د افغانستان د سوداګرۍ او پانګونې اتاق د پانګونې مرستیال ښاغلي سلطان محمد صافي او محترمو د مدیره پلاوي مالي رئیس  شیرین آغا سخي، د مدیره پلاوي غړو ذکریا بریالي او جان آقا صادقي، د اتاق د عامل پلاوي مشر سید زمان هاشمي او د هېواد یو شمېر سوداګرو چک هېواد کې د افغانستان سفیر ښاغلي شهزاد ګل اریوبي، سره ولیدل او دواړو هېوادونو ترمنځ د سوداګرۍ او پانګونې د فرصتونو د پراختیا په تړاو یې بحث او تبادل نظر وکړ.

ښاغلي صافي، د سوداګرۍ او پانګونې اتاق ته، چک جمهوریت کې د افغانستان سفیر راتګ لپاره هرکلی وکړ او دغه ډول ناستې یې د دواړو هېوادونو ترمنځ د سوداګریزو او اقتصادي اړیکو ودې او پراختیا لپاره مهمې وبللې او هیله مند شو چې دغه ناسته وکولای شي د دوو هېوادونو ترمنځ د سوداګرۍ او پانګونې په زیاتوالي ښه اغیز وکړي.

د اتاق د عامل پلاوي مشر ښاغلي سید زمان هاشمي، په اروپایي بازارونو په ځانګړي ډول "چک" او "سلواک" کې د افغانستان د تولیدي محصولاتو لپاره بازار موندنه کې د ښاغلي اریوبي له هڅو یادونه وکړه او پاکستان سره سوداګرۍ کې د افغانستان شته ننګونو ته په اشارې د افغانستان د محصولاتو او تولیداتو لپاره په نړۍ له جملې یې اروپایي ټولنې هېوادونو بدیل بازارونو پیدا کولو په تړاو خبرې وکړې او د دې ډول غونډو په دوام یې ټینګار وکړ.

د اتاق عامل پلاوي مشر، په وروستیو 3 کلونو کې اروپایي اتحادیې ته د افغانستان صادرات شاوخوا 24 میلیونه ډالر وښودل چې له دې جملې نږدې 19 میلیونو ډالرو په ارزښت چې ټولیز مقدار یې 1284 ټنه کیږي د هوایي دهلیزونو له طریق په 223 الوتنو کې صادر شوي، چې ډېره برخه یې جرمني ته لیږدول شوي دي.هغه له سوداګرو وغوښتل چې دغه ناسته کې له اروپایي ټولنې په خاص ډول چک هېواد سره د سوداګرۍ ګډو فرصتونو په تړاو بحث وکړي او خپل وړاندیزونه د افغانستان له سفیر سره هم شریک کړي.

ښاغلي شهزاد ګل اریوبي، له چک او سلواک هېوادونو سره د سوداګرۍ او پانګونې ګډو فرصتونو په اړه خبرې وکړې زیاته یې کړه، د دې ترڅنګ چې دی په چک هېواد کې د افغانستان سفیر دی په سلواک هېواد کې د افغانستان کونسلي چارې هم دوی پر مخ وړي. نوموړي د دواړو هېوادونو ترمنځ د پراخو تجارتي او اقتصادي مناسباتو چې په تېر وخت کې درلود یادونه وکړه او هغه معلوماتي کڅوړه چې (وچې او تازه مېوې، زعفران، طبي بوټي، زراعتي محصولات، غالۍ، لاسي صنایع او معادن) پکې شامل دي اتاق او سوداګرو ته وسپارله او ټینګار یې وکړ چې دغه محصولات د افغانستان صادراتو او د هغې بازار موندنې لپاره ګټور واقع کیږي.

ښاغلي اریوبي، د سوداګریزو اړیکو پراختیا او د اقتصادي او شریکې پانګونې د مناسباتو تحکیم برخو کې د بېلا بېلو فرصتونو برابرولو  د هر راز همکارۍ ژمنه وکړه.
دغه ناسته کې، د بېلابېلو سکتورونو سوداګرو او پانګه والو د خپلو تولیداتو په تړاو خبرې وکړې او وړاندیز یې وکړ چې چک جمهوریت کې د افغانستان سفارت هغه هېواد کې د یو څو ورځیني نندارتون جوړولو اوسوداګریز تواصل ناستې زمینه مساعد کړي ترڅو، دوی له یوې خوا د افغانستان د محصولاتو د معرفي او بازار موندنې لپاره کافي وخت ولري او له بل لوري وکولای شي د چک د پانګوالو سره د ګډو پانګونو هوکړه لیکونه لاسلیک کړي.

