په هرات ولایت کې د چهارسوی گذره څلور لاره، چې د برادران مهمند د خوراکي توکو او غیر الکولي مشروباتو شرکت په نوښت په معیاري ډول جوړه شوې وه، د یوې غونډې په ترڅ کې پرانیستل شوه. په دې مراسمو کې ښاغلي محمد یونس مهمند د افغانستان د سوداګرۍ او پانګونې اتاق لومړی مرستیال، د هرات ولایت مقام مرستیال، ښاغلي محمد اسحاق آخوندزاده، د افغانستان د ښاروالیو رئیس، ښاغلي عبدالمتین قلندری، د اتاق څارنې پلاوي منشي او د غزني اتاق رئیس، ښاغلي محمد یونس قاضي زاده، د هرات اتاق رئیس، ښاغلي عبدالله دشتي، د هرات اتاق خدماتي مرستیال، ښاغلي میرزمان پوپل، د عامل پلاوي مالي او اداري سرپرست مرستیال، محترم غلام فاروق مهمند، د برادران مهمند شرکتونو د ګروپ رئیس، محترم جان آقا نوید، د اتاق د عامه اړیکو مسئول، سوداګر او پانګوال او د سیمې خلک ګډون درلود.

ښاغلي مهمند، د برادران مهمند د خوراکي توکو او غیر الکولي مشروباتو شرکت له مشرتابه څخه د دوی د لویو پانګونو او د دې معیاري څلور لارې د جوړولو له امله مننه وکړه او دا یې د وطنپالنې او هیواد او خلکو ته د ژمنتیا نښه وبلله. هغه خصوصي سکتور د حکومت همکار وباله او له ټولو سوداګرو یې وغوښتل چې د هیواد په آبادۍ او بیارغونه کې فعاله ونډه واخلي.

د اتاق لومړي مرستیال، هرات د هیواد یو له ستراتیژیکو اقتصادي ولایتونو څخه یاد کړ او د دې ولایت له خصوصي سکتور څخه یې وغوښتل چې د موجوده فرصتونو په پام کې نیولو سره هیواد کې په رغنیزو چارو کې لاس یو کړي.

ښاغلي مهمند وویل: افغانستان د پرمختګ په حال کې دی او له نړۍ سره یې ښې سوداګریزې اړیکې رامنځته کړي دي. هغه د اصنافو د مالیاتو په کمولو کې د مشرتابه مقام وروستۍ هڅه وستایله.

دا څلور لاره د څو میاشتو په اوږدو کې په معیاري ډول او د ۱۴ میلیونه افغانیو په ارزښت جوړه شوې ده، چې د هرات ښار په ځانګړي توګه د گذره سیمې ښکلا یې زیاته کړې ده.

 

 

ښاغلي محمد یونس مهمند د افغانستان د سوداګرۍ او پانګونې اتاق لومړي مرستیال، په داسې حال کې چې ښاغلیو: محمد حلیم مستعین، د اتاق عامل پلاوي سرپرست، میر زمان پوپل د عامل پلاوي مالي او اداري چارو سرپرست مرستیال، د صنعت او سوداګرۍ وزارت د نړیوالو اړیکو رییس، خان محمد فروتن د زراعت او مالدارۍ اتاق رییس، سخی احمد پیمان، د صنایعو او کانونو اتاق مرستیال، سوداګرو او پانګوالو یې ملتیا کوله، په کابل ښار کې د کاپیساي باستان شرکت له خوا د جوړ شوي (افغانستان د بریا او اقتصادي پرمختګ نندارتون) د پرانیستې په مراسمو کې ګډون وکړ.

ښاغلي مهمند، د کاپیساي باستان شرکت مسئولینو څخه د دې نندارتون د جوړولو له امله ستاینه وکړه او دغه ډول نندارتونونه یې د هیواد د تولیداتو په معرفي کولو او د صادراتو په زیاتولو کې مهم وبلل. هغه له حکومتي مسئولینو او د افغانستان له خلکو څخه وغوښتل چې په خپلو مراسمو کې له داخلي تولیداتو څخه استفاده وکړي.

د اتاق لومړي مرستیال، د افغانستان د سوداګرۍ د بیلانس پر اهمیت ټینګار وکړ او له اړوندو حکومتي ادارو څخه یې وغوښتل چې د هیواد د تولیداتو د صادراتو لپاره سوداګرو ته نورې اسانتیاوې برابرې کړي. هغه همدارنګه د ګاونډیو هیوادونو او سیمې بازارونو ته د لاسرسي اهمیت د صادراتو په پراختیا کې خورا مهم وباله.

