د افغانستان د سوداګرۍ او پانګونې اتاق  مشرتابه پلاوي، ایران سره د سوداګرۍ د پراختیا او د سوداګریزو اړیکو د ټینګولو په موخه د اتاق مشرتابه پلاوي، ښاغلی احمد حسن كاظم قمی د ایران د اسلامی جمهوریت ځانګړۍ استازۍ او په كابل كې د هغه هیواد سفیر، او له دوی سره مل دیپلوماتانو، لوړ پوړو دولتی چارواكو او د ملی سوداګرو  په شتون کې تعارفی غونډه  په كابل ستار هوټل كې ترسره کړه.
 
ښاغلي محمد یونس مهمند د مدیره پلاوي لومړی مرستیال، ښاغلی احمد حسن كاظم قمی او د هغه همكارانو ته يې ښه راغلاست وویل او د دواړو هیوادونو اړیکې یی حسنه او نیژدې وبللې او پدې برخه کې د ایران هیواد د همکاریو په خاصه توګه د ایران سفارت نه يې مننه وکړه.

ښاغلي مهمند، د هیواد اوسني شرایط یې  د دواړو هیوادونو د سوداګرۍ او پانګونې لپاره مساعد وګڼل او د ایران هیواد له سوداګرو یې غوښتنه وکړه ترڅو د ګډو ارزشونو په نظر کې نیولو سره د شته فرصتونو نه حداکثری استفاده وکړي او په بیلابیلو برخو کې لکه: د کانونو استخراج، د برښنا انرژی تولید، د زراعت او کرنې تقویت  او صحی خدماتو معیاری کول د خصوصی سکټور په همغږی سره پانګونه وکړي.

د مدیره پلاوي لومړۍ مرستیال، واردات له ایران هیواد نه یې په مراتبو ډیر د افغانستان صادراتو په مقابل کې يې وګڼل او پدې هکله يې د ایران له خاص استازي او سفیر نه غوښتنه وکړه چې د ګډو پروګرامونو په لاره اچولو سره همکاری وکړی ترڅو د صادراتو او وارداتو مینځ کې تناسب را منځته شي.

ښاغلي مهمند، د اوسپنې پټلۍ، د هیواد په صادراتو د تعرفې برطرف کیدل، د دواړو هیوادونو  ګمرکي خدماتو معیاری کول او افغانۍ سوداګرو ته د ویزو په برخه کې لازم تسهیلات راوستل یې د دواړو هیوادونو د راکړې ورکړې د لا ډیریدو مهم مسایل وګڼل او پدې برخه کې د پاملرني او همکارۍ غوښتنه وکړه.

ښاغلي رحمت الحق فضیل د بهرنیو چارو وزارت معین، د ایران هیواد خاص استازي او سفیر ته د ښه راغلاست ویلو ترڅنګ د نوموړي هیواد د همکارۍ قدردانی وکړه، او د حکومت پالیسي یې د توازن او اقتصادي مزیت په اساس استواره وګڼله، د دواړو هیوادونو د سوداګرۍ او پانګونې په بهبود باندی ټینګار وکړ.

ښاغلۍ احمد حسن كاظم قمی، د افغانستان د سوداګرۍ او پانګونې اتاق مشرتابه پلاوي، څخه د دې ناستې لپاره ستاینه وكړه او افغانستان یې ورور، دوست او د ګډو ارزښتونو هیواد وګاڼه.

ښاغلي قمی وویل: ددې لپاره چې د دواړو هیوادونو منافع او تهدیدات ګډ دی او دا هیوادونه له ممتاز جغرافیوي موقعیت څخه برخمن دی، نو له دې کبله د ایران سیاست د افغانستان په هکله د ددې هیواد د خلګو د حمایت او ملتیا په اساس ولاړدي.

د ایران خاص استازي او سفیر، د افغانستان د اساسۍ  پروژو د جوړیدو، د دوو هیوادونو په سوداګریزو قوانینو کې د لازمو اسانتیاوو رامنځته کولو، په ګډو مرزونو او مناطقو کې د بادی برښنا د تولید په برخه کې تمرکز او د افغانی او ایرانی سوداګرو په نښلولو باندی ټینګار وکړ.

