د افغانستان د سوداګرۍ او پانګونې اتاق سوداګریز مرستیال ښاغلي خیرالدین مایل احمدي او د اتاق د ټرانسپورټ او ټرانزیټ تخصصي کمېټې مرستیال او د بامیانو ولایتي اتاق رئیس ښاغلي لطف الله امیني د وري په ۶مه او ۷مه نېټه، د ترمز په ښار کې د ازبیکستان، افغانستان او پاکستان ترمنځ په جوړه شوې دری اړخیزې ټرانسپورټي او ټرانزیټي ناسته کې د خصوصي سکتور په استازولۍ ګډون وکړ.

 

په دغې دوه ورځنۍ ناسته کې چې د سوداګرۍ پراختیا او د ازبیکستان، افغانستان او پاکستان ترمنځ د ټرانسپورټي او ټرانزیټي ستونزو حل په موخه جوړه شوې وه، مختلفو لوریو ټرانسپورټي او ټرانزیټي ستونزې مطرح او افغاني پلاوي د یادو ستونزو د له منځه وړلو په موخه ځانګړي وړاندیزونه او حل لارې وړاندې کړې، چې ازبیکستان او پاکستان هم په دی برخه کې خپل چمتووالی څرګند کړ.

د افغانستان د سوداګرۍ او پانګونې اتاق عمومي رئیس ښاغلي توکل احمدیار، د اتاق د مدیره پلاوي سوداګریز مرستیال ښاغلي خیرالدین مایل احمدي، د اتاق د نړیوالو اړیکو رئیس ښاغلي انجنیر سیدو جاوید برهان او د عامل پلاوي سرپرست رئیس ښاغلي شفیق الله عطايي د ازبکستان خصوصي سکتور بلنې پربنسټ د ازبکستان پانګه اچونې نړیوال کنفرانس کې ګډون وکړ.

 

ددی دری ورځني کنفرانس په لومړۍ ورځ چې د ازبکستان د ولسمشر ښاغلي شوکت میرضیایف له خوا پرانیستل شو، ښاغلي میرضیایف له ۲۰۱۷ کال څخه تر ۲۰۲۲ کال پورې پر بدلونونو، په ځانګړې توګه په ازبکستان کې د بازار د ازادولو، هغو بدلونونو ته د چې بیخ بنسټیزه سکتور پوری تړاو لري، د ازبکستان د اقتصاد خصوصي کولو او بشري سرچینو برخه کې پانګه اچونې په اړه خبرې اترې وکړې.

 

د ازبکستان ولسمشر دغه راز د راتلونکو پنځو کلونو لپاره د خپل هېواد د پلانونو په تیره بیا د بانکونو د خصوصي کولو، خدماتو، د اقتصادي زیربناوو د ښه والي او د پانګونې د جلبولو یادونه وکړه.

ورپسې د اسيايي بانک رئيس، د نړيوال بانک رئيس، د بيارغونې او پراختيا برخه کې د اروپايي بانک رئيس او د WTO سازمان سکرتر جنرال په ازبکستان کې د خپلو پنځو کلنو کاري پلانونو په اړه د خبرو کولو ترڅنګ، د بیخ بنسټیزه کارونو ښه والي او د پانګونې د جلب په برخه کې ژمنې وکړې.

 

ښاغلي احمدیار او ورسره پلاي د فرصت نه په ګټه اخیستو سره په ازبکستان کې میشتو یو شمېر افغان خصوصي شرکتونو سره چې په دې ناسته کې یې برخه اخیستې وه، وکتل. او په ازبکستان کې د دوی د پانګونې په اړه د دوی د اندېښنو د اورېدو او همدارنګه د ټرانزیټ په برخو کې د دوی د ستونزو د اورېدلو پر مهال يي دوی وهڅول شول چې په هېواد کې پانګونه وکړي.