ښاغلي مهمند، په دې وروستیو کې د حکومت له لوري د مالیاتو کمېدو او له تېلو ټانکونو څخه د ثابتو مالیاتو د اخستلو په برخه کې د اسانتیاوو رامنځته کولو په اړه ګډونوالو ته معلومات وړاندې کړل او دغه اقدام یې د سوداګرو لپاره یو مثبت ګام وباله.

ښاغلي مهمند، د افغانستان د صادراتو حجم د مرکزي او جنوبي آسیا هیوادونو ته یو نیم میلیون ټنه وباله او له ټولو داخلي او خارجي سوداګرو او پانګوالو څخه یې وغوښتل چې له موجوده فرصتونو څخه په ګټې اخیستنې سره په بيلابیلو برخو، په ځانګړي ډول د کانونو په سکتور کې پانګونه وکړي.

د اتاق لومړي مرستیال، د افغانستان- ازبیکستان ترمنځ د سوداګریزو هوکړې لاسلیک د اقتصادي-تجارتي اړیکو د ښه کولو او همدارنګه د دواړو هیوادونو ترمنځ د صادراتو او وارداتو د زیاتوالي په برخه کې یوه لویه لاسته راوړنه وبلله او له نورو ګاونډیو هیوادونو سره یې د ښو اقتصادي او تجارتي اړیکو غوښتنه وکړه.

 

 

ښاغلي محمد یونس مهمند د افغانستان د سوداګرۍ او پانګونې اتاق لومړی مرستیال، هرات ولایت ته د خپل سفر په ترڅ کې، چې ښاغلي میرزمان پوپل د عامل پلاوي مالي او اداري مرستیال سرپرست او ښاغلي جان آقا نوید د اتاق د عامه اړیکو مسئول، هم ورسره ملګري وو، د ښاغلي محمد یونس قاضي زاده، د هرات د اتاق رئیس، محترم احمد سعید صدیقي، د هرات د اتاق تجارتي مرستیال، محترم محمد اسحاق آخوندزاده، د افغانستان د ښاروالیو عمومی رئیس، او محترم عبدالله دشتي، د هرات اتاق خدماتي مرستیال په شتون کې د تلاسیمیا ناروغیو د درملنې روغتون د جوړولو بهیر څخه لیدنه وکړه، چې په هرات کې د خصوصي سکتور د غړو او د سوداګرۍ او پانګونې اتاق د ملاتړ او نوښت په پایله کې جوړېږي.

ښاغلي محمد یونس قاضي زاده، د اتاق مرستیال او د دوی مل پلاوي ته د ښه راغلاست ویلو ترڅنګ، ددې روغتون په اړه یې مفصل معلومات وړاندې کړل او زیاته یې کړه چې دغه روغتون د سوداګرو په ملاتړ او د هرات د سوداګرۍ او پانګونې اتاق په نوښت جوړېږي.

ښاغلي محمد یونس مهمند، د دې روغتون د بېلابېلو برخو څخه د لیدنې په ترڅ کې د هېواد د خصوصي سکتور د غړو د دې نوښت قدرداني وکړه او دا ګام یې د هېواد او د خلکو په وړاندې د ژمنې نښه وبلله.

ښاغلي مهمند، د تلاسیمیا د ناروغیو د درملنې روغتون د جوړولو اړتیا ته اشاره وکړه او په دې برخه کې یې د اړوندو حکومتي ادارو د همکارۍ پر اهمیت ټینګار وکړ. هغه ډاډ ورکړ چې د افغانستان د سوداګرۍ او پانګونې اتاق به د خصوصي سکتور د ستونزو د حل لپاره له دولتي ادارو سره په همغږۍ کې هر اړخیز ملاتړ وکړي.

 

 

 

ښاغلي محمد یونس مهمند د افغانستان د سوداګرۍ او پانګونې اتاق لومړي مرستیال، د ښاغلي شیرین آغا سخي، د اتاق مدیره پلاوي مالي رئیس، ښاغلي خانجان الکوزي، د اتاق مدیره پلاوي غړي، او ښاغلي احمد شاه حکیمي، د کابل د سوداګرۍ او پانګونې اتاق لومړي مرستیال په ګډون، د حرکت ادارې لخوا جوړ شوي عامه او خصوصي سکتور د بحث په غونډه کې ګډون وکړ او د دغسې کنفرانس په جوړولو کې یې له یادې ادارې څخه مننه وکړه.

