د افغانستان د سوداګرۍ او پانګونې اتاق د مدیره پلاوي لومړي مرستیال ښاغلي حاجي محمد یونس مهمند، د مدیره پلاوي د دارالانشاء رئیس ښاغلي خان محمد سرفراز باز، د مدیره پلاوي مالي رئیس ښاغلي شیرین آغا سخي، د مدیره پلاوي غړیو هر یو ضیاءالدین اچکزي او احمد ضیاء عظیمي شینوزاده او د هېواد یو شمیر سوداګرو او پانګه اچوونکو د ماليې وزارت سرپرست وزیر ښاغلي محمد خالد پاینده او د ګمرکونو له مرستیالې آغلې آمنه احمدي سره د لیدنې په ترڅ کې د خصوصي سکتور د ستونزو په اړه خبرې اترې وکړی. 
ښاغلي مهمند د کارول شوو پرزو واردوونکو سوداګرو او په کارول شوو پرزو د لوړې تعرفې، د کاغذ واردولو لوړې تعرفې او کام ایر هوايې شرکت ته د نړۍ مختلفو برخو ته د سوداګریزو توکو د انتقال به بدل کې پیسې نه ورکولو ستونزې یادې او د مالیې وزارت څخه يې د یادو ستونزو د له منځه وړلو غوښتنه وکړه.
د کارول شوو پرزو او شته فساد په اړه وینا کې ښاغلي محمد خالد پاینده زیاته کړه چې موږ غواړو ریښتیني سوداګر د کمیسارانو څخه جلا کړو او د اتاق په همکارۍ، زه غواړم د سوداګرو ستونزو ته رسیدګي وکړم. هغه ټینګار وکړ چې د مالیې وزارت او خصوصي سکتور ترمنځ خبرو کې باید د هیواد د سوداګرو ستونزو ته رسیدګي وشي.
ښاغلي پاینده د هوايې شرکتونو د ستونزو د له منځه وړلو په برخه کې ژمنه وکړه چې نوموړی به د اړونده دولتي ادارو سره په یوه ځانګړې ناسته کې د یادې ستونزې حل لارې ولټوي.
ښاغلي خان محمد سرفراز باز په نظام کې د فاسدو عناصرو شتون په ځانګړي ډول ګمرکونو یادونه وکړه، کوم چې د حکومت او سوداګرو تر منځ واټن رامینځته کوي. هغه زیاته کړه چې موږ د سوداګریزو توکو او ګمرکي تعرفو کې د روڼتیا غوښتونکي یو او پدې برخه کې موږ د مالیې وزارت او د ګمرکونو معینیت سره همکارۍ ته چمتو یو.
ښاغلي شفیق الله عطایي د هیواد د سوداګرو د ستونزو د حل په خاطر د خصوصي – سکتور او حکومت د خبرو اترو څخه ملاتړ وکړ او ډاډ یې ورکړ چې په دې برخه کې د هر ډول همکارۍ لپاره چمتو دی. هغه د هوایی دهلیز له لارې صادرولو کې د حکومت او خصوصي سکتور لاسته راوړنې په ګوته کړې او هغه ستونزې چې د کام ایر هوايې شرکت، آریانا ، ترکش او سپیس ګیټ په ګډون ځینې هوایي شرکتونو ته په وروستيو میاشتو کې د سبسایډونو نه ورکړې له امله رامینځته شوي دي د ماليې وزارت څخه يې د له منځه وړلو په برخه کې د همکارۍ غوښتنه وکړه.
ښاغلي شیرین اغا سخي د هیواد په ګمرکونو کې د قانون مساوي پلي کول مهم وبلل او د مالیاتو او دولتي عوایدو د ورکړې پروسې د اسانولو غوښتنه یې وکړه. هغه د قانون پلي کولو کې د سوداګرو او پانګوالو تر منځ د هر ډول همکارۍ ژمنه وکړه.
بیا ځینې کاغذ واردوونکو د کاغذ پر وارداتو د لوړې تعرفې د۲۰ سلنه ډیروالي په اړه اندیښنه څرګنده کړه، او ټینګار وکړ چې دا د تولید شرکت لخوا د تولید انحصار، په بازار کې د کاغذونو کمښت او لوړې بیې سبب ګرځي.
آغلې آمنې احمدي وویل چې د کاغذ پر ګمرکي تعرفو زیاتوالې د تعرفې د تعیین کمیټې لخوا چې د افغانستان د سوداګرۍ او پانګونې اتاق هم ددی کمېټې غړیتوب لري په نظر کې نیول کیږي چې بیا وروسته د حکومت مشرتابه لخوا تصویب کیږي.
نو په همدې اساس د افغانستان د سوداګرۍ او پانګونې اتاق د مدیره پلاوي لومړي مرستیال ښاغلي محمد یونس مهمند، د افغان – پاک ګډ اتاق د مشرتابه پلاوي غړیو، د اړونده ادارو او د دواړو هېوادونو د خصوصي سکتور غړیو په ګډون د صنعت او سوداګرۍ وزیر محترم نثار احمد غوریاني په رهبرۍ په انلاین توګه نن د پاکستان د سوداګرۍ وزارت د رهبرۍ سره اپتا تړون د درې میاشتو لپاره تمدید کړل شو.
لومړی د کمیسیون کاري پلانونه او د راتلونکو ټاکنو لپاره د عملیاتي پروسې اصلاحي تدابیر د ټاکنو د خپلواک کمیسیون ښاغلي رئیس له خوا ښاغلي احمديار او ښاغلي فارابي ته بیان کړی شول او دوی يې هر کل وکړ. په ځانګړي ډول د بایومیټریک وسیلو په کارولو او د بریښنایی پېژند پاڼو باندې د ډیر څه تاکید، او همدارنګه په سیسټم کې د رای ورکوونکو لیست تعدیل او د رای ورکوونکو نومونو لیکل یوه هغه موضوع وه چې د افغانستان د سوداګرۍ او پانګونې اتاق عمومي رئیس ورته لیوالتیا څرګنده کړه. 
د افغانستان د سوداګرۍ او پانګونې اتاق او د افغان – امریکا ګډې سوداګرۍ خونې ترمنځ نږدې همکارۍ څخه د مننې ترڅنګ، ښاغلي لوطفي وویل چې هڅې روانې دي ترڅو د سږکال تر سپټمبر پورې په متحده ایالاتو کې د افغان - امریکا د سوداګریز تواصل کنفرانس ناسته ترسره کړي.