ښاغلي قمی، د ایران اسلامی جمهوری هیواد د هر اړخیزو همکاریو لکه: د کانونو د استخراج، د لازمو تجهیزاتو فراهم کول د کانونو په استخراج کې، افغان تاجرانو ته د یو کلنو ویزو صادرول، تخصصی افغاني ګروپونو ته د  کرنې، صنعت او د انرژی تولید په برخه کې زدکړه ورکول، د درملو د کارخانو جوړول او د اوسپنې لارې جوړولو په برخه کې ډاډ ورکړ.

پدې ناسته کې، د پورته ویناوالو تر څنګ، ښاغلیو: قدرت الله جمال د صنعت او سوداګرۍ وزارت معین، صدراعظم د کرنې او مالدارۍ وزارت معین، سعید د ګمرکاتو معین، فیض الله د سټنډرد ادارې ریس، مذهبی د اوسپنې پټلۍ ادارې مرستیال، د اطلاعاتو او فرهنګ وزارت معین، او د مدیره پلاوي غړي هر یو ښاغلیو: شیرین آغا سخی د مدیره پلاوي مالي ریيس، سیدجاوید برهان د مدیره پلاوي د نړیوالو اړیکو ریيس، خان محمد سرفراز باز د مدیره پلاوي د دارالانشا ریيس ، خانجان الکوزی، ذکریا بریالی د مدیره پلاوي غړي، میرویس هوتک د هیات عامل ریاست سرپرست او مالي او اداري مرستیال، احمدشاه حکیمی د کابل اتاق د مدیره پلاوي لومړۍ مرستیال، او عبدالرحمن زیرک د شهزاده سرای د صرافانو د اتحادیه غړي حضور درلود.

د ایران- افغانستان دوهم شوروم او سوداګریزه ناسته د «تسهیل ګران تجارت فکر فردا» موسسې په واسطه او د افغانستان- ایران ګډ اتاق، د افغانستان سوداګرۍ او پانګونې اتاق په همکاری د سلواغې په ۱۷ د ۱۴۰۱ هجری کال، د ایران هیواد په مرکزتهران کې ترسره شوه.

ښاغلی محمد یونس مهمند، د سودارګرۍ او پانګونې اتاق د مدیره پلاوي لومړی مرستیال، د یوه لوړپوړي سوداګریز هیات په رأس کې، پداسې حال کې چی د مدیره پلاوي غړی او د نفت او ګاز کمیتې رئیس ښاغلی جان آقا صادقی او ښاغلی عبدالمتین قلندری د نظارهیات منشی او د غزنی اتاق رئیس حضور درلود ایران هیواد ته دسفر په ترڅ کې یې د ایران-افغانستان په دوهمه سوداګریزې ناسته کې ګډون وکړ او د سوداګریزو مذاکراتو او خبرو اترو، د سوداګریزو همکاریو د تړونونو، د ګډو ناستو جوړولو او د عملی ګامونو اخیستلو په تړاو، بحث او خپل نظر یې وړاندی کړ.
 
پدې ناسته کې د افغانستان سوداګرۍ او پانګونې اتاق د رهبرۍ پلاوي د ګډون تر څنګ، د ولایتی اتاقونو د مدیره پلاوي غړیو، د اقتصادی اتحادیو او انجمنونو مسوولانو، د تجارتی او صنعتی لویو شرکتونو ریسانو هم حضور درلود او د ایران هیواد له خوا د دولتی چارواکو، د اقتصادی او سوداګریزو نهادونو لوړ پوړو چارواکو، کرنې، صنعت، معادن، پانګونې او د لویو تولیدی شرکتونو استازو ګډون کړی وو.

ښاغلی محمد یونس مهمند، د دواړو هیوادونو په منځ کې د سوداګریزو اړیکو پراختیا، د پانګونې په برخه کې د دوه اړخیزو فرصتونو پیژندنه، د ګډو ارزشونو تعریف او د مسقیمو سوداګریزو تعاملاتو رامنځته کولو اهمیت یې مهم وباله او پدې برخه کې د هر ډول همکاریو د ترسره کولو اطمینان او ډاډ ورکړ.

