د افغانستان د سوداګرۍ او پانګونې اتاق د مدیره پلاوي لومړي مرستیال ښاغلي محمد یونس مهمند د افغانستان لپاره د ترکيې سفیر ښاغلي اوزان آرطغرل خدای پامانۍ په مراسمو کې ګډون وکړ.
ښاغلي مهند د ښاغلي آرطغرل څخه د دواړو هېوادونو اړیکو پیاړی کولو او د کندهار ولایت په ګډون یې افغان ولایتونو ته د سفر کولو ستاینه او مننه وکړه.
ښاغلي مهمند د ترکیې له سفیر څخه وغوښتل چې هغه پوهه او پیژندنه چې ده له افغانستان څخه لاسته راوړی ده، د لا زیاتې اقتصادي همکارۍ د رامینځته کولو او د دواړو هیوادونو تر منځ د اړیکو پراخولو او د ډیپلوماتیکو غونډو په ځانګړي ډول د هغه هیواد د بهرنیو چارو وزارت سره د لیدو لپاره هغه لاسته راوړنې او پوهه وکاروي.
ښاغلي آرطغرل د اتاق د مدیره پلاوي لومړي مرستیال ښاغلي محمد یونس مهمند سره په لیدنه خوښي څرګنده او زیاته يې کړه "دغه موده چې زه په افغانستان کې په خدمت بوخت وم په بیلابیلو سکتورونو کې د اړیکو رامینځته کولو یو ښه فرصت وو. او زه تمه لرم چې زما سپمونې د اړیکو د لا پیاوړتیا لپاره وکاروم.
په دغه غونډه کې چې پخپله د ګمرکونو او عوایدو معینیت د غوښتنې په اساس جوړه شوې وه، د افغانستان د سوداګرۍ او پانګونې اتاق عمومي رئیس ښاغلي توکل احمدیار د وروستیو اور لګیدنو په ځانګړې توګه د قلعه مراد بیک سیمه کې د اور لګیدنې په تړاو خبرې وکړی.
د اتاق عمومي رئیس زیاته کړه " سره ددی چي، په اسلام قلعه بندر او نورو ولایتونو کې د اور لګیدنو په اړه د حکومت پخوانیو څیړنو هیڅ کومه پایله نه درلوده، د کابل ښار په قلعه مرادبیک سیمه کې د اور لګیدنې په تړاو هیڅ یو ارګان ځواب ویلو ته چمتو نه دی." هغه زیاته کړه وروسته له هغه چې د هیواد د سوداګرو غږ وانه وریدل شو، دوی اړ شول چې د افغانستان د سوداګرۍ او پانګونې اتاق ته لاړ شي او په یوه خبري کنفرانس کې خپل غږ اوچت کړي. هغه ټینګار وکړ چې حکومت باید د سوداګرو د سوداګریزو توکو امنیت تامین کړي، د مختلفو زورواکو مخه ونیسي او د تیلو او مایع ګازو ټانکرونو لپاره جلا تم ځایونه په پام کې ونیسي.
په لومړي سر کې ښاغلي احمدیار د هېواد په ملي پروسو په ځانکړې توګه د استانبول سولې ناسته کې د خصوصي سکتور د رول او ارزښت په اړه خبرې وکړې او ورپسې بیا ښاغلي شیرباز کمین زاده او افسانې رحیمې د استانبول سولې ناستې او په اړه د ترسره شویو همغږیو په اړه خبرې اترې وکړې. 
ښاغلي احمدیار زیاته کړه چې یو شمیر ادارې داسې دي چې مسایل هيڅ په هغوی پورې اړه نه لري خو بیا هم سوداګرو ته مزاحمت کوي او د پیسو تقاضا تری کوي. برسیره پردی، د درنو جرمنو اداره د مڼو صادرات ودروي. د هغه په وینا، له یو ولایت څخه بل ولایت ته د ګمرک اسناد د باور وړ ندي او د سوداګرو د ځورید سبب ګرځي. هغه حکومتي چارواکو ته خبرداری ورکړ چې که د دوی غوښتنې ونه منل شي ، دوی به خپل لاریون ته دوام ورکړي او په ټول هیواد کې به د نفتي توکو عرضه او خدمات بند کړي.