د ملي تدارکاتو ریاست د عامه پوهاوي پروګرام د ملي پروژو په ترلاسه کولو کې د اسانتیاوو برابرولو، پانګونې ته د سوداګرو هڅولو او د خصوصي سکتور ملاتړ په موخه، د ښاغلي میرزامان پوپل د مالي او اداري مرستیال سرپرست، ښاغلي میرویس د ملي تدارکاتو ریاست د الکترونیکي سیستم د پراختیا مسوول، حقوقی سلاکار، مالي مفتش او د اتاق بیلابیلو دیپارتمنتونو، ولایتي اتاقونو مسوولینو او همدارنګه یو شمېر سوداګرو او پانګوالو په ګډون، د ملي تدارکاتو ریاست له خوا د اتاق په کنفرانس تالار کې ترسره شو.

ښاغلي میرزامان پوپل د دې غونډې ګډونوالو ته د ښه راغلاست ترڅنګ، د افغانستان د سوداګرۍ او پانګونې اتاق د هېواد د خصوصي سکتور یو مهم ملاتړی وباله او د ملي تدارکاتو ریاست په همکارۍ د لویو ملي پروژو په ترلاسه کولو کې د اتاق د همکارۍ ډاډ ورکړ. هغه له ټولو سوداګرو او پانګوالو وغوښتل چې د اعلان شوو پروژو شرایط په پام کې نیولو سره، په تدارکاتي پروسو کې ګډون وکړي.

ښاغلي میرویس، د ملي تدارکاتو ریاست د تخنیکي ټیم له خوا د خصوصي شرکتونو د ثبت او راجستر لپاره د الکترونیکي سیستم د جوړولو په اړه معلومات وړاندې کړل او له ټولو خصوصي شرکتونو یې وغوښتل چې په یاد شوي سیستم کې ځانونه راجستر کړي.

په پای کې، د ملي تدارکاتو ریاست تخنیکي ټیم د دې سیستم د جوړولو موخو، په شمول: د لویو شرکتونو د ملي پروژو په ترلاسه کولو کې سیالي، د قانون پلي کول او په پروژو کې روڼتیا تامینول، د ملي پروژو د پرمختګ څارنه، او هغو شرکتونو ته د اعلان شوو پروژو معلومات رسول چې په دې سیستم کې ثبت او راجستر شوي وي، په اړه معلوماتي پرزینټیشن ګډونوالو ته وړاندې کړ.

 

 

د افغانستان د سوداګرۍ او پانګونې اتاق د امام ابو حنیفه (رح) د دریم ملي او نړیوال نندارتون د غوره او شانداره جوړولو، د هیواد تولیدي محصولات معرفي کولو، پانګونې جذبولو، سوداګرو هڅولو او د هیواد د داخلي تولیداتو ملاتړ په موخه، خپله لومړنۍ مقدماتي ناسته د میرزمان پوپل د اتاق د مالي او اداري مرستیالۍ سرپرست، عبدالسلام کوهی حقوقي سلاکار، امانت خان ذمه وار مالي مفتش او د اتاق د بیلابیلو دیپارتمنتونو مسوولینو په ګډون د اتاق کنفرانسونو تالار کې ترسره کړه.

ښاغلي میر زمان پوپل د امام ابو حنیفه (رح) د دریم ملي او نړیوال نندارتون د غوره جوړولو په اړه ټینګار وکړ، د اتاق دیپارتمنتونو دندې او مسئولیتونه یې په دې برخه کې مشخص کړل او د خصوصی سکتور او بهرنیو ډونرانو ته د غوره خدمتونو وړاندې کولو په برخه کې اړیني لارښوونې د اتاق دیپارتمنتونو مسوولینو ته وړاندې کړې.

دغه نندارتون چې د تلې له ۱۵ څخه تر ۲۱ کال ۱۴۰۳ په ملي او نړیوال نندارتون مرکز چې د کابل ښار چمن حضوري کې واقع دی، جوړیږي، او بیلابیل تولیدي، تجارتي، خدماتي، زراعتي، صنعتي، معادن، ماشین آلات، ترانسپورت، لوژستیکي، ساختمان، او نور سکتورونه به خپل محصولات د اوو ورځو لپاره نندارې ته وړاندې کړي.

 

 

ښاغلي خیرالدین مایل احمدی، د افغانستان د سوداګرۍ او پانګونې اتاق سوداګریز مرستيال، په داسې حال کې چې ښاغلۍ جاشیم‌الدین، د سویلي آسیا د سوداګرۍ ټولنې رئیس، د سویلي آسیا هیوادونو او د چین د سیچوان ولایت استازو هم شتون درلود، په سریلانکا کولمبو ښار کې د سارک اتاق په درې اتیايمې اجرائيه کمیټې او اوه ويشتمې عمومی مجمع غونډه کې ګډون وکړ.

