ټولو محترمو صادرونکو ته خبر ورکول کېږي، چې کام ایر هوايي شرکت (Kam Air) د ۲۰۲۶ کال د سپتمبر له ۶مې نېټې، چې د ۱۴۰۵ هـ.ش کال د سنبلې له ۱۵مې نېټې سره سمون لري، هندوستان ته د تازه او وچو مېوو د هوايي کارګو صادراتو لپاره ځانګړی تخفیف او مناسب نرخ په پام کې نیولی دی.

ځانګړی صادراتي نرخ:

په هر کیلوګرام ۱.۵ امریکايي ډالر

دغه اقدام د صادراتو د اسانتیا، صادرونکو ملاتړ او د هندوستان په بازار کې د افغانستان محصولاتو د حضور پراختیا په موخه کېږي.

د افغانستان د سوداګرۍ او پانګونې خونه (ACCI) د کام ایر هوايي شرکت له محترم مشرتابه څخه د دغه ځانګړي تخفیف په پام کې نیولو او د هېواد د صادراتو بهیر اسانولو په برخه کې د همکارۍ له امله صمیمانه مننه او قدرداني کوي.

له صادراتو ملاتړ؛ د افغانستان د سوداګرۍ پراختیا.