ښاغلي مهمند، د ایران لخوا په عباس بندر کې د لا ډیرو اسانتیاوو د برابرولو د استقبال ترڅنګ، د چابهار د بندر د ترانزیتی خدماتو په لا معیاریتوب، افغان تاجرانو ته د ویزې او اقامې په برخه کې د لا اسانتیاوو راوستلو باندې ټینګار وکړ، سرتاسری امنیت، د اداری فساد نشتوالی، د کوکنارو دکښت منع کیدل یې د پانګونې او سوداګرۍ لپاره  خه فرصتونه وبلل. هغه، له ایرانی سوداګرو او پانګوالو وغوښتل چې د ګډو ارزشونو په نظر کې نیولو سره د پانګونې په برخه کې لکه د انرژۍ د تولید او د کانونو استخراج کې رغنده رول ترسره کی.

د مدیره پلاوي لومړی مرستیال، په ایران هیواد کې د افغان سوداګرو د پانګونې په اړه خبرې وکړې وویل: افغان پانګوالو په ایران هیواد کې په بیلابیلو برخو کې د  ۵ میلیارده ډالرو په ارزښت  پانګونه کړی ده ولی په مقابل کې د ایرانی پانګوالو د پانګونې کچه  په افغانستان کې ډیره ټیټه ده او له ایرانی سوداګرو یې وغوښتل چې په بیلابیلو بنسټیزو پروژو کې، د سوداګریزو خدماتو معیاري کولو په برخه کې او د روغتیا سکټور د تقویت په برخه کې پانګونه وکړي او د دواړو هیوادونو د سوداګریزو راکړې ورکړې کې مثبت رول ولوبوی.

د افغانستان د سوداګرۍ او پانګونې اتاق مدیره پلاوي دریمې دورې شلمه ناسته د اتاق د عمومي رئیس ښاغلي توکل احمدیار په مشرۍ او د مدیره پلاوي لومړي مرستیال ښاغلي محمد یونس مهمند، د مدیره پلاوي سوداګریز مرستیال ښاغلي خیرالدین مایل احمدي، د اتاق د دارالانشاء رئیس ښاغلي خان محمد سرفراز باز، مالي رئیس ښاغلي شیرین آغا سخي، د نړیوالو اړیکو رئیس ښاغلي انجنیر سید جاوید برهان، د مدیره پلاوي غړیو هر یو ښاغلي خان جان الکوزي، ذکریا بریالي، محمد داود یوسفزي، جان آقا صادقي، ضیاءالدین اچکزي، احمد شکیب احمدیار او بهادر خیرخواه او د اتاق عامل پلاوي سرپرست او مالي او اداري مرستیال ښاغلي میرویس په ګډون د افغانستان د سوداګرۍ او پانګونې اتاق په مرکزي دفتر کې ترسره شوه.

په پیل کې، په اجنډا کې شاملې موضوعګانې، د نولسمې ناستې مصوبات او د نولسمې ناستې صورت جلسې لاسلیک ګډون والو ته د ښاغلي خان محمد سرفراز باز لخوا وړاندې کړی شول.  

ورپسی د عامل پلاوي سرپرست او مالي او اداري مرستیال ښاغلي میرویس هوتک د عامل پلاوي راپورونه د ناستې ګډونوالو ته وړاندی کړل او د مدیره او عامل پلاوو وړاندیزونو په اړه بحث او لازمې پریکړې ونیول شوې.

د افغانستان د سوداګرۍ او پانګونې اتاق عامل رئیس ښاغلي شفیق الله عطايي د سوداګرۍ نړیوال اتاق (ICC) د نړیوال آنلاین مارکیټ (میریادو) مسؤل ښاغلي نیکولاس سره د آنلاین ناستې په ترڅ کې، د نړیوال آنلاین مارکیټ (میریادو)، په دی برخه کې شته فرصتونو او په یاد مارکیټ کې د راکړې ورکړې په شرایطو خبرې اترې وکړې.

ښاغلي نیکولاس د نړیوال آنلاین مارکیټ (میریادو) په اړه د خبرو کولو ترڅنګ، زیاته کړه " دغه آنلاین مارکیټ د نړیوالې سوداګرۍ او پانګه اچونې بهیر د تسریع کولو په موخه، د سترو شرکتونو د وصل نقطې په توګه د مختلفو هېوادونو د اتاقونو له لارې فعالیت کوي او هڅه کوي چې، په دی برخه کې لازمې آسانتیاوې رامنځته کړي."