په دې غونډه کې د سارک غړو هیوادونو تر منځ د ګډو همکاریو، د سارک اتاق د تیرو کلونو فعالیتونو، د نندارتونونو تنظیم، د غړو هیوادونو لخواه په ملي او نړیوالو نندارتونونو کې د لویو شرکتونو معرفي کولو، کلني مصارف، د غړیتوب فیس کمولو، د راتلونکو کلونو کاري پلانونو، او د ۲۰۰۹ کال راهیسې په پاکستان اسلام آباد کې د سارک اتاق د ودانۍ جوړولو او پدې هکله د یوې کمیټې په رامنځته کولو په رابطه خبرې اترې وشوې.

 

 

د افغانستان د سوداګرۍ او پانګونې اتاق مدیره پلاوي شپږویشتمه ناسته د اتاق عمومي رئیس ښاغلي توکل احمدیار په مشرۍ او د اتاق لومړي مرستیال ښاغلي محمد یونس مهمند، د اتاق سوداګریز مرستیال ښاغلي خیرالدین مایل احمدي، د اتاق پانګه ایزو چارو مرستیال ښاغلي عصمت الله وردګ، د اتاق خدماتي مرستیال ښاغلي نصیر احمد عرب، د اتاق دارلانشاء رئیس ښاغلي خان محمد سرفراز باز، د اتاق مالي رئیس ښاغلي شیرین آغا سخي، د اتاق نړیوالو اړیکو رئیس ښاغلي انجنیر سید جاوید برهان، د اتاق مدیره پلاوي غړو هر یو ښاغلي خان جان الکوزي، ذکریا بریالی، محمد داود یوسفزي،، سید پرویز سادات هوفیاني، ضیاالدین اچکزۍ، جان آقا صادقی او بهادر خیرخواه، د اتاق څارنې پلاوي رئیس ښاغلي عبدالحامد حمیدي، عبدالمتین قلندری د څارنې پلاوي منشي، ناصر صمیم د څارنې پلاوي غړۍ د اتاق عامل پلاوي پالیسۍ او تخنیکي مرستیال ښاغلي محمد انور عارفي او د اتاق عامل پلاوي مالي او اداري مرستیال سرپرست ښاغلي میرزمان پوپل په ګډون د اتاق مدیره پلاوي دفتر، کابل شهرنو کې ترسره شوه.

په پیل کې، ښاغلي خان محمد سرفراز باز، د اوویشتمې ناستې د آجنډا شاملې موضوعګانې او د دریمې دورې شپږویشتمې ناستې د مصوباتو قرائت او لاسلیک د ناستې ګډونوالو ته وړاندی کړل.

ورپسی د عامل پلاوي راپورونه او وړاندیزونه د پالیسۍ او تخنیکي مرستیال ښاغلي محمد انور عارفي لخوا مطرح او د مالي او اداري مرستیال سرپرست ښاغلي میرزمان پوپل لخوا يې په اړه مفصل معلومات وړاندی کړی شول.

د اتاق اړوندو موضوعګانو همدارنګه د ۱۴۰۳ کال تشکیل او بودیجې او د عامل او مدیره پلاوي وړاندیزونو په اړه د هر اړخیز بحث وروسته، لازمې پریکړې ونیول شوې.

 

 

ښاغلي خیرالدین مایل احمدی د افغانستان د سوداګرۍ او پانګونې اتاق سوداګریز مرستیال، په داسې حال کې چې محترم دینش ګون د سریلانکا لومړی وزیر، د سارک غړو هیوادونو استازو او د سیچوان چین ایالت استازي هم شتون درلود، په سریلانکا هیواد کې د سویلي آسیا هیوادونو نندارتون کې ګډون وکړ.

ښاغلي دینش ګون، د سویلي آسیا هیوادونو او د سیچوان چین ایالت ترمنځ د همکارۍ په اهمیت ټینګار وکړ او داسې نندارتونونه یې د سارک غړو هیوادونو ترمنځ د اقتصادي اړیکو د پیاوړتیا لپاره مهم وګڼل.

ښاغلي خیرالدین مایل، د افغانستان د سوداګریز-اقتصادي اړیکو د پیاوړتیا له سیمې او نړۍ هیوادونو په ځانګړې توګه د سارک غړو هیوادونو او د سریلانکا په شمول ټینګار وکړ او په دې نندارتون کې یې د افغان سوداګرو له ګډون څخه یادونه وکړه.

محترم مایل، د افغان سوداګرو د تولیدي محصولاتو غرفو څخه لیدنه وکړه او د سریلانکا د لومړي وزیر څخه یې د سوداګریزو او اقتصادي اړیکو د پیاوړتیا په برخه کې یې د هغه د ژمنتیا ستاینه وکړه.