د افغانستان د سوداګرۍ او پانګونې اتاق عامل پلاوي سرپرست رئیس ښاغلي شفیق الله عطايي، د عامل پلاوي مالي او اداري مرستیال ښاغلي میرویس هوتک او د اتاق نړیوالو اړیکو مسؤل د (NOMAD) شرکت رئیس ښاغلي سلیټر (Slater) او د (YES) شرکت له رئیس ښاغلي شمیم احمد شهادت یار سره د لیدنې په ترڅ کې په کابل کې د یوه نندارتون په لاره اچولو په اړه خبرې اترې وکړی.

 

ښاغلي عطايي ښاغلي سلیټر او ښاغلي شمیم احمد شهادت یار ته د ښه راغلاست ویلو ترڅنګ، د اتاق د نندارتونونو څانګې فعالیتونو په اړه مالومات وړاندی او د جوړیدونکي نندارتون په اړه يې د اتاق د تیاري او همکارۍ یادونه وکړه.

 

ښاغلي عطايي زیاته کړه "موږ به د هېواد او سیمې په کچه سوداګرو ته د عامه پوهاوي ورکولو ترڅنګ، دوی وهڅوو ترڅو په دی جوړیدونکي نندارتون کې د ګډون ترڅنګ خپل محصولات نندارې ته وړاندی کړي."

 

ښاغلي عطايي د خپلو خبرو په اوږدو کې وویل چې په دی نندارتون کې به د هېواد د مختلفو سکتورونو څخه سوداګریز او تولیدي شرکتونه خپل محصولات نندارې ته وړاندی کړي چې له امله به يې افغاني تولیدات په نړیوالو بازارونو کې د یوه ښه ځای څښتنان شي.

 

د (NOMAD) شرکت رئیس ښاغلي سلیټر (Slater) او د (YES) شرکت رئیس ښاغلي شمیم احمد شهادت یار ددی نندارتون د په لاره اچولو برخه کې د اتاق په همکارۍ ټینګار وکړ.

 

دوی هیله څرګنده کړه چې په دی نندارتون کې به د خصوصي سکتور محصولاتو نندارې ته د کیښودو ترڅنګ، د دولتي مسؤلینو سره د یوې ناستې په ترڅ به د خصوصي سکتور په شتو ستونزو او ننګونو خبرې اترې وکړي، ترڅو د حل بنسټیزې لارې چارې ورته ولټوي.

 

د ناستې په پایله کې، دواړو خواو د همکارۍ یوه تفاهملیک په لاسلیکولو ټینګار وکړ او وی ویل چې په نږدی راتلونکي کې به ددی نندارتون د په لاره اچولو لپاره عملي ګامونه پورته کړي.