د افغانستان د سوداګرۍ او پانګونې اتاق لومړي مرستیال ښاغلي محمد یونس مهمند په داسی حال کې چې د اتاق عامل پلاوي سرپرست رئیس ښاغلي میرویس هوتک، د اتاق ستر سلاکار ښاغلي سردار ولي پښتون او د اتاق حقوقي سلاکار ښاغلي عبدالسلام کوهي هم حضور درلود، د شامپو واردونکو سره لیدنه ترسره او د شامپو په وارداتو د ګمرکي محصول د کمولو څرنګوالي په اړه يې خبرې اترې وکړې.

واردونکو د مالیې وزارت د ګمرکونو معینیت له خوا د یوې میاشتې لپاره پر وارداتي توکو په ځانګړي ډول شامپو باندې د ګمرکي محصول د کموالي هرکلی وکړ او د اوږدمهالې تطبیق غوښتنه یې وکړه.
واردونکو د سوداګرۍ او پانګونې اتاق له مشرتابه وغوښتل، چې په دې برخه کې ورسره همکاري وکړي.

ښاغلي مهمند د شامپو واردونکو ته د ښه راغلاست ویلو وروسته، زیاته کړه چې د هېواد د اقتصادي څرخ ګرځیدل په مالیاتو پوری اړه لري او د شامپو له واردونکو څخه یې وغوښتل چې په خپل وخت مالیه ورکړي.
نوموړي د شامپو واردونکي په هېواد کې د شامپو تولید برخه کې پانګونې ته وهڅول او په صنایع سبز ښارګوټي کې يې دوی ته د ځمکې توزیع کې د اتاق د هر اړخیزې همکارۍ ډاډ ورکړ.

شنبه، سلواغې ۲۱مه، ۱۴۰۲