د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند په داسی حال کې چې، د مدیره پلاوي غړو هر یو ښاغلي خان جان الکوزي او سید پرویز سادات هوفیاني، د صنعت او سوداګرۍ وزیر، د حرکت ادارې رئیس ښاغلي حجت الله فضلي، د اروپایې اتحاديې، پاکستان، هند، روسیې، آذربایجان، او قزقستان سفیرانو د کابل په سرینا هوټل کې د (خصوصي سکتور بحث) عنوان لاندی جوړ شوي کنفرانس کې د ګډون ترڅنګ، د خصوصي سکتور ستونزو او لیدلوري په اړه يې خبرې اترې وکړې.

ښاغلي مهمند، د دې کنفرانس په جوړولو کې د حرکت ادارې څخه د مننې ترڅنګ، د افغانستان د خصوصي سکتور د شته ستونزو په اړه خبرې وکړې چې یادې ستونزې عبارت دي له: په نړیوالو بانکونو کې د افغان سوداګرو د پیسو کنګل کیدل، د سیمه ییزو او نړیوالو هیوادونو له خوا د افغان سوداګرو لپاره د ویزې د لا زیاتو اسانتیاوو نشتوالی، د پیسو د انتقال لپاره اسانتیاوو نشتوالی او د ګاونډیو هیوادونو په بندرونو کې د ځینې سوداګریزو توکو بندیدل.
همدارنګه، نوموړي د اروپايي اتحادیې استازو او د مرکزي آسیا د هیوادونو سفیرانو څخه غوښتنه وکړه چې د افغان سوداګرو د ستونزو د حل لپاره عملي ګامونه پورته کړي.

ښاغلي مهمند د کوچنیو او منځنیو متشبثینو د پراختیا او ملاتړ پر اهمیت ټینګار وکړ او له ګډونوالو، په ځانګړي توګه د مرکزي آسیا هیوادونو او اروپايي اتحادیې استازو څخه یې وغوښتل چې بهرني سوداګر د افغان سوداګرو سره په مختلفو سکتورونو کې په ځانګړي ډول د قیمتي او نیمه قیمتي ډبرو د کانونو په استخراج او نورو برخو کې ګډې پانګونې ته وهڅوي.

د اتاق لومړي مرستیال د تېرو درېو کلونو په موده کې له ګاونډیو هېوادونو سره د افغانستان د صادراتو د زیاتوالي یادونه وکړه او د اروپايي اتحادیې له استازو څخه یې وغوښتل چې د افغانستان د صادراتي توکو لپاره نړیوالو بازارونو په پیدا کولو او بهرني سوداګر په نږدی راتلونکي کې د اتاق لخوا په جوړیدونکي کنفرانس کې ګډون کولو ته وهڅوي.

دوشنبه، چنګاښ ۴مه، ۱۴۰۳

د سیمې هېوادونو سره د سوداګریزو اړیکو پراختیا په موخه، د افغانستان د سوداګرۍ او پانګونې اتاق د "چابهار بندر ګټو او آسانتیاوو" تر عنوان لاندی آنلاین ناسته جوړ چې د افغانستان د سوداګرۍ او پانګونې اتاق عامل پلاوي پالیسۍ او تخنیکي مرستیال ښاغلي محمد انور عارفي، د بامیانو ولایتي اتاق رئیس او د ټرانسپوټ کمېټې مرستیال ښاغلي لطف الله امیني، د هندیا پورت ګلوبل شرکت اجرائیوي رئیس ښاغلي سونیل موکندا او د هېواد یو شمیر سوداګرو او پانګوالو پکې ګډون درلود.

ښاغلي محمد انور عارفي د دغه کنفرانس ګډونوالو ته د ښه راغلاست په ترڅ کې د چابهار بندر د صادراتو او وارداتو په برخه کې یو له مهمو بندرونو څخه وباله او دغه راز یې د منځنۍ اسیا له هېوادونو سره د افغانستان د ټرانزیټ د نښلولو په برخه کې د افغان سوداګرو لپاره د لا زیاتو اسانتیاوو غوښتنه وکړه.

