د افغانستان د سوداګرۍ او پانګونې اتاق څارنې پلاوي لسمه ناسته د یکشنبه په ورځ له غرمې وروسته، د څارنې پلاوي رئیس ښاغلي عبدالحامد حمیدي تر ریاست لاندی او د څارنې پلاوي منشي ښاغلي عبدالمتین قلندري، د څارنې پلاوي غړیو هر یو ښاغلي خالد احمدي او محمد ناصر صمیم په ګډون د څارنې پلاوي په دفتر کې چې، د کابل ښار په شهرنو کې موقعت لري، ترسره شوه.
په دی ناسته کې، د افغانستان د سوداګرۍ او پانګونې اتاق اړوند بنسټیزو موضوع ګانو لکه: د هرات ولایتي اتاق هوټل ستونزه او د بیا په کرایه ورکول يې، د وروستیو سیاسي بدلونونو په پایله کې، د اتاق مالي وضعیت، د کابل ولایتي اتاق لپاره د ځای نیول او ځینو موضوع ګانو په اړه هر اړخیزې خبرې وشوې او لازمې پریکړې ونیول شوې.
د هېواد سوېلي حوزې سوداګرو له پاکستان سره د افغانستان په تېره بيا په سپين بولدک دروازه کې ستونزو او داچې د څو ورځو راهيسې په دې لاره کې د تازه مېوو په ګډون د دوى سوداګريز مالونه بند پاتې دي، خپله اندېښنه څرګنده کړه او د اتاق له مشرتابه یې وغوښتل، چې د دوی ستونزې د افغانستان اسلامي امارت له اړوندو ارګانونو سره شریکې او دغه دروازه دې ژر تر ژره د سوداګریزو توکو لیږد پر مخ پرانیزي.
ښاغلي مهمند ګډونوالو ته د ښه راغلاست ویلو ترڅنګ، په هېواد کې د وروستیو سیاسي بدلونونو سره سره خصوصي سکتور ته د خدمتونو د وړاندې کولو په برخه کې د ولایتي او ولسوالیو اتاقونو کړنې وستایلې او په دی وروستیو کې يې د هغو ستونزو او ننګونو یادونه وکړه چې د خصوصي سکتور او دده د کارونو په لاره کې خنډ ګرځیدلې وې، په ځانګړې توګه بانکي ستونزې او د خوراکي توکو لوړې بیې.
ښاغلي مهمند د هوايې دهلیز له لارې د هېواد د صادراتو بیا پیل په برخه کې، د افغانستان د سوداګرۍ او پانګونې اتاق د هڅو یادونې ترڅنګ، د جلغوزو سوداګرو او د کام ایر هوايې شرکت رول اړین وباله.