د افغانستان د سوداګرۍ او پانګونې اتاق د تجاربو د تبادلې، د علمي او سوداګریزو پروګرامونو جوړولو، د ځوانانو د نوښتونو او کارموندنې طرحو او د خصوصي سکتور د ملاتړ په موخه، چې پکې ناستې، ورکشاپونه، خبرې اترې او سمینارونه شامل دي، د افغانستان د اقتصادي او حقوقي مطالعاتو له مؤسسې سره د همکارۍ یو هوکړه لیک لاسلیک کړ.

دا هوکړه لیک، د ښاغليو: محمد یونس مهمند د اتاق لومړي مرستیال، نصیر احمد عرب د اتاق خدماتي مرستیال، خان محمد سرفراز باز د اتاق مدیره پلاوي دارالانشاء رئیس، خانجان الکوزي د اتاق مدیره پلاوي غړی، محمد انور عارفي، د اتاق عامل پلاوي پالیسي او تخنیکي مرستیال، میرزمان پوپل د اتاق عامل عامل پلاوي مالي او اداري مرستیال سرپرست، محمد حنیف فرزان د افغانستان د اقتصادي او حقوقي مطالعاتو مؤسسې رئیس، حاجي عبیدالله د رخت ټولنې رئیس او د اتاق د بېلابېلو دیپارتمنتونو مسوولینو په حضور کې د ښاغلي محمد انور عارفي د اتاق عامل پلاوي پالیسي او تخنیکي مرستیال او ښاغلي محمد حنیف فرزان د افغانستان اقتصادي او حقوقي مطالعاتو مؤسسې رئیس له لوري لاسلیک شو.

 

سه شنبه، وږي ۶مه، ۱۴۰۳