د افغانستان د سوداګرۍ او پانګونې خونې خدماتي مرستیال محترم الحاج عنایت الله صدیق زي، د سوداګرې او پانګونې خونې غړي الحاج عتیق الله مومن زاده او یو شمیر ملي پانګوالو د عامې روغتیا د وزارت د مرستیال او د ننګرهار ولایت د عامې روغتیا د ریئس په ملتیا سره، د وروستې زلزلې د ټپیانو د پوښتنې او له هغوی سره د مرستې په موخه د ننګرهار ولایت له حوزوي روغتون او فاطمه الزهرا روغتون څخه لیدنه وکړه.
یاد پلاوي د ټپیانو د لیدلو او پوښتنې سر بیره هغوی ته د بشپړې روغتیا غوښتنه وکړه او د ټپیانو سره د مرستې په موخه د ملي سوداګرو له لورې را ټولې شوې ۶ میلیونه او اویا زره افغانۍ مرسته، اړونده مسؤلینو ته وسپارله.
چهارشنبه د وږي ١٢مه، ۱۴۰۴
