د میدان وردګو د کوتل تخت صنعتي پارک د چهار شنبې په ورځ د صنعت او سوداګرۍ وزارت سرپرست نورالدین عزیزي، د افغانستان د سوداګرۍ او پانګونې اتاق د مدیره پلاوي دارالانشاء رئیس ښاغلي خان محمد سرفراز باز او د افغانستان د سوداګرۍ او پانګونې اتاق غړي احمد ضیا عظیمي شینوزاده، د اسلامي امارت د ویاند مرستیال انعام الله سمنګاني، د میدان وردګو والي مولوي محمد امین عمري، د میدان وردګو ولایتي اتاق رئیس ښاغلي نوراغا ابراهیمي، د میدان وردګو ولایتي اتاق مدیره پلاوي مرستیال او غړیو له خوا په رسمي توګه پرانیستل شو.

 

ښاغلي نورالدین عزیزي په خپلو خبرو کې د دغه پارک اهمیت ته اشاره وکړه او ویې ویل: د کوتل تخت صنعتي پارک لومړنی صنعتي پارک دی چې د اسلامي امارت لخوا پرانستل شو. هغه زیاته کړه، دغه پارک چې د ۲۰۰ جریبه ځمکې مساحت لري په ۱۳۹۲ هجري لمریز کال کې د ښار په مربوطاتو کې د تولیدي فابریکو د جوړولو په موخه خصوصي سکتور ته وسپارل شو.

 

ښاغلي عزيزي زياته کړه "دغه صنعتي پارک له کابل ولايت سره د نږديوالي له امله ځانګړى اهميت لري او توليدات يې په کم مصرف سره پلازمېنې ته لېږدول کېږي. په اوسنيو شرايطو کې د دغه پارک د توليدي فابريکو پرانيستل د هېواد د صنعت او کورنيو توليداتو د ودې لپاره يو مهم ګام بلل کېږي."

 

ښاغلي خان محمد سرفراز باز د اقتصاد په وده او کورنیو تولیداتو کې د صنعتي پارکونو رول مهم وباله او ویې ویل: صنعتي پارکونه په حقیقت کې د صنایعو د ودې او پراختیا لپاره مناسب ځای او همدارنګه د کورنیو او بهرنیو سوداګرو د جلب او جذب ډګر دی. د کورنیو صنعتونو د ودې لپاره د یوه پلیټ فارم په توګه د صنعتي پارکونو جوړولو، پراختیا او مدیریت ته باید لازمه پاملرنه وشي.

 

ښاغلي باز زیاته کړه "د صنعتي پارکونو جوړول او پراختیا به د صنعت او ملي تولیداتو د ودې لامل شي؛ د هیواد صادرات به ډیر شي او د سوداګرۍ د توازن لامل ګرځي؛ د صنعتي فابریکو جوړیدل د کار او کارموندنې لپاره لاره هواره کړې او دا د اقتصادي او سیاسي ثبات لامل کیږي. د سړي سر عاید زیاتوي او په ټولنه کې د عاید ویش ښه کوي؛ د ټولنې د خلکو مادي اړتیاوې په ښه توګه پوره کیږي او داخلي سرچینې په اغیزمنه توګه کارول کیږي."

 

ښاغلي احمد ضیا عظیمي شینوزاده د اقتصادي ودې او د صنعتي پارکونو د جوړولو په برخه کې د دولت له پاملرنې څخه هرکلی وکړ او د اقتصادي ودې او پراختیا لپاره یې د پانګونې جذب، له ملي زیرمو څخه اغېزمنه ګټه اخیستنه، د کارموندنې رامنځته کول، د بې وزلۍ کمول او د ټولنیزې هوساینې په برخه کې اړین وبلل او ټینګار یې وکړ چې د ملي صنایعو او تولیداتو پراختیا ته باید لازمه پاملرنه وشي.

