په یادو مراسمو کې، د افغانستان اسلامي امارت رئیس الوزرا مرستیال ښاغلي عبدالسلام حنفي، د چارو ادارې رئیس، د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د اتاق د مدیره پلاوي مالي رئیس ښاغلي شیرین آغا سخي، د مدیره پلاوي غړي ښاغلي خان جان الکوزي، د خیرخواه مارکیټ سوداګرو او یو شمیر حکومتي چارواکو او د خصوصي سکتور غړیو ګډون درلود.
یاد سوداګریز مارکیټ دری کاله دمخه، د اور لګیدنې په پایله کې، له منځه تللی و، او اوسمهال د خیرخواه مارکیټ سوداګرو لخوا د ټولو عصري او مجهزو وسایلو په پام کې نیولو سره، په ۹ پوړونو چې دری پوړونه يې د ځمکې لاندی او شپږ پوړونه به يې پورته وي، بیا رغیږي.
ښاغلي مهمند د اسلامي امارت د دغې کړنې ستایلو ترڅنګ، یاده کړنه د خصوصي سکتور او هېواد په اقتصادي وړتیا کې یو نیک ګام وباله.ښاغلي مهمند د خیرخواه مارکیټ بیارغونې برخه کې، د افغانستان د سوداګرۍ او پانګونې اتاق د هر اړخیزې همکارۍ ژمنې کولو ترڅنګ، وړاندیز وکړ "د خیرخواه مارکیټ یو سلنه عواید باید د هېواد جنګ ځپلو او بی وزلو خلکو لپاره ځانګړې کړې شي، ترڅو وکولی شو، په اوسنیو سختو شرایطو کې د بی وزلو لاسنیوی وکړو."
سوداګرو د ښاغلي مهمند د یاد وړاندیز تائید او ملاتړ وکړ.
ښاغلي حنفي د خیرخواه مارکیټ بیارغونې ملاتړ کولو ترڅنګ، زیاته کړه چې د افغانستان اسلامي امارت پلان لري چې د سترو سیمه ایزو پروژو لکه "تاپي"، "تاپ" او ریل پټلۍ کارونه ژر تر ژره پیل کړي.
ښاغلي حنفي زیاته کړه "د خیرخواه مارکیټ بیارغونې په پایله کې، به شاوخوا ۲۰۰۰ کسان په کار وګمارل شي، او په سیمه ایزو پروژو کې، سربیره پردی، چې زرګونه کسانو ته به کار پیداشي، په میلینونه ډالر به د حکومت په عوایدو کې اضافه شي."
په دې ناسته کې، په ټولو سوداګریزو راکړو ورکړو کې د ملي هویت په توګه د افغانیو څخه د ګټې اخیستنې، د بهرنیو اسعارو پر وړاندې د افغانیو د ارزښت ساتلو او د مالي او بانکي تګلارې د پلي کولو په موخه، د افغانستان اسلامي امارت د کورنیو چارو وزارت د پالیسۍ او ستراتیژۍ ریاست تر رهبرۍ لاندې د افغانستان بانک، د مالیې وزارت او د افغانستان د سوداګرۍ او پانګونې اتاق د استازو په ګډون د تخنیکي کمېټې جوړولو په اړه خبرې وشوې او په دی اړه د ناستې ګډونوالو هم خپل نظرونه څرګند کړل.
په پیل کې، ښاغلي مهمند له ایراني پلاوي سره د لیدنې او په دې ناسته کې د مطرح شویو موضوعاتو په اړه معلومات وړاندې کړل او زیاته یې کړه چې، د ایراني پلاوي غړو وړاندیز وکړ چې ایران دې د افغان سوداګرو د اړتیا وړ تېل د یوه تصفیه کوونکي شرکت له لارې برابر او تړون وکړي. هغه د هېواد د نفتو له سوداګرو وغوښتل چې په دې اړه خپل مشخص نظریات او وړاندیزونه مطرح کړي، څو د نظریاتو له راټولولو او یووالي وروسته د اسلامي امارت د صنایعو او سوداګرۍ له وزیر سره په راتلونکې ناسته کې له ایران سره د نفتو د تړون په اړه خبرې وکړي.
ښاغلي مهمند د دغه کنفرانس جوړېدل د هوا د ککړتیا د مخنیوي او د چاپېریال ساتنې په برخه کې مهم وباله او زیاته یې کړه: د چاپېریال ساتنه چې د بېلابېلو لاملونو له امله زیانمنه شوې ده، په ځانګړې توګه په کابل کې چې شاوخوا شپږ میلیونه وګړي پکې ژوند کوي.
ښاغلي مهمند د دواړو هېوادونو سوداګریزو اړیکو غښتلتیا په موخه، د افغانستان اسلامي امارت او چین جمهورت بهرنیو چارو وزیرانو هڅو ستایلو ترڅنګ، د افغان سوداګرو ستونزو لکه، چین ته د ویزو عدم لاسرسي یادونه وکړه او په دی برخه کې یې د چین جمهوریت سفارت د همکارۍ غوښتنه وکړه.
په دغه ناسته کې، چې د افغانستان د سوداګرۍ او پانګونې اتاق مرکزي دفتر کې ترسره شوه، د نوموړي اتاق عامل پلاوي مالي او اداري مرستیال ښاغلي میرویس هوتک، د عامل پلاوي مختلفو څانګو آمرینو او د سوداګرۍ او صنعت وزارت مختلفو برخو مسؤلینو هم ګډون درلود.