د افغانستان د سوداګرۍ او پانګونې اتاق په یو خبرې ناسته کې چې د حرکت ادارې په همکارۍ د اتاق د محترم مشرتابه پلاوي غړو ښاغلو د مدیره پلاوي لومړي محمد یونس "مومند"، د پانګونې مرستیال سلطان محمد "صافي"، د دارالانشاء رییس خان محمد سرفراز باز، د مدیره پلاوي غړو خانجان "الکوزي"، آذرخش "حافظي"، احمد ضیاء عظیمي "شینوزاده" او جان آقا "صادقي"، د حرکت ادارې رییس نورعالم "حکیمیار" او د اتاق د عامل پلاوي رییس سید زمان "هاشمي"، د خصوصي سکتور لسګونو غړو او خبرېالانو په ګډون د اتاق د غونډو تالار کې ترسره شوه، افغانستان کې د کار وبار څلرویشتمه سروې او پر هغې د کوویډ 19 اغیزې اعلان کړې.

د افغانستان د سوداګرۍ او پانګونې اتاق د حرکت ادارې په همکارۍ پاکستان هېواد سره په تجارت او ټرانزیټ کې د ننګونو په هکله د عامه او خصوصي خبرو اترو ناسته چې، د پاکستان په چارو کې د جمهور رئيس ځانګړي استازي ښاغلي محمد عمر داووزي او د اتاق د مشرتابه پلاوي غړو ښاغلو د اتاق د مدیره پلاوي لومړي مرستیال محمد یونس مومند، د پانګونې مرستیال سلطان محمد صافي، د مدیره پلاوي د دارالانشاء مشر خان محمد سرفراز باز، د اتاق مالي رئيس شیرین آغا سخي، د اتاق د مدیره پلاوي غړو خانجان "الکوزي"، احمد ضیاء عظیمي "شینوزاده"، احمد شکیب "احمدیار"، جان آقا "صادقي" او محمد "گردیزي" د حرکت ادارې مشر نورعالم "حکیمیار"، د اتاق د عامل پلاوي رییس سید زمان "هاشمي" د بېلابېلو اتاقونو رییسانو او د خصوصي سکتور یو شمېر غړو او خبرېالانو په کې ګډون درلود، د کابل سرینا هوټل کې ترسره شوه.

د سوداګرۍ او پانګونې اتاق د مدیره پلاوي لومړي مرستیال ښاغلي محمد یونس مومند له پاکستان سره په تجارت او ټرانزیټ کې د شته ستونزو او هغه زیانونو په تړاو چې له دې امله سوداګرو او خلکو ته رسيږي خبرې وکړې او هیله مند شو چې د دواړو هېوادونو د سوداګرۍ او ټرانزیټ اهمیت ته پام به د افغانستان او پاکستان حکومتونه به د موجوده ستونزو د د ایمي حل لپاره ګټور اقدامات وکړي څو، د دغو ستونزو له تکرار مخنیوی وشي.

د سوداګرۍ او پانګونې اتاق د مدیره پلاوي د پانګونې مرستیال ښاغلي سلطان محمد صافي، د سوداګریزو او ټرانزیټي  اړیکو اهمیت د یادولو ترڅنګ، د پاکستان په چارو کې د ولسمشر له ځانګړي استازي وغوښتل چې په یوه ستره غونډه کې چې هغه کې سوداګر او د حکومت استازي حضور ولري، اوسنۍ ستونزې وڅېړل شي او په عملي اقداماتو تصمیم ونیول شي.
نوموړي په کراچۍ بندر او پاکستان کې د همیشنۍ ستونزو او له بهرنیو هېوادونو څخه د مسلکي افرادو د استخدام لپاره د ویزې صدور ستونزه یاده کړه او د یادو ستونزو دایمي حل کې یې د حکومت د جدي پاملرنې غوښتنه وکړه.

