د افغانستان د سوداګرۍ او پانګونې اتاق د مدیره هیت لومړي مرستیال ښاغلي حاجي محمد یونس مهمند، د نوموړي اتاق د مدیره هیت مالي ریس ښاغلي شیرین آغا سخي، د مدیره هیت د نړیوالو اړیکو ریس ښاغلي سید جاوید برهان، د مدیره هیت د خدماتو مرستیال ښاغلي نصیر احمد عرب، د مدیره هیت د دارلانشاء ریس ښاغلي خان محمد سرفراز باز، د مدیره هیت غړیو هر یو محمد داود یوسفزي، احمد ضیاء عظیمي شینوزاده، احمد فواد دوست، او د هرات ولایتي اتاق د مدیره هیت غړي سید مسعود سادات د افغان – استرالیا سوداګرۍ او پانګه اچوونې ګډ اتاق د مدیره هیت په لومړنیو ټاکنو کې حضور درلود.
دغه ټاکنې د ۱۳ غړیو او د خصوصي سکتور یو شمیر استازیو په حضور کې د اتاق په کوربه توب په شفاف ډول تر سره شوی. ښاغلې اجمل حمید عبد الرحیمزی د افغان – استرالیا سوداګرۍ او پانګه اچوونې ګډ اتاق د ریس په توګه وټاکل شو. ددی اتاق دری غړي د څارنې کمیټې د غړیو په توګه وګمارل شول. دغه اتاق به په نزدی راتلونکي کې د استرالیا سره د سوداګریزو اړیکو د پراختیا په موخه په کار پیل وکړي.
ښاغلي یونس مهمند د افغان – استرالیا ګډ اتاق مشرتابه څخه وغوښتل چې د هیواد د ملي ګټو په نظر کې نیولو سره د سوداګریزي پراختیا په لوري ګام پورته کړي او خصوصي سکتور ته د لا ډیرو آسانتیاوو د برابرولو په تکل کې واوسي. نوموړي د افغان – استرالیا ګډ اتاق رامنځته کیدل د سوداګریزو اړیکو د پراختیا لپاره ګټور وباله.
ښاغلي مهمند د پاکستان او نورو هیوادونو سره ګډو اتاقونو جوړولو ته د اشارې کولو تر څنګ وویل چې دغه اتاقونه د خصوصي سکتور د ډیرو ستونزو د له منځه تلو سبب شوي دي او هیله يې څرګنده کړه، چې د افغان – استرالیا سوداګرۍ او پانګونې ګډ اتاق به وکولې شي چې د هیواد په اقتصادي لوړتیا او استرالیا ته د افغانستان سوداګریزو توکو د انتقال په برخه کې اړین رول ولوبوي.
په دی غونډه کې د مدیره هیت د نړیوالو اړیکو ریس ښاغلي سید جاوید برهان خپل نظر په دی ډول څرګند کړ "د افغان – امریکا ګډ اتاق رامنځته کیدل د دواړو هیوادونو د سوداګریزو اړیکو په پراختیا او استرالیا ته د افغانستان سوداګریزو توکو د انتقال په برخه کې مهم رول لوبولې شي."
نوموړي هیله څرګنده کړه چې د افغان – استرالیا ګډ اتاق رامنځته کیدل به د هیواد خصوصي سکتور په دی توانا کړي، چې شتو ستونزو ته د پای ټکې کیږدي.
د غونډې په پای کې، د افغان – استرالیا سوداګرۍ او پانګه اچوونې ګډ اتاق ریس ښاغلي عبد الرحیمزي ژمنه وکړه چې ددی اتاق په رامنځته کیدو سره د افغانستان او استرالیا په سوداګریزو اړیکو کې مثبت بدلون راتلو تر څنګ افغانستان وکولې شي استرالیا ته د قالینو د صادرولو په برخه کې د پام وړ پرمختګ وکړي.
د مرکزي اتاق عامل ریس ښاغلي سید زمان هاشمي په ډیره لنډه موده کې د لغمان ولایتي اتاق د فعالیتونو او لاسته راوړنو ستایلو تر څنګ، د ولایتي اتاقونو د وړتیا لوړونې په موخه د هر ډول همکاریو مرسته وکړه.
نوموړي هیله څرګنده کړه، چې د محصلینو اقتصادي طرحې به وکولې شي د هیواد په اقتصادي لوړتیا او تشبث کې اړین رول ولوبوي.
په یاده غونډه کې، د افغانستان او پاکستان د خصوصي سکتورونو استازیو په تورخم او غلام خان بندرونو کې د شتو سوداګریزو او ټرانزیټي ستونزو او د (اپتا) په تړون کې د بدلونونو او همکاریو په اړه خبرې اترې وکړی. بر سیره پردې، په پاکستاني بانکونو کې د افغان سوداګرو بانکي ستونزو، د پیسو د انتقال ستونزو، په پورته نوموړو بندرونو کې د افغان مسافرو د تیریدو ستونزو، د پاکستان په خاوره کې د کرونا ویروس پر مهال د افغان سوداګرو د مالونو د توقف او دیمرج په اړه، پاکستان هیواد ته د افغان محصولاتو په صاداراتو کې ستونزو، په بندري امورو کې د مختلفو پاکستاني ادارو لاس وهنې، د ګډ اتاق په مدیره هیت کې د ښځو د اتاق د استازې ګمارنې، د دواړو هیوادونو د ښځو اتاقونو د اړیکو د لا ښه والي، او یو لړ نورو فني ستونزو په اړه خبرې وشوې.
نوموړي د هیواد په ګمرکونو کې د لازمو آسانتیاو د رامنځته کولو او د خصوصي سکتور د لا پیاوړي کولو په لاره کې د اتاق د عملي هڅو یادونه وکړه او هیله يې څرګنده کړه، چې د افغانستان دولت او نړیوالې ټولنې ملاتړ به وکولې شي خصوصي سکتور په دی توانا کړي چې په صادراتو او وارداتو کې لازمې آسانتیاوې رامنځته کړي.