ښاغلی خانجان الکوزی، د افغانستان د سوداګرۍ او پانګونې اتاق د مشرتابه پلاوي غړی، د اتاق د عامل پلاوي د پالیسي او تخنیکي مرستیال ښاغلي محمد انور عارفي په شتون کې، د هفت الماس صنایع شرکت له مسوولینو سره په مرکزي دفتر کې ولیدل او د اوسپنې استخراج او فولاد تولید په برخه کې د ګډو پانګونو په اړه خبرې اترې وکړې.
ښاغلی امین احمدیان، چې د ایران د هفت الماس صنایع شرکت د بازار موندنې مدیر وو، په درېیم ملي او نړیوال امام ابو حنیفه (رح) نندارتون کې ګډون کړی و او د دې شرکت د فولادو تولیدات یې معرفي کړل، د دې شرکت د فعالیتونو او تولیداتو په اړه یې معلومات وړاندې کړل او د افغانستان په هغو شرکتونو کې د ګډو پانګونو لپاره یې خپل علاقه څرګنده کړه چې په کانونو او د اوسپنې په تولید کې فعالیت کوي.
ښاغلي الکوزي، د هفت الماس صنایع شرکت مسوولینو ته د ښه راغلاست ویلو ترڅنګ، د کانونو سکتور، په ځانګړې توګه د فولادو او اوسپنې تولید د هېواد د اقتصاد په وده کې مهم وباله او په افغانستان کې یې د هغو شرکتونو په اړه معلومات ورکړل چې په اوسپنه کې یې لویې پانګونې کړي دي. هغه، د کانونو او د استخراج په برخه په مختلفو سکتورونو کې د ګډو پانګونو غوښتنه وکړه او د افغانستان او ایران ګډې اتاق رول یې د سوداګرۍ او ګډو پانګونو په پراختیا کې مهم وباله او پر لا زیاتې همکارۍ یې ټینګار وکړ.