ښاغلي عارفي د ترکیې، هند، قزاقستان، سعودي عربستان، متحده عربي اماراتو، چین او اروپايي ټولنې له هېوادونو سره د هوايي دهلېز پر پرانیستلو او همدارنګه د ترکمنستان او ازبکستان له هېوادونو سره د افغانستان د اورګاډي پټلۍ پر نښلولو او په سوداګریزو راکړو ورکړو کې د لاجورد ټرانزیټي لارې کارول باندی ټینګار وکړ.
نوموړي د چابهار بندر د سوداګرو ستونزو حل برخه کې د هند پورټ ګلوبل شرکت سوداګرو ته د همکارۍ ډاډ ورکړ.

محترم لطف الله امیني د چابهار بندر د شته ستونزو په اړه چې د افغان سوداګرو د سوداګریزو مالونو د صادراتو او وارداتو د بهیر د ګړندي کولو په لاره کې خنډونه را منځته کوي، یادونه وکړه او د دوی د ستونزو په حل کې یې د اتاق او شرکت د همکارۍ غوښتنه وکړه.

ورپسې د هند د پورټ ګلوبل پریزنټیشن تخنیکي ټیم ګډونوالو ته د چابهار بندر د ستراتیژیک اهمیت په اړه معلومات وړاندې کړل او زیاته یې کړه: د چابهار بندر له لارې د سوداګریزو توکو لیږد په ټاکلي وخت او په معیاري ډول له کوم قید او شرط پرته په خوندي ډول لیږدول کیږي. دوی د سوداګرۍ اتاق عامل پلاوي له مسؤلینو وغوښتل چې افغان سوداګر وهڅوي چې د یاد بندر له لارې صادرات او واردات وکړي.

سوداګرو او پانګوالو په خپل وار سره د چابهار بندر له لارې د سوداګرۍ په برخه کې خپلې ستونزې او وړاندیزونه د سوداګرۍ اتاق او یاد شرکت مسؤلینو ته وړاندې کړل او په دې برخه کې یې د لا زیاتو همکاریو غوښتنه وکړه.

پنجشنبه، غبرګولي ۲۴مه، ۱۴۰۳

د افغانستان د سوداګرۍ او پانګونې اتاق د صادراتو د پراختیا او پانګونې آمر ښاغلی میرزامان پوپل، د دې اتاق د مشرتابه پلاوي غړو لخوا هر یو ښاغلو محمد یونس مهمند د اتاق لمړی مرستیال، نصیر احمد عرب د اتاق خدماتی مرستیال، خان محمد سرفراز باز د اتاق دارالانشاء رییس، خانجان الکوزی د مدیره هیات غړی او د عامل پلاوي پالیسۍ او تخنیکي مرستیال ښاغلي محمد انورعارفي لخوا د اتاق د عامل پلاوي مالی او اداری مرستیال په توګه معرفی شوی.