د اتاق د عامل پلاوي مشر ښاغلي سید زمان هاشمي، د افغانستان او پاکستان ترمنځ د تجارت اهمیت، شته ننګونو او نورو ټرانزیټي لارو د لاجورد لار او چابهار او همدا راز هغه ستونزو په تړاو چې له ډېر وخته د افغانستان او پاکستان ترمنځ سوداګرۍ او ټرانزیټ برخو کې موجود دي، خبرې وکړې او غوښتنه یې دا وه، چې د دواړو هېوادونو تجارت په وړاندې شته ستونزو دایمي او بنسټیز حل لپاره په یو حل لاره کار وشي. هغه د (اپټا) تړون تطبیق په تړاو د موجوده ستونزو په نظر کې نېولو سره، د دغه قرارداد متن په بیا کتنې یې ټینګار وکړ.

د حرکت ادارې رییس ښاغلي نور عالم حکیمیار، په خپلو خبرو کې د کرونا بحران په وخت کې د پاکستان سره په سوداګرۍ او ټرانزیټ کې رامنځته شویو ستونزو په نظر کې نیولو او د دغو ستونزو حل برخه کې د سوداګرۍ او پانګونې اتاق او حرکت ادارې ترمنځ هڅو او همدا راز د امریکا، بریتانیا او اروپایي ټولنې د هېوادونو سیاسي همکاریو ته په اشارې د دې برنامې په اهمیت خبرې وکړې.

د پاکستان په چارو کې د جمهور رئيس ځانګړي استازي ښاغلي محمد عمر داوودزي، د دواړو هېوادونو ترمنځ د پخوانیو ستونزو او سیاسي اختلافاتو په پام کې نیولو سره د دواړو هېوادونو د سوداګرۍ او ټرانزیټي اړیکو کلي اوضاع په تړاو خبرې وکړې او د شته ستونزو حل په هکله یې د افغانستان د حکومت له  ارادې یادونه وکړه. نوموړي د دواړو هېوادونو ترمنځ د اختلافونو کمښت او د سیاسي، سوداګریزو،ټرانزیټي او اقتصادي اړیکو ښه والی یې د دواړو حکومتونو او د دوو هېوادونو د خلکو په ګټه وباله او هیله یې وښوده چې افغانستان کې د سولې په راتګ به، د دواړو هېوادونو مناسبات ښه شي.

د اتاق د مدیره پلاوي غړي او د افغانستان د خونو د فدراسیون د پانګونې مرستیال ښاغلي خانجان الکوزي، د افغانستان او پاکستان ترمنځ د تجارتي فعالیت لپاره د ټرانزیټي دروازو پرانسته کې د حرکت ادارې له هڅو او همکاریو مننه او ستاینه وکړه او د شته ستونزو د حل لپاره یې د هېواد د سوداګرو د نظرونو راټولو، د (اپټا) تړون د تطبیق او د هغه د متن په بیا کتنې یې هم ټینګار وکړ.

د دې ناستې په پای کې، مرکز او ولایتونو کې د خصوصي سکتور استازو او سوداګرو هم خبرې وکړې او د موجوده ستونزو کمښت او د هغې د حل په تړاو یې خپل مشخص نظرونه او وړاندیزونه هم شریک کړل.

د افغانستان د سوداګرۍ او پانګونې اتاق او د عامه ساتنې ملي تصدۍ، د هېواد خصوصي سکتور لپاره د امنیتي خدمتونو چمتو کولو په موخه د اتاق د مشرتابه پلاوي غړو، د کابل والي، د عامه محافظت ملي تصدۍ مشر، د کورنیو چارو وزارت مسوولینو او د هېواد د خصوصي سکتور غړو حضور کې د کابل انټر کانټیننټال هوټل کې ګډه ناسته ترسره کړه.

د افغانستان د سوداګرۍ او پانګونې اتاق او د اوکراین جمهوریت د سوداګرۍ او صنایعو اتاق د دوه اړخیزو همکاریو په موخه د روان کال د وږې میاشت پر 6مه نېټه د پنجنشبې ورځ اوکراین کې د افغانستان د سفیر او د دواړو هېوادونو د اتاقو د رییسانو په حضور کې د ویډیو کنفرانس له طریق هوکړه لیک لاسلیک کړ.