د افغانستان د سوداګرۍ او پانګونې اتاق د عمومي رئیس ښاغلي توکل احمدیار تر مشرۍ لاندی او د مشرتابه پلاوي اکثریت غړیو د پنجشنبه په ورځ د روان لمریز کال د چنګاښ په ۲مه، د یوې بیړنۍ ناستې په ترڅ کې، د خوست، پکتیا او پکتیکا ولایتونو زلزله ځپلو سره د خواخوږۍ څرګندونې ترڅنګ، شهیدانو ته د مغفرت دعا وکړه او د یادې ناوړه پیښې زیانمنو سره يې د خپلو شخصي بودیجو څخه د ۱۵ میلیونه افغانیو مرستې کولو اعلان وکړ.
د افغانستان د سوداګرۍ او پانګونې اتاق مشرتابه پلاوی د زلزلې زیانونه ډیر ستر او هلاکوونکي بولي او د هېواد د سوداګرو او پانګوالو څخه په خورا درنښت هیله کوي چې، د یادې پېښې زیانمنو سره د بشردوستانه مرستو په ترسره کولو سره، خپله ایماني، اسلامي او وجداني وجیبه ادا او د زیانمنو لاسنیوی وکړي.
همدارنګه، د زلزلې زیانمنو سره به بشردوستانه مرستې د افغانستان د سوداګرۍ او پانګونې اتاق په همغږۍ دوام ولري.
ښاغلي ملا عبدالغني برادر په دغه سهامي شرکت کې د بېلابېلو قومونو د لویو ونډه والو شتون د ملي یووالي سمبول او یو مثبت ګام وباله او زیاته یې کړه چې دوی تل د ریاست الوزار په اقتصادي ناستو کې د سوداګرو او پانګوالو ستونزو ته پاملرنه کړې ده او د حل مناسبې لارې چارې ورته ولټولي.
په دغو ناستو کې ښاغلي مهمند له روسیې سره د افغانستان د سوداګرۍ د پراختیا او په ځانګړې توګه د روسيې نفتي او خوراکي توکو لکه اوړه، غنم او غوړيو ته د افغانانو د اړتیا په اړه خبرې وکړې او له افغان سوداګرو یې هم وغوښتل چې په هېواد کې د ښه امنیت او اداري فساد نه شتون په نظر کې نیولو سره په هېواد کې پانګونه وکړي.
ښاغلي مهمند ښاغلي تیمور ته د افغانستان د سوداګرۍ او پانګونې اتاق د اقتصادي او سوداګریزو فعالیتونو په اړه د مالوماتو ورکولو ترڅنګ، د دواړو هېوادونو د سوداګرۍ پر پراختیا او ګډو همکاریو ټینګار وکړ.
په دی غونډه کې د دوربان کنفرانس د په لاره اچولو په ځانګړې توګه په افغانستان کې د ماشومانو د کار مخنیوي او همدارنګه په هغو موضوعګانو چې په یاد کنفرانس کې د په کار ګمارونکو او اتحادیو لخوا پری موافقه شوې د پریزنټیشنونو په وړاندی کولو سره پری ټنګار وشو او ژمنه يې وکړه چې په کنفرانس کې د یادو موضوعاتو تطبیق برخه کې به خپلې نه ستړی کیدونکي هلې ځلې کوي.