یکشنبه، ۳ چنگاښ ۱۴۰۳

د خصوصی سکتور د مشرتابه غړو او لوړ پوړی دولتی پلاوی ګډه ناسته چې د خصوصی سکتور ستونزو او ننګونو ته د رسیدګی په موخه په داسی حال کې چې ښاغلو: محمد یونس مهمند د افغانستان د سوداګرۍ او پانګونې اتاق لومړی مرستیال، د حکومت د اقتصادی مرستیال دفتر رییس، احمد سعید صدیقی د هرات د سوداګرۍ اتاق د سوداګریز مرستیال، د ښار جوړولو او کور جوړونې وزارت مرستیال، د صنعت او سوداګرۍ وزارت سلاکار، د صنعت او سوداګرۍ وزارت د نړیوالو اړیکو رییس، فیض محمد شفیع د هیواد مخکښ سوداګر او د هیواد د سویل لویدیز زون یو شمیر سوداګر او پانګه اچوونکی هم ګډون درلود. د هرات ولایت د سوداګرۍ او پانګونې اتاق په مرکزی دفتر کې ترسره شول.
ښاغلی احمد سعید صدیقی، چې د هیواد په سویل لویدیز زون کې د سوداګرو استازیتوب کوی د هیواد په بیلابیلو برخو کې د نورمونو او سټنډرډ ډیپارټمنټ لخوا د نفتی موادو سوځلی کنټرول او تحقیق، په ګمرکونو کې د محصولاتو ساتلو لپاره د مناسبو تاسیساتو نشتوالی او د کرهنیزو محصولاتو لپاره د نړیوال بازار نشتوالی د دی زون د سوداګرو ستونزی وګنل او د حکومت په لوړ پوړی پلاوی یې غږ وکړ چې د دې ستونزو له منځه وړلو ته پاملرنه وکړی.

ښاغلی فیض محمد خواقی هرات ته د حکومت د لوړ رتبه هیئت وردتګ ته هرکلی وکړ او د سوداګریزو خدمتونو د وړاندې کولو او د سوداګرۍ د بهیر د اسانولو په برخه کې یې د حکومت د مشرتابه له هڅو څخه مننه وکړه.

د حکومت د اقتصادی مرستیال دفتر رییس، په سویل لویدیز زون کې د سوداګرو ستونزو او ننګونو ته د رسیدو لپاره د حکومت پلانونو په اړه معلومات وړاندې کړل او د هیواد له خصوصی سکتور سره د هرې همکارۍ ژمنه یې وکړه.

د صنعت او سوداګرۍ وزارت سلاکار، د صنعت او سوداګرۍ وزارت د مشرتابه هڅو چې د ظرفیت لوړول، د کورنی تولید کیفیت لوړول او د افغان توکو لپاره نړیوال بازارونه پلټل او د روسیې د بهرنیو چارو وزارت د مشرتابه وروستی لیدنې لاسته راوړنې یې د دې هیواد لخوا په ټولو کورنی توکو د امتیازی تعرفو په برخه کې له ګډون والو سره شریک کړل.
ښاغلی مهمند، هېواد ته د صادراتو پر مهال پر افغانی توکو د روسیې د امتیازی تعرفو د پلی کولو هرکلی وکړ او د کورنی تولید او د کرنیزو محصولاتو په ځانګړې توګه د انګورو د مصرف په دقیق محاسبه یې ټینګار وکړ.

ښاغلی مهمند، له دولتی ادارو سره د خصوصی سکتور د مشرتابه د هراړخیزې همکارۍ ډاډ ورکړ او د سوداګرۍ او پانګونې په برخه کې یې د حکومت د مشرتابه د هراړخیز ملاتړ ستاینه وکړه

پنجشنبه، غبرګولی 14، 1403

د افغانستان د سوداګرۍ او پانګونې اتاق لومړی مرستیال ښاغلی محمد یونس مهمند د هرات ولایت زنده جان ولسوالۍ ته د خپل سفر په ترڅ کې د سلیمان خافی خیریه بنسټ له خوا جوړ شوی د ۱۰۰ کورنیو د هستوګنیز ښاګوټی د پرانیستې په مراسمو کې چې د حکومت لوړ پوړو چارواکو، د خصوصی سکتور غړو، د اقتصادی چارو د مرستیال دفتر رییس، د اقتصاد وزارت مرستیال، د ښار جوړولو او کور جوړونې مرستیال، د صنعت او سوداګرۍ وزارت سلاکار ډاکټر فاروق، د صنعت او سوداګرۍ وزارت د نړیوالو اړیکو رییس محمد زوبیر دین پرور، د سوداګرۍ او پانګونې اتاق د نفتو او ګازو د کمېټې رییس جان اغا صادقی، په ایران کې د افغانستان د سوداګرۍ وزارت مرستیال فیض محمد خافی، د خافی ګروپ مشر او د سویل لویدیز زون سوداګر او پانګه اچوونکو ځایې مشران په شتون د ۱۰۰ کورنیو د هستوګنیز ښارګوټی د پرانیست غونډی کې ګډون وکړل.

