د افغانستان د سوداګرۍ او پانګونې اتاق د عامل پلاوي مشر ښاغلي سید زمان هاشمي، په اندونیزیا کې د افغانستان سفیر ښاغلي فیض الله ذکي، د هغه هېواد بهرنیو چارو وزارت او د سوداګرۍ خونې له استازو، د افغانستان د خونو فدراسیون مشر ښاغلي اسماعیل غضنفر او د هېواد بهرنیو چارو وزارت د اقتصادي همکاریو ریاست مرستیال ښاغلي اسدالله همدرد سره د افغانستان او اندونیزیا ترمنځ د سوداګرۍ او اقتصادي اړیکو د پراختیا او ګډو همکاریو په تړاو د ویډیو کنفرانس له طریق خبرې وکړې.
دغه ناسته کې، ښاغلي سید زمان هاشمي، د افغانستان د محصولاتو او تولیداتو لکه : وچو مېوو، زعفرانو، قیمتي او نیمه قیمتي ډبرو دایمي نندارتون پرانسته چې جاکارتا کې د افغانستان سفارت داخل کې افتتاح شوی، یادونه وکړه د دواړو هېوادونو ترمنځ د سوداګریزو او اقتصادي اړیکو په توسعې یې ټینګار وکړ.
ښاغلي هاشمي، جاکارتا کې د افغانستان مېشت سفیر له دغه نوښت چې هغه هېواد کې یې د افغانستان محصولاتو او تولیداتو د معرفي او بازار موندنې فرصت برابر کړی خوښي وښودله او نړیوالو بازارونو ته د افغانستان د محصولاتو لاس رسي او بازار موندنه کې یې د اتاق د هڅو یادونه وکړه. هغه په ټولو هېوادونو کې د افغانستان له سفارتونو تقاضا وکړه چې د هېواد محصولاتو او تولیداتو لپاره نړیوال مارکیټ موندلو کې د افغانستان د سوداګرۍ او پانګونې اتاق سره همکاري وکړي.
د اتاق د عامل پلاوي مشر له ښاغلي ذکي وغوښتل ترڅو، د افغانستان د سوداګرۍ او پانګونې اتاق او اندونیزیا د سوداګرۍ اتاق ترمنځ د ګډو همکاریو، د دواړو هېوادونو د سوداګرو ترمنځ د سوداګرۍ د تواصل کنفرانسونو او هغه هېواد سره د سوداګرۍ ګډ اتاق جوړلو او د همکاریو هوکړه لیک لاسلیک کې هر اړخیزې همکارۍ وکړي.
ښاغلي فیض الله ذکي، د اندونیزیا هېواد سره د تجارتي او اقتصادي اړیکو پراختیا لپاره د شته فرصتونو په خاص ډول د دواړو هېوادونو د جمهور رئيسانو د سفرونو او دواړو دولتونو ترمنځ د سوداګریزو او اقتصادي همکاریو د هوکړه لیک له لاسلیک یادونې ترڅنګ، د افغانستان او اندونیزیا ترمنځ د سوداګریزو اړیکو پراختیا او پیاوړتیا کې د هر ډول همکاریو ژمنه وکړه.
ښاغلو محمد یونس "مومند"، خیرالدین "مایل احمدي" او سلطان محمد "صافي" هر یو په خپل نوبت د سوداګرو ستونزو اوریدو په موخه د هېواد بهرنیو چارو وزارت ته د چین د سفیر تشریف ور وړلو او د سوداګرۍ او پانګونې اتاق سره د یاد سفارت له ښو همکاریو مننې او قدردانۍ ترڅنګ د افغانستان او چین ترمنځ د سوداګرۍ د اهمیت، د ګاونډیتوب ښو اړیکو، د دواړو هېوادونو ترمنځ د دوستانه مناسباتو او د چين او افغانستان ترمنځ د هوايي دهليزونو د اهميت په تړاو خبرې وکړې او د دوو هيوادونو ترمنځ د تجارتي او اقتصادي اړيکو پراختيا لپاره يې د ځمکني دهليز جوړولو ټينکار وکړ.
ښاغلي "مومند"، د سوداګرو لپاره د چین ویزې د اخیستلو او دغه برخه کې د بهرنیو چارو وزارت مسوولینو سره د سوداګرۍ او پانګونې اتاق له هڅو یادونه وکړه. نوموړي کابل کې د چین سفیر سره د اتاق د مشرتابه پلاوي غړو او یو شمېر سوداګرو د ناستې فرصت چې ټاکل شوې سبا د بهرنیو چارو وزارت کې ترسره شي د دې برخه کې د یاد وزارت له همکاریو مننې ترڅنګ له سوداګرو وغوښتل چې خپلې غوښتنې او وړاندیزونه په منظم ډول او له اتاق سره په همغږۍ ترتیب او د حل لپاره یې د یکشنبې ورځ جوړیدونکي ناسته کې شریکې کړي.
ښاغلي سید زمان هاشمي، په الکترونيکي بڼه د اتاق د خدمتونو عرضه کولو په تړاو وینا وکړه او دا نوښت یې د اتاق د تېرو 90 کلونو فعالیت کې یو ستر بدلون وباله چې کولای شي د اتاق خدماتو کې ، سرعت، مؤثریت،روڼتیا او د سوداګرو د باور پيدا کېدو لامل شي. هغه زیاته کړه: د مبدآ د تصدیق پاڼې، انوایسونو او نورو کاري ستونزو چې د نړۍ بېلابېلو هېوادونو او سرحدي ګمرکونو کې د اتاق بیا ځل تایېد ته اړتیا موجود وه، د دې لامل شو چې اتاق د ذکر شویو ستونزو د حل لپاره عملي اقدمات ترسره کړي، چې د برښنایي عملیاتي سیستم پرانستل یو له لاسته راوړنو دې چې اتاق دغه برخه کې اجرا کړي دي.