د افغانستان د سوداګرۍ او پانګونې اتاق عامل پلاوي سرپرست رئیس ښاغلي شفیق الله عطايي، د افغانستان د سوداګرۍ او پانګونې اتاق مدیره پلاوي غړي ښاغلي احمد ضیاء عظیمي شینوزاده، د اتاق د نړیوالو اړیکو ډیپارټمنټ مسؤل ښاغلي امید غفورزي، د ښځو د اتاق اجرائیوي رئیسې آغلې رویا حافظي، او د حرکت ادارې اجرائیوي رئیس ښاغلي حجت فضلي د افغانستان او پاکستان لپاره د اروپايې اتحاديې ځانګړي استازي ښاغلي تامس نیکولسن او د افغانستان لپاره د اروپايې اتحاديې د سیاسي، مطبوعاتي او معلوماتي څانګې رئیس فردیناند جنریک سره د لیدنې په ترڅ کې د افغانستان د اقتصادي وضعیت او د افغان خصوصي سکتور د فعالیتونو په اړه خبرې اترې وکړې.

 

ښاغلي عطايي د افغانستان د اقتصادي وضعیت او د افغانستان د اقتصادي وضعیت لا ښه والي برخه کې د افغانستان د سوداګرۍ او پانګونې اتاق د فعالیتونو په اړه بشپړ مالومات وړاندی کړل.

 

ښاغلي عطايي د خپلو خبرو په جریان کې، په هېواد کې د ښه امنیت او د اتاق اقتصادي او سوداګریزو فعالیتونو په څانګړې توګه په دی وروستیو کې د صادراتو د کچې لوړوالي ته د اشارې کولو ترڅنګ، د خصوصي سکتور پر وړاندی د شتو ننګونو او ستونزو یادونه وکړه او د یادو ستونزو په له منځه وړلو کې يې د نړیوالي ټولنې په ځانګړې توګه د اروپايې اتحادیې رول اړین وباله.

 

د اروپايې اتحاديې مسؤلینو د افغان خصوصي سکتور فعالیتونو څخه د ملاتړ، د هېواد اقتصادي وضعیت ښه والي او په هېواد کې د بیوزلۍ د کچې ټیټوالي برخو کې د خپل مشروع ملاتړ ډاډ ورکړ.

د افغانستان د سوداګرۍ او پانګونې اتاق عامل پلاوي سرپرست رئیس ښاغلي شفیق الله عطايي او د سوداګرۍ پراختیا ډیپارټمنټ آمر د UNDP له مسؤلینو سره د یوې آنلاین ناستې په ترڅ کې، په افغانستان کې د کاروبار وضعیت سروی له سره بیا پیلولو په اړه خبرې اترې وکړې.

 

ښاغلي عطايي د افغانستان د اقتصادي وضعیت او له ۲۰۱۲ څخه تر ۲۰۲۰ زیږدیز کال پوری د افغانستان د سوداګرۍ او پانګونې اتاق فعالیتونو په ځانګړې توګه په هېواد کې د کاروبار وضعیت په تړو د جي آي زیډ سره د اتاق د ګډو ترسره شویو سروې ګانو په اړه بشپړ مالومات ورکړل.

 

ښاغلي عطايي په هېواد کې د سروې ګانو او د سوداګرو، پانګوالو او متشبثینو په لاره کې د پرتو ستونزو یادونه وکړه او دا يې هم وویل چې د افغانستان د سوداګرۍ او پانګونې اتاق د دوی ستونزو په د پای ټکي کیښودو برخه کې تل نه ستړې کیدونکې هلې ځلې ترسره کړي او د هېواد د خصوصي سکتور پراختیا برخه کې يې تل کوټلي ګامونه پورته کړي او لازمې آسانتیاوو رامنځته کولو ته يې لاره هواره کړې ده.

 

د UNDP مسؤلینو د ښاغلي عطايي د نظرونو او وینا اوریدو وروسته، د یادو سروې ګانو بیا پیل برخه کې خپله لیوالتیا څرګنده او ژمنه يې وکړه چې د اتاق سره د ګډې همغږۍ او همکارۍ او پرله پسې ناستو په پایله کې یادې سروې ګانې بیا پیل کړي.