 

د خصوصي سکټور له استازو او ازبک پانګوالو سره په کتنه کې د اتاق مشرتابه پلاوي په افغانستان کې د پانګونې د شته فرصتونو یادونه وکړه او زیاته يي کړه چې په ادارو کې د فساد کموالي او د پانګوالو لپاره د ښه امنیت شتون په افغانستان پانګه اچونې ته لاره هواره کړې ده او له هغوی یې وغوښتل چې په افغانستان کې پانګونه وکړي.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د مدیره پلاوي د دارالانشاء رئیس ښاغلي خان محمد سرفراز باز، د مدیره پلاوي مالي رئیس ښاغلي شیرین آغا سخي، د مدیره پلاوي غړيو هر ښاغلي ذکریا بریالي او ضیاءالدین اچکزي، د اتاق د عامل پلاوي مالي او اداري مرستیال ښاغلي میرویس هوتک، د کابل ولایتي اتاق مدیره پلاوي لومړي مرستیال ښاغلي احمد شاه حکیمي، د کندهار ولایتي اتاق لومړي مرستیال ښاغلي حاجي محمد داود، د صرافانو اتحاديي مشرتابه او د هېواد یو شمیر سوداګرو د کابل امنیه قوماندانۍ لومړي مرستیال ښاغلي مولوي محمد ابراهیم او د کابل ولایت یو شمیر امنیتي مسؤلینو سره د لیدنې په ترڅ کې، د شتو ستونزو په اړه خبرې وکړې.

 

یاده ناسته کې چې د افغانستان د سوداګرۍ او پانګونې اتاق کنفرانسونو تالار کې ترسره شوه، ښاغلي مهمند د کابل امنیه قوماندان مرستیال او امنیتي مسوولینو ته د ښه راغلاست ترڅنګ د سوداګرۍ او پانګونې اتاق سره د دوی د دوامدارې او ښې همکارۍ ستاینه وکړه او د افغانستان اسلامي امارت امنیتي مسؤلینو په ځانګړې توګه د کابل امنیه قومندانۍ ته يي د سوداګرو او پانګوالو د ښه امنیت د تامین او د اتاق او د کابل امنیه قوماندانۍ ترمنځ د لاډیرې همکارۍ او همغږۍ په موخه یو شمیر وړاندیزونه مطرح کړل.

 

ښاغلي مهمند سوداګرو ته د وسلو د جوازونو د بیا وېش چې پخوا د امنیه قومندانۍ له خوا وېشل کیدل او د سوداګرو د ستونزو هواري په موخه د کابل امنیه قومندانۍ او د افغانستان د سوداګرۍ او پانګونې اتاق د مشرتابه تر منځ د منظمو اونیزو غونډو په جوړولو ټینګار وکړ.

ښاغلي زکریا بریالي د سوداګرو او پانګوالو د امنیت د تامین په برخه کې د اسلامي امارت د امنیتي ځواکونو د همکارۍ د ستایلو ترڅنګ، د امنیتي ځواکونو په ځانګړي یونیفورم او د کورنیو چارو له وزارت څخه د پولیسو قومندانۍ ته د وسلو د جواز په انتقال ټینګار وکړ.

 

ښاغلي ضیاء الدین اچکزي او ښاغلي غلام نبي عیدي زاده د سوداګرو ځانګړې ستونزې په ګوته کړې او د حل غوښتنه یې وکړه.

ښاغلي احمدشاه حکیمي د کابل شهزاده سرای او د صنایعو زرغون ښارګوټي مسئولینو ته د اشارې کولو ترڅنګ، د هغوی د ستونزو د حل په موخه یې د امنیتي مسوولینو او امنیه قومندان پام راجلب کړ.

د صرافانو د اتحادیې غړي ښاغلي عبدالرحمن ځیرک او یو شمېر صرافانو هم د بانکونو په برخه کې د خپلو ستونزو او امنیتي ننګونو په اړه خبرې وکړې.

 

د کابل ولایت د امنیه قومندانۍ لومړي مرستیال ښاغلي مولوي محمد ابراهیمي د هېواد په اقتصادي وده کې د سوداګرو رول او اهمیت ته اشاره وکړه او د غلو او سړي تښتونکو په ځانګړي ډول د انسان تښتوونکو په نیولو کې یې د امنیه قوماندان د قاطعانه کړنو او ۲۰۸۸ کسانو نیولو خبر ورکړ. نوموړي زياته کړه "امنيه قومانداني به د سوداګرو او صرافانو د امنيتي ستونزو هواري ته لومړيتوب ورکړي او د سوداګرو د بانکي ستونزو په هواري کې به تر خپل وس او توان سره همکاري وکړي."

