د افغانستان د سوداګرۍ او پانګونې اتاق او د موساید ادارې د ښو سوداګریزو او اقتصادي اړیکو په لرلو په موخه، هوکړه لیک لاسلیک کړ.
ددی هوکړه لیک پر بنسټ، دوه اړخیزې سوداګرۍ او پانګونې ته باید وده ورکړل شي ترڅو د افغانستان او ترکيې ترمنځ سوداګریزې او پانګه ایزې اړیکې لا پسې پراخه او د پانګونو د جلب برخه کې لازم ګامونه پورته کړی شي.
همدارنګه ددی هوکړه لیک پر بنسټ، د دواړو لوریو ترمنځ به د سوداګریزو پلاوو او د سوداګرۍ، پانګونې او ټرانزیټ برخه کې د تخنیکي معلوماتو تبادله رامنځته کیږي.
یاد هوکړه لیک د داوړ لوریو د مشرتابه په حضور کې د افغانستان د سوداګرۍ او پانګونې اتاق عامل پلاوي مالي او اداري مرستیال ښاغلي میرویس هوتک او د موساید ادارې د صادراتو پراختیا رئیس ښاغلي عبدالقدیر له لوري لاسلیک کړی شو.
ددی هوکړه لیک د لاسلیک په مراسمو کې د اتاق د مدیره پلاوي غړیو هر یو ښاغلي محمد ګردیزي او احمد ضیاء عظیمي شینوزاده او د اتاق د عامل پلاوي د نړیوالو اړیکو ډیپارټمنټ مسؤل ښاغلي امید غفورزي هم ګډون درلود.