د افغانستان د سوداګرۍ او پانګونې اتاق مدیره پلاوي دارالانشاء رئیس ښاغلي خان محمد سرفراز باز، د مدیره پلاوي غړي ښاغلي خان جان الکوزي او د عامل پلاوي مالي او اداري مرستیال ښاغلي میرویس هوتک د سفنج تولید فابریکو لرونکو او د هېواد یو شمیر سوداګرو سره په دوه جلا ناستو کې د دوی د شتو ستونزو په اړه خبرې اترې وکړې.

 

د سفنج فابریکو رئیسانو د خپلو تولیداتو او هغه خنډونو چې د هرات ګمرک کې د سفنج د تولید د خامو موادو د ځینو توکو د واردولو په برخه کې رامنځ ته شوي دي چې د یادو فابریکو د کار ودریدو سبب ګرځیدلي دي، خبرې وکړې او د افغانستان د سوداګرۍ او پانګونې اتاق له مشترتابه څخه يې وغوښتل د اړوندو ادارو سره د ګډې همغږۍ په پایله کې د دوی ستونزو ته د حل مناسبې لارې چارې ولټوي.

 

دغه راز يو شمېر سوداګرو د اتاق له مشرتابه پلاوي سره په جلا ناسته کې د الفلاح او پاکستان نشنل بانکونو له لارې د سوداګرو د پيسو د لېږد له ستونزې شکايت وکړ او د اتاق له مشرتابه يې وغوښتل، چې د يادې ستونزې د هواري لپاره ورسره همکاري وکړي.

 

ښاغلي خان محمد سرفراز باز او خان جان الکوزي د سوداګرو ته د ښه راغلاست او د هغوی د ستونزو له اورېدو وروسته د افغانستان د سوداګرۍ او پانګونې اتاق د هېواد د ټولو سوداګرو ګډ کور وباله او له اړوندو ادارو سره د ګډې همغږۍ او همکارۍ په پایله کې د سوداګرو ستونزو له منځه وړلو برخه کې يې د هر ډول همکارۍ ژمنه وکړه.

د افغانستان د سوداګرۍ او پانګونې اتاق عامل پلاوي سرپرست رئیس ښاغلي شفیق الله عطايي، د افغانستان د سوداګرۍ او پانګونې اتاق مدیره پلاوي غړي ښاغلي احمد ضیاء عظیمي شینوزاده، د اتاق د نړیوالو اړیکو ډیپارټمنټ مسؤل ښاغلي امید غفورزي، د ښځو د اتاق اجرائیوي رئیسې آغلې رویا حافظي، او د حرکت ادارې اجرائیوي رئیس ښاغلي حجت فضلي د افغانستان او پاکستان لپاره د اروپايې اتحاديې ځانګړي استازي ښاغلي تامس نیکولسن او د افغانستان لپاره د اروپايې اتحاديې د سیاسي، مطبوعاتي او معلوماتي څانګې رئیس فردیناند جنریک سره د لیدنې په ترڅ کې د افغانستان د اقتصادي وضعیت او د افغان خصوصي سکتور د فعالیتونو په اړه خبرې اترې وکړې.

 

ښاغلي عطايي د افغانستان د اقتصادي وضعیت او د افغانستان د اقتصادي وضعیت لا ښه والي برخه کې د افغانستان د سوداګرۍ او پانګونې اتاق د فعالیتونو په اړه بشپړ مالومات وړاندی کړل.

 

ښاغلي عطايي د خپلو خبرو په جریان کې، په هېواد کې د ښه امنیت او د اتاق اقتصادي او سوداګریزو فعالیتونو په څانګړې توګه په دی وروستیو کې د صادراتو د کچې لوړوالي ته د اشارې کولو ترڅنګ، د خصوصي سکتور پر وړاندی د شتو ننګونو او ستونزو یادونه وکړه او د یادو ستونزو په له منځه وړلو کې يې د نړیوالي ټولنې په ځانګړې توګه د اروپايې اتحادیې رول اړین وباله.

 

د اروپايې اتحاديې مسؤلینو د افغان خصوصي سکتور فعالیتونو څخه د ملاتړ، د هېواد اقتصادي وضعیت ښه والي او په هېواد کې د بیوزلۍ د کچې ټیټوالي برخو کې د خپل مشروع ملاتړ ډاډ ورکړ.