د افغانستان د سوداګرۍ او پانګونې اتاق او د هندوستان د سوداګریزو کمپنیو ګروپ اتاق (IBG) د افغانستان او د هندوستان ممبۍ ښار د سوداګرو د سوداګریز تواصل دوېمه ناسته چې پکې 38 تنو هندي او 40 تنو افغان سوداګرو ګډون درلود د ویډیو کنفرانس په بڼه ترسره شوه.

د افغانستان د سوداګرۍ او پانګونې اتاق د عامل پلاوي مشر ښاغلي سید زمان "هاشمي" کابل کې د امریکا د متحدو ایالتونو سفارت له اقتصادي کونسل ښاغلي الکس "هواکس" سره د ویډیو کنفرانس په بڼه تعارفي ملاقات کې د افغانستان له خصوصي سکتور سره د امریکا د ګډو همکاریو په تړاو خبرې وکړې.

د تیر (TIR) سیستم چوکاټ کې د کتاي (‏CORRIDOR‏ ‏KTAI) ایران، افغانستان،تاجکستان او قرغیزستان ترمنځ د جاده یي (واټ) د حمل او نقل دهلیز له لارې لومړنۍ ازمایښتي جوپه چې د روان کال د زمري په 6مه نېټه د ایران له دوغارون بندر د افغانستان په لور حرکت وکړ، د سکتوري ادارو سره  په همغږۍ د ګمرکي تشریفاتو پړاوونو طی کولو وروسته  د هرات ولایت والي، د هغه ولایت د سوداګرۍ او پانګونې اتاق مشرتابه پلاوي، د ځمکني ټرانسپورټ د تنظیم رییس، سیمه ایزو چارواکو،د ولایتي شورا استازو،مدني ټولنې او د یو شمیر سوداګرو په حضور کې سه شنبې ورځ د هرات پل پښتون کې پرانستل شو.

د سوداګرۍ او پانګونې اتاق د عامل پلاوي مشر ښاغلي سید زمان  "هاشمي" د البیروني انستیتیوت له رییس ښاغلي نذیر "کبیري" او د دغه انستیتیوت له ستر محقق عمر"جویا" او د منځنۍ اسیا پوهنتون (‏UCA‏) له څیړونکو سره د کرونا ویروس پېښ کړو زیانونو او پر اقتصاد د دغه ویروس د بدو اغیزو په ځانګړې توګه د بې کارۍ کچې،اقتصادې ودې ته کمې توجه، د بېوزلۍ د کچې زیاتوالي شاخصونو او د حکومت اقتصادي برنامو په تړاو بحث او خبرې وکړې.

‏د هېواد د عامې روغتيا وزارت د افغانستان د سوداګرۍ او پانګونې اتاق د تجارتي مرستيال او د «بشیر نوید گروپ» شرکت عمومي مشر ښاغلي خيرالدين مايل احمدي لخوا له عامې روغتيا وزارت سره د ښو اجتماعي او روغتيايي خدمتونو په ځانګړي ډول د بلخ ولايت عامې روغتيا رياست کې له لمر وړانګو مخنيوي په موخه د څپرو نصب کول وستايل.