د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند، د اتاق د مدیره پلاوي د دارالانشاء رئیس ښاغلي خان محمد سرفراز باز، د مدیره پلاوي غړي او د نفتي موادو کمېټې رئیس ښاغلي جان آقا صادقي، د عامل پلاوي مالي او اداري مرستیال ښاغلي میرویس هوتک او د هېواد د مختلفو ولایتونو څخه د نفتي موادو ډیر شمیر سوداګرو په انسا اداره کې د حکومت د سکتوري ادارو مسؤلینو سره د لیدنې په ترڅ کې، د نفتي موادو واردوونکو ستونزو حل، سوداګریزو آسانتیاوو رامنځته کولو او پانګه اچونو راجلبولو په اړه خبرې اترې وکړې. 
ښاغلي مهمند د سټنډرډ ملي ادارې له مسؤلینو سره د نفتي سکتور د ستونزو په ځانګړي ډول هغه ستونزې چې د نفتي توکو سوداګر یې په بندرونو کې د معیارونو د پلي کولو په برخه کې لري خبرې وکړې او دغه راز یو شمېر هغه نفتي مواد چې دوی له ایران څخه واردوي کوم چې د افغانستان له معیارونو سره توپیر لري په اړه يي د اړوندو دولتي ادارو له مسؤلینو سره خبرې وکړې.
نوموړي وړانديز وکړ، چې د دې سکتور د ستونزو د حل په موخه دې د نفتي توکو د سوداګرو د استازو او د اړوندو ادارو د مسوولينو په ګډون يوه کمېټه جوړه شي، څو دغه کمېټه له يو بل سره په همغږۍ او همکارۍ سره د شته ستونزو او حل لارو په اړه بحث وکړي.
همدارنګه ښاغلي مهمند د یادو ادارو استازو ته سپارښتنه وکړه، د ژمي د ستراتیژیکو زېرمو د جوړولو په اړه جدي پریکړه وکړي څو ګران هېوادوال د ژمي په موسم کې د نفتي توکو د کمښت له ستونزې سره مخ نه شي.
د سټنډرډ ملي ادارې عمومي رئیس محترم مولوي فیض الله تمیم د شته ستونزو په اړه خبرې وکړې او ژمنه یې وکړه، چې د سټنډرډ ملي اداره د سوداګرو د ستونزو په حل کې هر ډول همکارۍ ته چمتو ده.
په دې ناسته کې د نفتي توکو د سوداګرو استازو هم د خپلو ولايتونو په استازيتوب خبرې وکړې او يو شمېر يې له ايران څخه د باکيفيته نفتي توکو د واردولو د اجازې غوښتنه وکړه، هغوى وويل چې د ايران د نفتي توکو بيې ارزانه او د خلکو او د دوی د وسایطو د ګټې اخیستنې لپاره مناسب دي.
په دې ناسته کې د ریاست الوزرا، د صنعت او سوداګرۍ وزارت، د بهرنیو چارو وزارت، د ریل پټلۍ ادارې، د ګمرکونو عمومي ریاست او د نفتو او ګازو دولتي شرکت محترمو استازو د معیارونو او د ستونزو د حل د څرنګوالي په اړه خپل نظرونه څرګند کړل او ژمنه یې وکړه د سوداګرۍ او پانګونې اتاق او د تیلو واردوونکو سره به د دوی د ستونزو حل برخه کې نه ستړې کیدونکې هلې ځلې وکړي.
په پای کې پرېکړه وشوه چې، د نفتي توکو واردوونکي او د انساء ادارې مسؤلین به د تخنیکي ناستو په ترڅ کې یادو ستونزو ته د حل مناسبې لارې چارې لټوي.
ښاغلي مهمند د ګازو او تیلو واردوونکو اتحاديي رئیس او غړو ته د ښه راغلاست ویلو په ترڅ کې د هېواد په سختو شرايطو کې د خلکو د اړتیاوو په پوره کولو کې د دې اتحاديي د خدمتونو ستاینه وکړ او په مناسبه بيه د با کيفيته تېلو او ګازو پر واردولو او د بې کيفيته نفتي توکو واردولو پر مخنيوي ټينګار وکړ.
په دې لیدنه کې د سوداګرۍ او پانګونې پر ستونزو او د هغه پر وړاندې پرتو خنډونو د لرې کولو، د پانګونې د جلبولو، د افغانستان د کنګل شویو پیسو پر خلاصون، د خصوصي سکټور پر ملاتړ او د ګډو همکاریو په اړه خبرې وشوې.
د سفر په لومړۍ ورځ يې د پاکستان هېواد د خصوصي سکتور مسؤلینو او د پاکستان حکومتي چارواکو سره په ناسته کې د افغانستان د سوداګرۍ او پانګونې اتاق په استازولۍ د دواړو هېوادونو د سوداګرۍ او ټرانزیټ په لاره کې د پرتو ستونزو حل، سوداګرۍ پراختیا، سوداګریزو آسانتیاوو رامنځته کولو او د دواړو هېوادونو د خصوصي سکتورونو ترمنځ د لا ډیرې همکارۍ په رامنځته کولو ټینګار وکړ.
ښاغلي وهاج په وروستیو کلونو کې د روغتیا سکتور د ودې او د خصوصي سکتور د رول په اړه په ځانګړې توګه د کرونا ویروس د خپریدو او په هیواد کې له بدلونونو وروسته چې ناروغان تل د ویزې او سفر له ستونزو سره مخ وو، خبرې وکړې او له اتاق څخه يې وغوښتل چې د روغتیا سکتور د ودې، د ناروغانو د ستونزو د حل او له حکومت سره د لا زیاتې همغږۍ په خاطر باید د خصوصي سکتور پلانونه او وړاندیزونه د عامې روغتیا وزارت سره د عامه او خصوصي مشارکت په موخه شریک شي.
ښاغلي محمد صدیق مهمند کندهار ولایت ته د ښاغلي ارګینای او ورسره پلاوي د سفر په ځانګړي ډول د دغه ولایت د سوداګرۍ او پانګونې اتاق څخه د لیدنې په اړه د ښه راغلاست ترڅنګ د دواړو هېوادونو ترمنځ د سوداګرۍ د پراختیا او د افغان سوداګرو لپاره د اسانتیاوو د رامنځته کولو په پار مننه وکړه او په کندهار کې يې د ترکیې د قونسلګرۍ د بیا پرانستلو غوښتنه وکړه.