ښاغلي محمد یونس مهمند، د تېرو درې کلونو په پرتله د نړۍ له ټولو هېوادونو سره د ښو اړیکو د بیا احیا خبر ورکړ او د افغانستان د خصوصي سکتور ته د خدمتونو په وړاندې کولو کې یې د حکومت له مشرتابه مننه وکړه او په هېواد کې یې د بانکي فعالیتونو د پیاوړتیا او چټکتیا غوښتنه وکړه.

ښاغلي مهمند، د خصوصي سکتور د غړو ډېری ستونزو د حل په اړه خبر ورکړ او له نړیوالو بنسټونو یې وغوښتل چې پاتې ستونزې، چې نړیوالې ټولنې پورې تړاو لري، حل کړي. هغه د مشرتابه دفتر د وروستي فرمان، چې په کې د مالیاتو کمولو او د واحد مالیاتو د ورکړې په اړه اشاره شوې ده، هرکلی وکړ.

د اتاق لومړي مرستیال، له ټولو هېوادونو څخه د افغان سوداګرو او پانګوالو لپاره د ویزې په صادرولو ټینګار وکړ او غوښتنه یې وکړه چې له ټولو هېوادونو سره د متقابل درناوي پر بنسټ ښو اړیکو رامنځته کولو ته پاملرنه وکړي. هغه له نړیوالو بنسټونو، په ځانګړې توګه نړیوال بانک څخه وغوښتل چې د هېواد د کرنې د میکانیزه کولو او معیاري سړوخونو جوړولو په برخه کې د کرنې وزارت سره همکاري وکړي.

 

 

ښاغلي محمد یونس مهمند د افغانستان د سوداګرۍ او پانګونې اتاق لومړي مرستیال، او ښاغلي خانجان الکوزی، د اتاق د مدیره پلاوي غړي، په داسې حال کې چې ښاغلیو: د کابل ښاروالۍ مالي او اداري معین، سید جمیل سادات د کابل اتاق رئیس، احمد شاه حکیمي د کابل اتاق لومړی مرستیال او همایون خواجه زاده د کابل د سوداګرۍ او پانګونې اتاق سوداگریز مرستیال، حاجي زلمی د ملت سوداګریز مارکېټ رئیس، او د هیواد یو شمېر سوداګرو او پانګوالو یې ملتیا کوله، په کابل ښار کې د نوي جوړ شوي "ملت سوداگریز مارکېټ" د پرانیستې مراسمو کې ګډون وکړ.

ښاغلي حاجي زلمی، د ملت سوداګریز مارکېټ رئیس، د دې مارکېټ د جوړولو په اړه ګډونوالو ته معلومات وړاندې کړل او زیاته یې کړه: یاد مارکېټ په ۴۲۰۰ متر مربع ځمکه کې جوړ شوی او ۴۸۰ تجارتي دوکانونه لري چې ارزښت یې ۴ ملیونه امریکایي ډالر ده او پکې ټول نړیوال ساختماني معیارونه په پام کې نیول شوي دي.

ښاغلي محمد یونس مهمند، د حکومت له مشرتابه څخه د سوداګرۍ په برخه کې د اسانتیاوو د برابرولو له امله مننه وکړه. هغه د خصوصي سکتور له خوا د داسې تجارتي مارکېټونو جوړول د کارموندنې، د ښار ښکلا او د هېواد د اقتصاد په پرمختګ کې یو مثبت ګام وباله او د اتاق له هر اړخیزې همکارۍ څخه یې سوداګرو او پانګوالو ته ډاډ ورکړ.

د اتاق لومړي مرستیال، په تیرو درې کلونو کې د حکومت د لویو لاسته راوړنو په توګه د سرتاسري امنیت ټینګښت، د اداري فساد له منځه وړل، او د کوکنارو د کر د مخنیوي یادونه وکړه او د دې ډول لاسته راوړنو اهمیت یې د خصوصي سکتور د تقویت لپاره خورا مهم وباله. هغه له ټولو افغان سوداګرو او پانګوالو څخه چې په بهرنیو هیوادونو کې مېشت دي، وغوښتل چې خپل هیواد ته راستانه شي او په مختلفو سکتورونو کې پانګونه وکړي.

ښاغلي خانجان الکوزی، د خصوصي سکتور څخه یې د هېواد په بېلابېلو برخو کې د داسو پانګونو هرکلۍ وکړ، او د دې ډول تجارتي مارکېټونو رول یې د سوداګرۍ په پراختیا او د اقتصادي ودې په برخه کې خورا مهم وباله.