ښاغلي نیکولاس د نړیوال آنلاین مارکېټ بېلابېل خدمتونه او برخې تشریح کړې او د افغانستان د سوداګرۍ او پانګونې اتاق رول یې د افغان سوداګرو او پانګوالو لپاره د دغه مارکیټ د معرفۍ او په یاد مارکیټ کې د سوداګرۍ د څرنګوالي برخه کې اړین وباله.  

ښاغلي عطايي د افغانستان د سوداګرۍ او پانګونې اتاق، د غړیتوب شرطونو او د نړیوالو هوکړه لیکونو په اړه د معلوماتو ورکولو ترڅنګ، د هېوادونو ترمنځ د سوداګرۍ ودې برخه کې يې د میریادو مارکېټ فعالیت اړین وباله او په دی برخه کې يې د عملي ګامونو پورته کولو باندی ټینګار وکړ.

ښاغلي عطايي د کورنیو تولیداتو په اړه وویل "افغانستان هغه هېواد دی چې د باکیفیته تولیداتو وړتیا لري او د بهرنیو هېوادونو له تولیداتو سره د سیالۍ توان لري."

د اتاق عامل پلاوي رئیس د میریادو نړیوال انلاین مارکېټ په نړۍ کې د افغاني تولیداتو د معرفۍ استازی وباله او ډاډ یې ورکړ چې په دې بازار کې به د ګډون په موخه، سوداګر او پانګوال وهڅوي.

د یادولو وړ ده چې، په دې انلاین مارکېټ کې د ګډون له لارې د افغانستان د سوداګرۍ او پانګونې اتاق غړي کولی شي په اروپايي او امریکايي هېوادونو کې د سوداګرۍ د نړیوال اتاق له غړو سره اړیکه ونیسي او په آنلاین ډول سوداګري وکړي.

د افغانستان د سوداګرۍ او پانګونې اتاق مدیره پلاوي لومړي مرستیال ښاغلي محمد یونس مهمند په داسی حال کې چې د مدیره پلاوي غړي ښاغلي خانجان الکوزي، دننګرهار ښاغلي والي، دکرنې وزارت ښاغلي معین، د اتاق د عامل مالي او اداري مرستیال ښاغلي میرویس هوتک، دننګرهار ولایت دصنعت او سوداګرۍ رئيس، او د هېواد د سوداګرو او پانګوالو په حضور کې د «عالیست افغانیست  » نندارتون چې د جلال آباد په ښار کې جوړ شوی وه، د پرانستې مراسمو کې يې د ګډون ترڅنګ، د کورنیو تولیداتو څخه د اتاق ملاتړ اعلان او د نندارتونونو د جوړولو برخه کې د همکارۍ ژمنه وکړه.

ښاغلي مهمند د دغه نندارتون په جوړیدو د خوښۍ څرګندولو ترڅنګ، له ټولو سکتورونو څخه چې د دغه نندارتون په تنظیمولو کې یې فعاله ونډه اخیستې وه مننه وکړه او د دغه ډول نندارتونونو جوړول یې د اقتصادي ودې او د کورنیو تولیداتو په معرفي کولو کې مهم وبلل او د سوداګرۍ او پانګونې په برخه کې د هېواد له تولیدي صنایعو څخه یې د افغانستان د سوداګرۍ او پانګونې اتاق د ملاتړ ډاډ ورکړ.

نوموړي ننګرهار ولایت دکرنې او موقیعت لمخې د ګټور بللو ترڅنګ، د کورنیو تولیداتو پر کارولو ټینګار وکړ او د خصوصي سکتور له غړیو يې وغوښتل چې د خپل اتفاق او اتحاد په ساتلو سره د هېواد اقتصادي ودې او د کورنیو تولیداتو ملاتړ برخه کې خپل اړین رول ولوبوي.   

په دغه نندارتون کې ۱۲۰ شرکتونه خپل محصولات لکه: لاسې صنایع، وچې او تازه میوې، قیمتي ډبرې او غیرالکولي مشروبات د دری ورځو لپاره نندارې ته ږدي.