیسې نه ورکوي، چې یاده چاره د دوی د سوداګرۍ برخه کې یو لړ ستونزې رامنځته کوي.
یادو سوداګرو د افغانستان د سوداګرۍ او پانګونې اتاق له مشرتابه څخه وغوښتل چې یادې ستونزې ته د حل لارې پیداکولو برخه کې له دوی سره مرسته او همکاري وکړي.
د افغانستان د سوداګرۍ او پانګونې اتاق مدیره پلاوي مالي رئیس ښاغلي شیرین آغا، د عامل پلاوي سرپرست رئیس ښاغلي شفیق الله عطايي، د مدیره پلاوي غړي ښاغلي ضیاءالدین اچکزي او د عامل پلاوي مالي او اداري مرستیال ښاغلي میرویس هوتک د سوداګرو ستونزو اوریدو وروسته، له دوی سره ژمنه وکړه چې د دوی ستونزې به د اړوندو ادارو سره شریکې او د له منځه وړلو برخه کې به يي خپلې هیڅ ډول مرستې ونه سپموي.
د ناستې ګډونوالو د سوداګرۍ او اقتصادي همکاریو د پراختیا په ځانګړي ډول د نفتو او ګازو، کرنې، خوراکي توکو، ساختماني موادو او د اوسپنې د استخراج په برخو کې خبرې وکړې او پر ګډو همکاریو یې ټینګار وکړ.
د ایکو سازمان د مدیره پلاوي ریاست او سکرتریت له هرو دریو کلونو وروسته، یو له غړیو هېوادونو ته چې افغانستان هم ددغه سازمان غړیتوب لري، انتقالیږي.
ښاغلي مایل احمدي د فساد او بیروکراسۍ د له منځه وړلو په برخه کې د مالیې وزارت د مشرتابه د وروستیو فعالیتونو ستاینې کولو ترڅنګ، د ګمرکي تعرفو او ګرځنده څارنې په برخه کې هغه ستونزې په ګوته کړې چې د سوداګرۍ لپاره خنډونه رامنځته کوي او د یادو ستونزو په له منځه وړلو کې يي د ماليي وزارت د همکارۍ غوښتنه وکړه.
ښاغلي احمدي د هېواد د سوداګرو د ستونزو حل په برخه کې د صنعت او سوداګرۍ وزارت د مشرتابه د دوامداره همکاریو ستاینه وکړه او د هېواد په بندرونو کې د سوداګرو د ځینو ستونزو په اړه د خبرو کولو ترڅنګ، يي د یادو ستونزو حل په برخه کې د یاد وزارت همکاري اړینه وبلله.