ښاغلی فیض محمد خافی، د ۱۰۰ کورنیو هستوګنیز ښار د پرانیستې په مراسمو کې د دولت او خصوصی سکتور د مشرتابه لوړ پوړی شتون ته هرکلی وکړل او ددی ښارګوټی د جوړولو په اړه یې معلومات ورکړل.

محترم عبدالله عزام، د حکومت د اقتصادی مرستیال پیغام چې په هغه کې یې د سلیمان خافی خیریه بنست له لوری د زنده جان ولسوالۍ اغیزمنو خلکو ته د داسې ښارګوټی د جوړولو لپاره د ستاینو تر څنګ د افغانستان خصوصی سکتور یې د حکومت د وړتیا ملاتړی بللی وو ګډونوالو ته خپور کړل.

ښاغلی محمد یونس مهمند د سلیمان خافی خیریه بنسټ له خوا د هرات د زلزلې د قربانیانو لپاره د دغه ښارګوټی د جوړولو ستایلو ترڅنګ د خافی ګروپ له مشرتابه څخه یې مننه وکړه.

ښاغلی مهمند د حکومت له مشرتابه څخه وغوښتل چې په دې ولسوالۍ کې د صنعتی ښار جوړونې په برخه کې له خصوصی ستکور سره همکاری وکړی او په دې برخه کې یې د خصوصی سکتور ملاتړ اعلان کړل. هغه د افغانستان د سوداګرۍ او پانګونې اتاق له هڅو څخه چې د افغانستان خلکو ته د کار پیدا کولو په برخه کې وعده ورکړل او د هرات ولایت له سوداګرو یې وغوښتل چې د هېواد د جوړولو او د اوسنی نظام د ملاتړ لپاره په ګډه کار وکړی.
د اتاق لومړی مرستیال په هرات ولایت کې د سوداګرو د پانګونې یادونه وکړه او دا یې د هېواد د خلکو لپاره د ژمنتیا او اخلاص نښه وبلله.

ښاغلی عبداللطیف نظری هرات ولایت یې یو له هغو ولایتونو څخه یاد کړ چې ځانګړی اقتصادی دریځ لری او د دې ولایت له سوداګرو څخه یې مننه وکړل چې هر وخت له طبیعی پیښو له قربانیانو سره مرسته ګړی.

د سل فامیلی استوګنځی ښارګوټی د زلزلې له امله اغیزمنو 100 کورنیو لپاره، د استوګنې کورونه د ټولو اړینو تاسیساتو سره او د هیواد طبیعی وضعیت سره سم جوړ شوی کوم چې دوی ته د شفافې پروسې په جریان کې توزیع شوی.

د اتاق لومړی مرستیال هم د هرات د ګازو له سوداګریز کمپلیکس څخه لیدنه وکړه، هغه یې په هیواد کې یو له لویو معیاری مرکزونو څخه وباله او په دې پروژه کې د ښکېلو کسانو د هڅو ستاینه یې وکړه.

د دې کملیکس رییس د پروژې په اړه معلومات ورکړل او ویې ویل: "دغه کمپلیکس ۸ پوړونه او د سوداګرۍ دفترونه لری او د ورځنې په ټولو تجهیزاتو سمبال دی.

په دې لویه پروژه کې رستورانتونه ، جوماتونه، د پارکینګ پراخه ځایونه، د بریښنا عصری سیسټمونه، کانالیزیشن، معیاری left، او د سړې او تودوخې سیسټم ځای په ځای شوي چې له دریو کلونو راهیسې کار پری روان دی.

پنچشنبه، ۲۴ غبرګولی ۱۴۰۳