یکشنبه، د وږي ۱۵مه، ۱۴۰۵

 

د افغانستان د سوداګرۍ او پانګونې خونې د اجرائیه کمېټې دیارلسمه فوق‌العاده ناسته د خونې عمومي رئیس ښاغلي الحاج سید کریم هاشمي په مشرۍ ترسره شوه.

په دې ناسته کې د اجرائیه کمېټې غړو او د خونې مرستيالانو، چې له ډلې یې ښاغلي الحاج ګلبهار حبیبي، ښاغلي الحاج ارین زلګي عظیمي او ښاغلي الحاج میراجان سلیمانخېل په انلاین بڼه، ښاغلي الحاج عنایت‌الله صدیق‌زي، ښاغلي الحاج عبدالنافع بارکزي، ښاغلي مجیب‌الرحمن شیرزاد او د دارالانشاء رئیس محترم الحاج ذبیح‌الله عمرخېل حضوري ګډون درلود.

په ناسته کې د خونې مهمو کاري، اداري او اجرائیوي موضوعاتو، د روانو فعالیتونو او پروګرامونو د پرمختګ او خصوصي سکټور ته د خدمتونو وړاندې کولو اړوندو موضوعاتو په اړه بحث او د نظرونو تبادله وشوه.

همدارنګه، د امام ابوحنیفه (رح) پنځم ملي او نړیوال نندارتون کاري راپور او د چارو پرمختګ په اړه يې معلومات وړاندې شول او په اغېزناکه توګه یې د چارو پرمخ وړلو لپاره لازمې لارښوونې وشوې.

په پای کې د اجرائیه کمېټې غړو خپل نظرونه او وړاندیزونه وړاندې کړل او د مطرح شویو موضوعاتو په اړه لازمې پرېکړې او لارښوونې صادرې شوې.