 

ښاغلي خان محمد سرفراز باز د ناستې په نچوړ کې وویل "د اسلامي امارت امنیتي مسؤلینو په لنډه موده کې د سوداګرو او پانګوالو د امنیت په برخه کې ډېر کارونه کړي دي."

ښاغلي باز د امنیتي وضعیت د ښه والي په برخه کې د سوداګرو رغنده وړاندیزونه مهم او اغېزمن وبلل او په امنیتي چارو کې یې د ځینو ارګانونو پر لاسوهنې نیوکه وکړه او د امنیتي ځواکونو لپاره یې د یونیفورم کارول مهم او اړین وباله.

د افغانستان د سوداګرۍ او پانګونې اتاق دارلانشاء رئیس ښاغلي خان محمد سرفراز باز، د مدیره پلاوي غړیو هر یو ښاغلي ضیاءالدین اچکزي او احمد ضیاء عظیمي شینوزاده، د عامل پلاوي مالي او اداري مرستیال ښاغلي میرویس هوتک، د افغان – ګډ اتاق اجرائیوي رئیس ښاغلي نقیب الله صافي د پاکستان سرحد سوداګرۍ او صنایعو اتاق پخواني مرستیال او د یاد اتاق د مدیره پلاوي اوسني غړي ښاغلي منظور الهي او د سارک اتاق سره د لیدنې په ترڅ کې، د دواړو هېوادونو ترمنځ د شتو سوداګریزو او ټرانزیټي ستونزو په اړه خبرې اترې وکړې.

 

ښاغلي منظور الهي د دواړو هېوادونو ترمنځ د بارتر سوداګرۍ، د وارداتو برښنايي یا (EIF) فورم، او د صادراتو برښنايي فورم یا (EF) تمدید، د (ډیټنشن)، کرستپینګ یا د پاکستان کراچۍ بندر کې د کانتینرونو بیړني بدلون او د دواړو هېوادونو په دروازو کې د لازمو آسانتیاوو رامنځته کولو په اړه خبرې وکړې او په یادو برخو کې يي اتاق د همکارۍ غوښتنه وکړه.

 

ښاغلي خان محمد سرفراز باز منظور الهي او ورسره پلاوي ته د ښه راغلاست ویلو ترڅنګ، د بارتر سوداګرۍ، د افغانستان د صادراتو او وارداتو ترمنځ د بیلانس نه شتون او د پیسو د لیږد په اړه مفصلې خبرې وکړې او ژمنه يي وکړه چې یادې موضوعګانې به د سوداګرۍ او صنعت وزارت، د افغانستان بانک او نورو اړوندو سره شریکې او هڅه به وکړي چې په یادو برخو کې دایمي میکانیزم رامنځته او تطبیق کړي.

د افغانستان د سوداګرۍ او پانګونې اتاق عمومي رئیس ښاغلي توکل احمدیار، د اتاق د مدیره پلاوي سوداګریز مرستیال ښاغلي خیرالدین مایل احمدي، د اتاق د نړیوالو اړیکو رئیس ښاغلي انجنیر سیدو جاوید برهان او د عامل پلاوي سرپرست رئیس ښاغلي شفیق الله عطايي د کنفرانس په دویمه او دریمه ورځ کې د یاد کنفرانس نوښت، ټکنالوجۍ او خصوصي کولو پنلونو په ګډون د نورو اوو پنلونو څخه د لیدنې په ترڅ کې، د هېواد د خصوصي سکتور په استازیتوب د افغان خصوصي سکتور شتو ستونزو او په ازبکستان کې د افغان سوداګرو ستونزو په اړه خبرې اترې وکړې.

 

ښاغلي توکل احمدیار په دغو ناستو کې په افغانستان کې د پانګونې په ځانګړې توګه د کانونو، کرنې، خدمتونو او نورو برخو کې د پانګونې د شته فرصتونو په اړه خبرې وکړې او د رامنځته شویو بدلونونو او د اسلامي امارت د تاسیس په اړه په ځانګړي ډول په اداراتو کې د فساد د کمښت او په هېواد کې د پانګوالو لپاره د امنیت د تامین او همدارنګه په افغانستان کې د پانګونې لپاره د ښو رامنځته شویو شرایطو یادونه وکړه او په ازبکستان کې میشتو افغان سوداګرو او د نړیوالو پانګوالو یې وغوښتل چې په افغانستان کې پانګونه وکړي.