محترم خانجان الکوزی، د اتاق د مدیره پلاوي غړی او د افغان-پاک ګډ اتاق رئیس او محترم ضیاءالدین اچکزی، د مدیره پلاوي غړی او د اتاق د سوداګرۍ کمېټې رئیس، له محترم حاجي محمد غنی، د افغان-پاک ګډ اتاق مرستیال، او د هېواد له یو شمېر سوداګرو سره د اتاق په مرکزي دفتر کې وکتل او د هغوی ستونزې یې واورېدې.
ښاغلي محمد غنی او سوداګرو خپلې اوسني ستونزې چې د ترانزیت په برخه کې د تورخم او سپین بولدک په بندرونو کې وو د اتاق له مشرتابه سره شریکې کړې او د یادو ستونزو د حل په برخه کې یې د اتاق د همکاریو غوښتنه وکړه.
ښاغلیو الکوزی او اچکزی، د ښاغلي محمد غنی او سوداګرو تود هرکلی ترڅنګ، د هغوی ستونزې واورېدې او ژمنه یې وکړه چې اتاق به یې ستونزې د حکومت له اړوندو ادارو سره شریکې کړي او هڅه به وکړي چې لازم رسیدګي ورته وشي.
چهارشنبه، د چنګاښ ٤ مه ١٤٠٤ کال
